Jirimaya 6:27 - DAWAN BÎLA AISKA

²⁷ Dawan bui ai win: “Yang upliki nani ba wihtka mai mangkisna, tânka ba trai kaikaia. Tânka ba laki kaiks, daukanka ba nahki sapa.”

Jirimaya 6:27 ပူးပေါင်းရင်းမြစ်များ

Jirimaya 1:18

Kan naha yua ra yang mai blikisni, man ba tawan tara kum ai kaina kutbanka bri ba baku, ayan playka ni bapan baku, bras ni kutban tawanka baku, Juda tasbaya aiska mapara buma: kingka nani ba mapara, wihta nani, prîs nani ba mapara, uplika nani sut ba mapara sin.

Jirimaya 15:20

Naha uplika nani mapara yang daukamna man ba bras ni mai paski mai daukan, kutbanka kum baku kama, puram luaia karna. Mampara aiklabia, sakuna sip puram lubia apia, yang lika man wal kamna swaki mai sakaia. Yang, Dawan ba, kasak mai wisna.

Jirimaya 9:7

Ba mita yang, Dawan, karnika sut brisna ba, mai wisna: ¿Kau dîa wala yang upliki nani ba wal daukaia sip sna? ¡Pauta ra kiski tâski âpu daukaia sna!

Isikiel 20:4

Kau yamni man lâka dauks. Man, upla luhpia, lâka dauki yabrika tânka bribia, diara yamni kaikaia apia dukia nani, aisika daukan ba.

Isikiel 22:2

“Man, upla luhpia âikra ba mapara lâka daukaia sma tâwan, upla ai diara saura daukan nani sut ba dahra sâkma.