Jirimaya 6:26 - DAWAN BÎLA AISKA

²⁶ ¡Yang upliki nani, krukus prâka dimi sari tukinka ba; yamhpus ra aikarwi bas, kwala siksa dimi sari pali bri ini bas, luhpiam waitna kumi baman bri kapram pruan baku; kan wan sauhki tikaia uplika ba pat pali yawan ra balbia bamna!

Jirimaya 6:26 ပူးပေါင်းရင်းမြစ်များ

Blasi Sturka 21:16

Bara witin laihura taki wan, tukta ba pruka kaikaia apia dukiara. Sakuna witin wih iwan ba ra, tukta ba mahka inan.

Job 15:21

Ai kiama ra bin nani wali bara sirang iwisa kasak yukuwan sa luki, bara âimplikra nani mita bal dukia nani implikisa.

Job 2:8

Bara Job ban dipasta yamhpus tilara wih iwan bara sumi kriwan kum brih baha ni ai taya ba kurbi kan.

Aiseya 22:12

Baha ba mita, karnika sut bri Dawanka ba mai paiwan naha yua ra; man nani inaia, sari briaia, tâmwa kusbaia bara sari kwalka dimaia sin.

Aiseya 22:4

Baha mita yang wîri: Man nani ai swis, inanka tahplira ba inamni, maisi nihkaia wisi ai aisapara, tawanki luhpia mairin nani sauhki tikanka saura ba wina.

Aiseya 3:24

Kîa yamni watlika ra bisbaya balbia; maisa wilkaika watlika ra, rup; tâwa pain pitbanka watlika ra lal ba kusban kabia; kwala pranakira ni ai maisa wilkaia watlika ra, krukus ni wilkbia, bara prana painkira kaia ba watlika ra, ayan ni mark kum pauta klauhi baku kabia.

Aiseya 30:13

baha mita, man nani pâtkira sma. Man nani ba tawan kutbanka baiwan, slingwi tiwaia man swin ba baku sma.

Aiseya 32:11

Man nani sâp sma ba tatatwi bas, sari takras mairka nani, man nani trabil taki luks; man nani âmyapah mairka nani, man nani prâmka daiks, sari prâka dims, kwala sukra ni man nani maisam wilks.

Jirimaya 12:12

Upla iwras tasbaya ilka nani bâk sasauhkra uplika nani ba balan, kan yang, Dawan, sord kum brisna kuntrika na tâ kum wina tâ wala kat sauhkbia, plis kum ra sin kupia kumi kabia apia.

Jirimaya 13:17

Man nani naha walras kama kaka, yukuwan ra ini kamna praut lâka brisma ba tâwan; naikra nani wina laya ba plapi kabia, kan silak ra bri auya sa Dawan sîpka daknika ba.

Jirimaya 14:17

Bamna man upla nani ra naha bîla na wis: ‘Tihmia ra bara kakna ra naikra laya takaskras ban kauhisa, yang upliki nani pât tara saura ra diman ba luki, saura pali insauhkan ba sarka.

Jirimaya 15:8

Kabu un ra auhya ailalka ba wal man nani tilamra kau piarka nani ailal swiri. Yu wan lal kat prura ba blikri yaptika nani luhpia waitna nani bara tiara nani purara; bîla kaikras pali kan pât tara sibrin tara ba pât blikri.

Jirimaya 18:22

Âimplikra daknika kum witin nani ai dara walras kaka blîks; ¡baha nani wini sirang iki ba walbia! Witin nani tasba salhkan yang bahara ai mangkaia, bara yang yabalki ra mini alkaika nani swin.

Jirimaya 30:5

Dawan aisisa: “¡Sirang ikan ini banhwi ba yang walisna! ¡Sibrin daukisa, ai âuyapah apia sa!

Jirimaya 4:11

Baha yua aimakbia ba ra, naha uplika nani Jerusalem uplika nani ra wibia: “Upla iwras tasbaya wina pâsa lapta krawi yang upliki nani purara aula, plawar mâ taya puhbi sakaia payaska krawi ba baku apia;

Jirimaya 4:20

Diara sauhki tiki ban auya sturka ba walaisna; kuntri aiska ba sauhki tikan sa. Yang kiamki nani ba sin pat pali sauhki tikan kabia, yang waitla papakni nani kata ba sin slingban kabia.

Jirimaya 4:8

Baha mita, sari prâka dims, man nani latwan bri ins bara mamna lulks, kan Dawan kupia baiwanka klauhi ba yawan wina tnaya ra tawras sa.”

Jirimaya 6:14

Upliki nani insauhkanka nani ba taya purara ba baman kaikisa; aisisa diara sut ba pain baman sa, kuna kasakka ba sut saura man sa.

