Jirimaya 51:5 - DAWAN BÎLA AISKA

⁵ Israel Juda wal maipara saura daukan kra sakuna, ai kuntrika saura lâka ni banhkan kra, yang, Dawan, karnika sut brisni, Israel Gâdka holikira, witin nani ba yang kau ban lulki swiras.

Jirimaya 51:5 ပူးပေါင်းရင်းမြစ်များ

1 King Nani 6:13

Bara yang watla na bilara kamna Israel luhpia nani lilapas ra, bara upliki Israel luhpia nani ba lulki swimna apia.”

2 King Nani 21:16

Baha purkara Manasés Juda ra saura daukan, baha daukan ba Dawan yamni kaikras kan, upla uya tâlia laikan Jerusalem ra, bara banhki takan tâ kum wina tâ wala kat.

Esdras 9:9

Yang nani alba nani sna sakuna, taiban bara alba lâka tilara ban wan lulki wan swiras sma; man daukram Persia kingka nani kupia pihni lâka ra yang nani ra tniwan, baku sin rayaki aikram man tempelkam ba kli bukaia, baha sauhki tikan ba tila wina. ¡Man sin wan kaina kahbram Juda ra bara Jerusalem ra sin!

Lawana Nani 94:14

Dawan ba ai uplika nani ra lulki swibia apia, bara sin ai uplika nani ra yakan lulki swin kabia apia.

Aiseya 44:21

“Naha diara nani dukiara kupiam krauks, Israel man, Jekob tawanka, kan man ba, yang duki dadaukra sma; yang mai daukri, man ba yang duki dadaukra sma; Israel, yang ra âmya ai tikpara.

Aiseya 51:15

“Yang sika man Dawan Gâdkam, yang nini karnika sut bri Dawanka; kabu ba nikbisna bara ripka nani ba yâri lawisa,

Aiseya 62:12

Israel luhpia nani ra nina “Upla holikira nani” mâkbia, “Dawan mita pri sakan nani ba”, bara Jerusalem ra mai wibia, “Brin dauki tawanka ba”, “Lulki swiras tawanka ba”.

Jirimaya 14:19

Dawan, ¿Juda ba man aiska pali lulki swiram sa ki? ¿Saion tawanka ba dukiara man tayat pali takram ki? ¿Dîa kan yang nani sip kli rawaia apia kat ai insauhkram? Yang nani lika yamnikam wankma bîlam kaiki katna, sakuna yang nani maipara diara saura baman takan. Yang nani rawaia aihwaki katna, sakuna sirang tara ai iki ba baman bâra sa.

Jirimaya 14:9

¿Dîa muni sirang ikan uplika kum baku sma ba, aiklaklabra kum ai walka ra hilp munaia sip apia ba baku sma ba? Sakuna, Dawan, man lika yang nani tili kat sma, upla sut tânka brisa yang nani lika man uplikam sna; ¡ban wan luki wan swipara!

Jirimaya 16:18

Man nani watawi lâka saura nani sin daukram ba mana pas aima wâl aibapaia daukamna, yang tasbayi ba aidulkam misbara kaikisna pruan nani ba ra mayuni tâski daukram, witin nani ai tasbaya prapati baku yabri ba sut ra yang saura kaikisna ba daukan.”

Jirimaya 19:4

Kan Israel luhpia nani ai lulki ai swin bara tasbaya na upla tringsar tasbaya daukan; nahara gâd wala nani ra diara kîa pain nani angki yabi kan, baha gâdka nani ba witin nani sin apia ai damika nani Juda kingka nani sin kakaira apia ba, upla pâtkas nani sin nâra iki tâlia laikan.

Jirimaya 23:15

Baha mita yang, Dawan karnika sut brisna, prapit nani ba mapara naha aisisna: Diara tahpla pali kum man nani piaia maikaisna; puisin laya maikrika dima, kan Jerusalem prapitka nani ba mita tasbaya na aiska ra saurka lâka ba yakaban.”

Jirimaya 31:37

Yua kum kra kasbrika pura ba kulkbia tasba nani tânka pliki kaiki ban natka sât sât ra, baha yua ba yang bui Israel ra bahki lâka ra kulkamni baha diara sut daukan ba. Yang, Dawan, kasak aisisna.”

Jirimaya 46:28

Yang Dawan, kasak aisisni: duki dadaukra, Jekob uplika nani, si bripara, kan yang lika man nani wal sna. Baha nisanka nani tilara mai yakabri ba sut sauhkamni. Man lika mai sauhkamna apia; klala briaia sma klalka ni baman maikamna, wapni mai daukaia dukiara.”

