Jirimaya 52:6 - DAWAN BÎLA AISKA

⁶ Baha manka ra kati walhwal, yua 9 aimakan ba kat tawan ba plun âpu takan, upla nani plun piaia âpu kan.

Jirimaya 52:6 ပူးပေါင်းရင်းမြစ်များ

2 King Nani 25:3

Naha manka bilara yua 9 pura kati walhwal ra diman piua ra, naha tasbaya ra plun âpu takan, tawanka nani aiska sut ra sin.

Aiseya 3:1

¡Man nani pain kaiks! Karnika sut bri Dawanka ba daukbia, Jerusalem bara Juda wal ra diara sât ailal ni tâ baiki ba, plun lî sin yabi ba takaskbia.

Jirimaya 15:2

Bara witin nani maura mamkabi walbia anira waia sa wibia, bara yang mai wisna na man bui witin nani ra wis: ‘Siknis saura alki prubia win uplika nani ba, siknis alki prubia; war ra prubia win uplika nani ba war ra prubia; sanglang dauki prubia win uplika nani ba, sanglang dauki si prubia; tasba wala ra brih wan kabia win uplika nani ba sin, tasba wala ra wabia.’

Jirimaya 19:9

Witin nani ai luhpia waitna bara ai luhpia mairin nani ba piaia daukamna, witin nani ai walka nani sin piaia, baha waihla nani upla âikra nani ba bal tawanka ba kutbi bri kabia ba tâka.’

Jirimaya 21:9

Ya tawan ra takaskbia ba war ra prubia, apia kaka sanglang mita siknis mita sin kra. Sakuna, ya naha wina taki Caldea uplika nani tilara dimbia kaka witin nani nanara tawan mapara aiklabi ba aikuki, witin prubia apia; ai rayaka ba pan swaki sâkbia.

Jirimaya 25:10

Yang daukamna witin nani ai tilara lilia mita aiwani lilia kaia kli daukan kaia apia, maya baiki lawana sin aiwanaia apia, akbaia walpaya nani binka sin walaia apia, lamp angki ingnika nani ba sin kli kaikaia apia.

Jirimaya 37:21

Bara king Sedequías win Jirimaya ba king dimi watla latka ra aihwawakra bâra ba ra swibia, bara yabal ra brit angki ba wina yu bani brit kum bri si yabi kabia. Witin nani win baku dauki kabia yabal ra brit nani angki ba piua ra. Bara baku Jirimaya king watla latka ra bâra kan.

Jirimaya 38:9

—King tara, baha waitnika nani Jirimaya ra, baku munan ba lâ krikanka kum daukan sa. Witin nani bui witin ba lî watla kum ra swin, bahara sanglang prubia. Kan nanara tawan ra plun âpu takan sa.

Jirimaya 39:2

Baha wina mani wâl luan, 11 mani aimakan ra baha manka ra kati walhwal, yua 9 ra Sedequías waihla nani ba tawan ra diman,

Inanka Nani 1:11

Upla iwi nani ba sut inisa, plun pliki wataukisa; ai yuyaka nani sut yaban sa plun mana, baku ai karnika brih raya kaia mata. ¡Dawan, kaiks, nahki kat yang aisawri ba! ¡Umpirki lâka tara brisna na, kaiki luki pan kaiks!

Inanka Nani 5:10

Yang nani wîni taya nani ba, brit angkaika watla baku lapta sa, plun tiwan mita rih wan daukisa.

Isikiel 14:13

“Kuntri kum yang maipara saura daukbia kaka bara yang wal kasak apia kaka, yang mihti sakbamna witin nani purara klala yabaia, bara pata piaia ba dakbamni, bara witin ra plun wahwan blikamna, bara yang munrika upla nani bara daiwan nani ba pruaia.

Isikiel 14:21

“Yang Dawan sna ba, naku wisni: Kau saura kabia Jerusalem mapara klala saurakira walhwal blikamna piua ra: war, plun wahwan, daiwan wail nani bara siknis saura nani, bara ikri upla bara daiwan nani sut ba.

Isikiel 31:1

Yua pas, kati yumhpa, mani 11 alkan ra, Dawan ba yang ra balan bara ai win:

Isikiel 5:16

Yang bui witin nani purara plun wahwan saura blikamna, trisbaya sibrinkira sauhki tiki ba baku. Âu, ban daukamna man nani puramra sauhki tikaia lâka ba bri balaia, plun wahwan ba bara plun tiwan ba sin.

Isikiel 7:15

Latara war bâra sa, bara bilara siknis bara plun wahwan. Ya twi langni ra ba, war ra prubia, bara ya tawan bilara ba plun wahwan bara siknis mita ikbia.

Libait Lâka 26:26

“Yang bui man nani patam ba sauhkamna, bara mairin matawalsip bal brit angkaika kumi ra brit angkbia, plun ba wiria baman kabia bara man nani pi banhma, kuna âmyapah pima apia.

Sakaraya 8:19

“Kati 4 ra, kati 5 ra, kati 7 ra bara kati matawalsip ra man nani plun piras puram suni katma ba, nanara lilia briaia yua ra tawbia, Juda kiamka nani lilia briaia yua ra tawbia. ¡Bamna man nani latwan kaiks, kasakka lâka ba, kupia kumi lâka ba sin!”

Kli Smalkanka 32:24

Plun wahwanka bara rihka mita prui tiwma; siknis yula tahplika bui sauhki tikbia; witin nani purara daiwan wail nani blikamna, bara piuta puisinkira sin.