Jirimaya 52:17 - DAWAN BÎLA AISKA

¹⁷ Caldea uplika nani ba mita bras ni paskan dukia nani tempel ra kan ba sut krikan: utla playka nani ba, playka karnika alki nani ba, lî watla tara ba, braska nani ba sut Babilon ra brih wan.

Jirimaya 52:17 ပူးပေါင်းရင်းမြစ်များ

1 King Nani 7:50

Baku sin kâp nani, diara klakaia dukia sirpi nani, diaia tara nani, ispan tara, kîa yamni angkaia dukia nani, sut ba gul ni paskan. Baku walpa klauhira nani wal, utla bilara dimaia dur pîska nani ba sin, walpa klauhira ni daukan kata. Holi pali pliska ba bara tempel bilara diara nani ba sut sin gul ni paskan.

2 King Nani 20:17

‘Yua nani balbia, wamtla bilara diara nani uya bâra yaba, diara nani sut pali man damikam nani mita kulkan ba naiwa yua kat, baha nani aiska ba Babilon ra brih wan kabia, bara diara kumi sin takaskan kabia apia.

2 Kronikas 36:18

Gâd tempelka ra diara nani bâra kan ba, tara, sirpi bara diara manakira nani sut brih wan, king prapatika bara ai uplika nani yuyaka sin sut, Caldea kingka ba bui Babilon ra brih wan.

Jirimaya 52:20

Baha playka tara wâl ba sika lî watla tarka tara pali ba playka nani ba, bîp wainhka 12 lilka bras ni paski playka ba daukan, baha playka tara wâl ba karnika alki kan, baha sika Salaman mita win tempel ra paskan, laya watla wirhika ba wan wiras sa.

Inanka Nani 1:10

Waihla nani dawanka takan sa Jerusalem yuyaka bara prana nani kata ba sin. Upla nani ba kaikan idan uplika nani, Dawan wal prawaia watla holikira ra ai karnika wal diman ba, ¡Dawan, man baha nani uplika ra adar yabatma man wal asla prawaia pliska ra dimbia apia, baha uplika nani sika diman ba!

Isikiel 40:49

Baha halka ra dimaia bîla yahpika ba sin kulki kaikan bara yarika ba 34 pît kan, baha wina tâ wala ba kat 20 pît kan, baha wina purara waia tips nani matawalsip bâra kan. Bahara nan dimaia ba ra playa tara wâl bâra sa: Tnaya kum ra playa kum, tnaya wala ra playa wala.

Daniel 1:2

Dawan bui ban swin Nabucodonosor Juda kingka Jerusalem ra ba alkaia, bara sin Dawan watla ra diara nani bâra kan ba ailal pali saki briaia. Bara Nabucodonosor lika silak uplika nani ba sut Babilon ra kwahki brih wan, bara Gâd watla ra dukia nani kan ba bri si ai gâdka nani watla ra auhbi swin.