Jirimaya 50:20

Yang, Dawan ba, kasak aisisni: Baha piua ra Israel, Juda tilara pâtka kulki saurka nani ba âpu kabia, kan yang bui witin nani pâtka swih tikamna bara raya kaia swimna.

Jirimaya 51:19

¡Jekob Gâdka diara sut bâra ba papaskra ba, witin sât aihka sa! Witin mita Israel ba ai uplika nani kaia bâk sakan. Ai nina ba mâkan sa: Karnika sut bri Dawanka ba.

Isikiel 8:17

Bamna Dawan bui ai win: “¿Man kaikisma ki? ¡Juda uplika nani baha diara nani saura dauki ba wal kau aitani apia sa, baha purkara kuntri na sin saurka lâka wala ni banhkan! Natka kum wina natka wala ni yang kupi laikisa, kaiks baha kîa nani ba kâikma kat aula.

Isikiel 9:9

Dawan ba pana yang ra ai win: “Israel bara Juda uplika nani saurka ba tara pali sa. Kuntrika ba upla ikan lâka ni banhwan sa; bara tawan ba tanis lâka ni banhki takan sa; witin nani lukisa yang kuntrika ba lulki swiri bara yang ba kaikras sna witin nani dîa dauki ba.

Oseas 1:10

Yu kumi, Israel luhpia nani ba, auhya ailalka kabu un ra ba baku kabia, upla kumi sin, witin nani ba sip kulki sâkbia apia. Witin nani ra “Man nani ba upliki nani apia sma” wiaia watlika ra, Dawan bui wibia: “Man nani ba, Dawan raya ban bâra ba luhpia nani sma.”

Oseas 2:1

Bara man nani bui muihkam nani ra wima: “Man nani, Dawan uplika nani”, bara lamkra mairin nani ra lika: “Dawan mita latwan kaikan nani”.

Oseas 2:3

Witin baku daukras kabia kaka, susu dauki swimna: witin aisubi takan ba yua ra, dîa luha kata ba baku, upla iwras tasbaya baku daukamna, tasba lâwan baman kabia, bara lî diran bla yarka prubia.

Oseas 4:1

Israel luhpia nani, Dawan aisi na man nani wals. Naha kuntrika ra iwi uplika nani mapara witin mita unsaban bukan sa, kan uplika nani na ai tilara wapni lâka daukras sa. Kasakka lâka âpu, Gâd tânka kaikaia tânka sin âpu sa.

Oseas 4:2

Sakuna kunin aisi swer taki aisaia lâka lika banhwan, upla ikaia, implikaia, upla maya yapaia, lâ nani ba krikaia lâka lika, pura luisa. Upla iki ba takaskras ban sa.

Miqueas 7:18

Man wal baku Dawan wala âpu sa, kan uplikam kau swin ba mampara buan ba bara saurka ba sin ban swih tikisma. Man kupiam baiwanka ban pali alki briras sma, sakuna lilia sma kupiam pihni lâka ban mariki kaia.

Miqueas 7:20

¡Jekob kiamka wal man kasak tânka aiska sut daukma, Ebraham kiamka ra sin umpira kaikma; baku yang nani damiki nani ra blasi pali piua wina daukaia wisatma ba, man bîlam kat daukma!

Sakaraya 12:6

Baha piua ra Juda wihtka nani ba masku aswi baku daukamna pauta tilara, pauta klauhan kum baku plawar mâ dâki wilkanka nani tilara. Witin nani mita nisan nani ai aihkika ra bara ai smihka ra, ai lamara iwi nani ba sut âpu daukbia, sakuna Jerusalem uplika nani ba kli tawi bal ai tawanka ra iwi kabia.

Sakaraya 12:8

Yang, Dawan, Jerusalem ra iwi uplika nani ba kan kahbamna. Upla kau swapni pali nani ba, Debit wal kau karna kabia, Debit kiamka nani ba Dawanka kabia, Dawan insalka baku, witin nani tâura aimaki ba.

Sakaraya 2:12

Dawan sika witin bâk sakan tasbaya ra, Juda uplika nani ba kli ai uplika aihwa nani baku bribia, bara Jerusalem ba bâk sakan tawanka baku kli kulkbia.

1 Samuil 12:22

Dawan bui ai uplika nani ba lulki swibia apia, witin ai nina tara kulki ba tâwan. Dawan brin daukisa man nani ba ai uplika nani kama.