Jirimaya 51:56 - DAWAN BÎLA AISKA

⁵⁶ Witin nani Babilon sauhki tikaia balan; aiklaklabra nani ba alki priskan, pantamangka nani bri ban ba kriki âpu tikan. Dawan sika Gâd upla bani dîa ai mana briaia ba kat yabisa.

Jirimaya 51:56 ပူးပေါင်းရင်းမြစ်များ

Blasi Sturka 49:24

Sakuna Josep ai klahkla nani karna bri bamna, ai trisbaika nani ba karna alki brisa; tingki Jekob Gâdka karnakira ba ra; tingki baha Sepadka nina ra, Israel kan kahbi ba.

Lawana Nani 137:8

¡Man Babilon, sauhki mai tikan kabia ba! ¡Lilia kabia kli pana mana maikaia, man bui yang nani ra ai munram praiska ba kat!

Lawana Nani 37:15

Sakuna witin nani ai sordka ba ni kli ai kupia kat sabia, witin nani ai pantamangkika ba sin, yuya sirpi ra krikan kabia.

Lawana Nani 46:9

Witin war nani âpu daukan, tasba aiska ra; witin pantamangka nani kata sut krikan, langsa nani kata ba kriki, yuya man daukan; ¡war waginka nani kata ba angki âpu daukan!

Lawana Nani 76:3

bahara war aiklabaia dukia nani ba kriki âpu daukata: kan kahbaia dukia nani, sord, trisba bara pantamangka nani sin.

Aiseya 21:2

Diara aihka saura karna pali kan Dawan mairikan ba pât ra dadingkra ba, upla pât dingkisa, sauhki tatikra ba sauhki tikisa. ¡Elam, bus! ¡Media uplika nani, dimi alks! ¡Brukwi ba kau walan ai daukras!

Aiseya 34:8

Baha Dawan mita pana munaia yua ba aimakbia, Saion tâwan aisaia manka alkan.

Aiseya 35:4

Kupia sibrinkira nani ra wis: “¡Man nani kupiam karna dauks, si bripara! Kaiks nâra sa man nani Gâdkam ba man nani swaki mai sakaia, bara waihlam nani ba klala yabaia baha klalka witin nani briaia kan ba.”

Aiseya 59:18

Dawan mita upla kumi bani ra dîa daukan ba praiska kat mana aibapbia; ai waihla nani ra klala yabia; witin ra misbara kaiki nani ba mana dîa briaia ba kat yabia; kabu un ra iwi kuntrika nani ba ra sin.

Jirimaya 49:35

“Yang, Dawan karnika sut brisna, kasak aisisni: Elam uplika nani pantamangka bri ba krikaisna, baha pali ba ni sika aiklabi ba.

Jirimaya 50:10

Caldea uplika nani dukia ba sut dakbi bribia; witin nani baha dukia nani ba ailal bribia ba kat. Yang, Dawan, kasak aisisna.

Jirimaya 50:36

¡War ba diara kakaira nani purara sa: witin nani tanis takaia!

Jirimaya 51:24

“Man nani pali kaikma Babilon, Caldea uplika nani mita Saion ra saura munan ba tâwan witin nani klala briaia klalka ba, yang yabamna. Yang, Dawan, kasak aisisni.

Jirimaya 51:30

Babilon aiklaklabra nani ba aiklabras takaskan, ai kan kahbaika pliska nani ra diman; aiklabaia karnika âpu takan, mairin nani baku takan. Tawanka nani ba bal brin watla nani ba pauta ni angkan.

Jirimaya 51:48

Kasbrika purara tasba ra diara nani bâra ba sut lilia banhwi kabia Babilon kauhbia ba ra, sasauhkra nani ba yahbra wina witin ra balbia ba ra. Yang, Dawan, kasak aisisna.

Jirimaya 51:53

Babilon ba purara wih kasbrika purkara ulbia sin ai kan kahbaika pliska purara pali mangkaia dukiara, waihla nani ba blikamna witin nani ba sauhki tikaia. Yang, Dawan, kasak aisisna.”

Jirimaya 51:6

“¡Man nani Babilon wina taki plaps! ¡Ya ya swakwaia sip sma ba swakwi taks! ¡Witin saura daukan ba tâka man nani sin prupara! Nanara yang mita pana witin nani ra munaia yua aimakan bara aibapamni nahki praiska kat yabaia ba.

Inanka Nani 3:64

Witin nani ra dîa aibapaia ba kat yas, Dawan, witin nani ai mihta ni dîa daukan ba praiska kat yas.

Isikiel 39:3

Bara pantamangka mihtam smihka ra bri kama ba yabrika kauhbia, trisbaya nani mihtam aihkika ra bri wama ba sin kauhaia daukamna.

Isikiel 39:9

“Israel tawanka ra iwi uplika nani ba takbia, bara war aiklabaia dukia nani ba angkbia, kaina kahbaika sât sât nani ba, pantamangka, trisba, waisku bara dâka nani bara pauta aitani bri kabia mani matlalkahbi pura kum muki kaia.

Emus 2:15

Pantamangka alki uplika nani ba sin sip bapi bubia apia; isti plapbia sin, ai rayaka sip swaki sâkbia apia, aras ra uli plapbia sin swak takras ban prubia.

Abdías 1:15

Upla wala nani ra dîa daukram ba, man sin baku mai daukbia. ¡Dîa daukram ba mana kulki maikan kabia! “Dawan ai warkka nisan nani sut mapara daukaia yua pat baila sa.

Abakuk 2:8

Nisan nani ba asla taki mampara bubia, bara taibi mai muni dukiam nani ba sut impliki bribia, man mita munram ba baku pana sin mai munbia. Upla ikram, lâ nani krikram, kuntri nani mapara buram, tawan tara nani slingbram, upla nani sin diara daukram ba, baha sut mana mai munka aibapma.

Kli Smalkanka 32:35

yang pana munaia yua dukiara ai mana ba aibapi yamni, sauhki tikan kaia yua ba pat baila sa. ¡Awarka ba sin pat lamara sa!

2 Tesalonaika 1:6

Baku bamna, dîa aitani ba kat Gâd daukbia, man nani ra maikan pât wahwisma uplika nani ra, witin yaka pât wauhbia,

Param Marikanka 17:16

Bara aringka matawalsip daiwan saura bri kan kaikram ba mita mairin rugkira ba ra misbara kaiki banhbia, bara witin dîa dîa bri ba sut mihta dakbia bara kwala luha swibia; ai wîna tara ba pibia, bara witin ba pauta ni angki sauhki tikbia.

Param Marikanka 18:20

Sakuna, man, kasbrika pura, liliam bas, baha tawanka tara ba tâka; man nani liliam bas, Gâd uplika nani sma ba, apastil nani bara prapit nani, kan Gâd mita witin ba pât ra lakan ba ra, kasakka lâka ba man nani ra daukan sa.

Param Marikanka 19:2

Kan witin lâ dauki ba wapni bara kasakka lâka kat sa; rug mairin tara kata ba pât ra lakan sa, ai rugka lâka dauki tasba sauhki kata ba; Gâd bui witin ra pana munan sa, ai dukia dadaukra nani ra ikan bamna.”

1 Samuil 2:4

Karnakira nani pantamangkika ba witin mita sauhkisa, swapnikira nani ra prâk dingki baku karna kaia lâka yabisa.