Jirimaya 51:7 - DAWAN BÎLA AISKA

⁷ Babilon ba yang mihti ra gul kapka kum baku kan, tasba aiska ba baha wina yan di bla taki kan. Nisan nani baha wainka ba di sinska tiwi kan.

Jirimaya 51:7 ပူးပေါင်းရင်းမြစ်များ

Aiseya 14:4

man nani naha sinska lâka nani aisi banhma, Babilon kingka lawaska kikaia dukiara: “¡Upla ra rausasauhkra kata ba kaiks ani kat bal takaskan ba! ¡Witin tara puli kata ba ani kat takaskan ba kaiks!

Jirimaya 13:13

Bara man pana witin nani ra wima: ‘Dawan ba aisisa: Naha kuntrika ra iwi uplika nani ba sut yarka bla takbia; king nani Debit iwaika ra iwi ba sut, prîs nani ba, prapit nani bara Jerusalem ra iwi nani ba sin sut.

Jirimaya 25:9

Nabucodonosor yang warkki dadaukra Babilon kingka ba, yahbra tani uplika nani ba sut balaia paiwisna, witin nani bal naha kuntrika ra upla nani sut iwi ba, nisan nani sut lamara ba wal iwi nani ba mapara sin. Witin nani ba sauhki âpu pali aiklabaia daukaisna. Baha nani ba sut sauhki âpu daukaisna. Baku sauhkan ban kaia swiaisna, sirang wan iki bara sibrin wan dingki kaia.

Jirimaya 50:38

¡War awala nani purara sa: lî nani ba lâwbia! Babilon ra sika aidul aihka saura nani banhwan sa, witin nani bahara kulki bara sinska ba lap tiwan.

Isikiel 23:42

Upla kwâra winanka ba wali banhwi kata, lilia dauki kan ba; waitna nani balan kan ba, upla iwras tasbaya wina kata; baha mairka nani ra sakahki kan mihta ra bangkil nani mangki bara lal ra sin, kraun painkira nani mangkan.

Daniel 2:32

Baha lilka lal ba gul aihwa wal paskan kata; lama dusa bara klahkla nani ba silbar ni paskan, biara bara kuhma nani ba lika bras ni;

Daniel 2:38

ani anira upla nani iwi ba sut purara karnika ba maikan sa, daiwan nani bara tnawira nani ba sin, witin mita baha nani sut ba karnikam mununhtara mangkan sa, baha sika gul ni paskan ba, king tara, man.

Param Marikanka 14:8

Insal wala kumi baha nina blikan, bara naku wisata: “¡Pat kauhan! ¡Babilon tara ba pat kauhan sa, witin ai tâskika lâka wainka laya ni upla nani sut ra dakaki bla ikan bamna!”

Param Marikanka 17:2

Naha tasba kingka nani, witin wal rug lâka daukan, bara tasba ra iwi uplika nani ba witin rugka lâka wainka ba dih bla takan.”

Param Marikanka 17:4

Mairka na kwala balianta talia bara pauni sin dimi kan, gul ni, walpa painkira nani bara walpa manakira nani ni sin aiskahkan kan. Ai mihta ra gul kapka kum bri kan diara tâski baman banhki, ai rugka lâka dukia saura sin banhki.

Param Marikanka 18:23

Lamp kumi ingnika sin man ra kli angkan kabia apia, marit takan lilia binka nani sin kli walan kabia apia. Dukiam âiatkra nani ba tasba aiska ra kau karnika bri kan, bara sukikam lâka ni nisan sât sât nani ra kunin munram ba.”

Param Marikanka 18:3

Kan upla sut ai rugka lâka saura wainka karna ba dih bla taki banhwan. Naha tasba kingka nani sut witin wal tâski lâka daukan, bara tasba ra diara âiatkra nani ba lika, witin ai yuyaka ailal tanis tiki kan ba wina lalahkira nani takan.”

Param Marikanka 19:2

Kan witin lâ dauki ba wapni bara kasakka lâka kat sa; rug mairin tara kata ba pât ra lakan sa, ai rugka lâka dauki tasba sauhki kata ba; Gâd bui witin ra pana munan sa, ai dukia dadaukra nani ra ikan bamna.”