Jirimaya 8:19

Kan yang upliki nani inanka ba tasba aiska ra walisa bamna: “¿Dawan Saion ra âpu sa ki? ¿Kingkam ba bahara apia sa ki?” Bara Dawan pana naku aisisa: “¿Dîa muni witin nani mini prukan aidul nani ra mayuni, gâd wala nani witin nani kakaira apia ba?”

Jirimaya 8:21

Upliki nani pât wahwi ba tâka mita, yang sin pât wahwisna; kupi wirha sibrin mita ai taibi ai brisa.

Jirimaya 9:1

¡Aitani lukaina naikra nani ba lî kârma kum baku kata, naikra laya ba tingni lî aubi ba baku kaia, bamna kakna ra bara tihmia ra ini kaia yang upliki nani pruan ba pura mata!

Jirimaya 9:10

“Il nani tilara ini bas, bara mamna sin lulki bas, twi pain pâwi tasbaya pura mata ini aiwani banhs, baha sut angkan, bahak sin upla wapras swin; bîp nani sin âpu uhbaia, daiwan tnawira nani wail nani ba sin sut plapan.

Inanka Nani 1:16

Naha diara nani taki ba bui sika yang ra aikan inisna; naikra nani na, laya nani wal banhwi laiwisa, kan upla âpu sa yang maisi nihkaia, bara yang kupi tâ baikaia. Luhpi nani sut sauhki tikanka tara ba tilara takaskan, waihla nani ba mita puri luan bamna.

Inanka Nani 1:2

Witin tihmia bani ini ban katwisa; ai nakra laya, iswi ai mawan bâk laiwisa. Ai latwankirka nani sut ba tilara, kumi sin âpu sa witin ra ai maisa nihkaia. Ai uplika pali nani sut, witin ra kunin muni lulki swin; nanara baha nani sut ai waihla baman takan.

Inanka Nani 2:11

Inan mita naikra nani ba swapni takisa, bara laima dusa bîla sut baiwaisa; kupi ba sari mita pura lui laiwisa, yang upliki nani tawanka tara sauhki tikan ba kaikisna ba ra, tuktan nani sirpi tiala di nani sin, tawan yabalka nani ra plun bla kauhi pruisa.

Inanka Nani 3:16

Yang naipa nani ba tasba wal prukri; yang ra aikan tasba yamhpuska nani ba samri.

Inanka Nani 3:48

Naikra laya awala baku plapisa, tawanki latwankira sauhki tikanka ba dukiara.

Inanka Nani 4:10

Witin nani lika ai mihta pali ni, mairin nani kupia painkira nani ba, ai luhpia nani ba piakan; ai luhpia nani pali ba witin nani ai pata dauki pin, tawanki tara Jerusalem sauhki tikan ba tâka mita.

Inanka Nani 4:3

Yul wail mairin nani ba sin ai luhpia nani ra ai tialka ba diaia yabisa, sakuna yang upliki nani ra Jerusalem ra kau saura munan, daiwan tnawira yahpa tara kum upla iwras tasbaya ra bâra ba baku sa.

Inanka Nani 4:6

Yang upliki nani watawanka Jerusalem ra saura munan ba kanra tara sa, Sodoma saura daukan ba wal, baha lika tasbaya purara upla bal aiklabras, minit kumi ra sauhkan.

Emus 8:10

Lilia daukaia yua nani ba, pruan nani pura mata inaia yua daukamna; bara lilia dauki aiwanaia lawana nani ba sut, bikaia pura mata inanka nani ra tawbia; man nani sut kwala siksa dimma, upla nani tâwa ba sin irbi lipni daukbia; upla ai luhpia kumi baman bri kan pruan mata ini ba baku ini yahwi kama, bara yuam tnata ba tahpla pali lui wabia.”

Jona 3:6

Bara Ninibi kingka sturi ba walan, witin ai iwaika ba wina bûi si ai kwalka painkira ba daikan bara witin sin kwala siksa dimi tasba kat iwan.

Sakaraya 12:10

“Kupia yamni ai pura suni kaia spiritka wal, Debit kiamka nani ba Jerusalem ra iwi uplika nani ba banhkamni. Bara baha nani witin ra saban ba kat kaikbia, bara witin pura mata sari pali ini banhbia, luhpia waitna kumi baman kan, apia kaka tawahkia kan sarka ini ba baku.

Luk 7:12

Tawan ba lamara wan bara kaikan upla dakni kum pruan kum bikaia brih auya kan, baha ba piarka mairin kum luhpa waitna kumi baman pali bri kan ba. Tawan ba wina upla ailal witin yula kahbi kata.

Jems 4:9

Man nani sari taks, ini yahwi bas; kikisma ba yarka inan lâka ra tawbia, lilia lâka ba sari ra tawbia.

Jems 5:1

¡Yuyakira nani, naha na wals! ¡Man nani ini bas, bîlam baikra sin tara wins, trabil saura nani man nani wahwaisma bamna!