Jirimaya 6:22 - DAWAN BÎLA AISKA

²² Dawan aisisa: “Laih pali yahbra tani tasbaya ba wina nisan karna pali kum ba balaia ridi takisa.

Jirimaya 6:22 ပူးပေါင်းရင်းမြစ်များ

Nihimaya 1:9

sakuna yang nani kli man ra tawi balamna bara lâmka bîla nani ba brimna, bara baha warkka daukamna kaka, ban ai yakabi ai swiram sa, sakuna tasba aiska kir ba wina, yang nani na kli asla ai daukma, bara man ninam bâra kaia pliska bâk sakram ba, bahara kli wan brih wama.

Jirimaya 10:22

¡Damra wals! ¡Maisa pakanka kum blikan aula! Laih yahbra tani wina bin tara kum aula Juda tawanka tara nani ba upla iwras tasbaya, yul talia nani watla daukaia.

Jirimaya 13:20

Man nani lamla buki kaiks waihlam yahbra wina nahki aula ba. ¿Yang maikatna daknika ba anira sa, baha daknika ba ra luki mamyuni katma ba?

Jirimaya 25:32

Dawan, karnika sut bri ba, aisisa: “Sauhkaia klalka ba nisan kum ra alkbia, kli wala ra alkbia; pâsa saura karna kum tasba kir wina krawbia.”

Jirimaya 25:9

Nabucodonosor yang warkki dadaukra Babilon kingka ba, yahbra tani uplika nani ba sut balaia paiwisna, witin nani bal naha kuntrika ra upla nani sut iwi ba, nisan nani sut lamara ba wal iwi nani ba mapara sin. Witin nani ba sauhki âpu pali aiklabaia daukaisna. Baha nani ba sut sauhki âpu daukaisna. Baku sauhkan ban kaia swiaisna, sirang wan iki bara sibrin wan dingki kaia.

Jirimaya 30:5

Dawan aisisa: “¡Sirang ikan ini banhwi ba yang walisna! ¡Sibrin daukisa, ai âuyapah apia sa!

Jirimaya 4:16

“Nisan nani ra Jerusalem ra sin maisa paks laih tasba wala kum wina waihla nani ba aidrubi aula Juda tawanka nani mapara aiklabaia bara pura winanka nani winisa.

Jirimaya 4:6

Man nani plakinka ba Saion tani ra kulki purara buks; takaskpara, ¡man nani yukuwaia pliska pliks! Kan yahbra tani wina sauhki tikaia ba brih aula bamna.

Jirimaya 47:2

“Yang Dawan sna ba, naku wisni: Yahbra wina lisamra tara kum aula, awala purak laiwi ba baku; tasbaya aiska ra diara bâra ba sut lî dingkbia, tawan tara nani ba, bahara iwi nani ba sut, kuntri ra upla nani ba wini banhwisa, witin nani latwan bri alai inisa.

Jirimaya 5:15

Dawan ba kasak aisisa: “Israel, yang bui man mampara upla kwâra tara kum laih wina bri balaisna, upla karna patitara uplika nani. Witin nani aisi bîla ba man kakaira apia, witin nani aisi ba man tânka briras.

Jirimaya 5:16

Witin nani ba aiklaklabra tahplu nani, aiklabaia dukia nani bri ba tânka sika prura.

Jirimaya 6:1

¡Benjamín tasbaya ra iwi uplika nani, Jerusalem wina taki plaps, man nani yukuwaia watla pliks! Bara trumpit ba Tecoa ra puhs, bara sain kum Bet-haquérem ra dauks, diara saura kum, pât tara kum saura wan munaia aisi yahbra wina aula.

Isikiel 21:31

yang lawanki ba man puramra blikamni, pauta klauhanka saurakira baku; upla sauhki tatikra saurakira nani mihta ra mai mangkamna.

Isikiel 23:22

Baku bamna, yang Dawan sna ba, naku wisni: Yabrika lilam nani sîam takan ba, kli waihlam takan kabia. Plis sât sât wina mampara buaia daukamna,

Abakuk 1:6

Bamna kaiks, yang Caldea uplika nani ba war aiklabaia karnika yabamna, witin nani lika upla saura sa, bara piua bani ridi sa kuntri kumi wina kuntri wala kat waia, bara iwras wapi ban kaia, upla wala nani tasbaya ai dukia apia ba dakbi briaia wisi.

Kli Smalkanka 28:49

Tasba ra kuntri kau laihura ba wina, Dawan mita nisan kum yakal pâli baku, isti pali man mampara blîkbia, baha nisanka bîla aisi ba sin man aisaras;