Jirimaya 51:36 - DAWAN BÎLA AISKA

³⁶ Dawan aisisa: “Kasakka lâka ba yang dauki maikamni, waihlam nani ba ra pana munamna. Babilon ra awala nani bara lî kârma nani ba sut pali lâkamna.

Jirimaya 51:36 ပူးပေါင်းရင်းမြစ်များ

Lawana Nani 107:33

Dawan bui awala nani ba, lî kârma daukan plapisa, upla iwras tasbaya kata yan lâwisa;

Lawana Nani 140:12

Yang kaikisni, Dawan bui upla umpira nani ba kasak wapni daukisa, bara sari bri uplika nani raitka ba tâ baikisa.

Sins Lâka 22:23

lâ dauki tilara Dawan bui witin tâwan aisabia bamna, bara taiban kabia ya tataibra ba.

Sins Lâka 23:11

Kan witin nani ai tâwan aisasara karnakira kum brisa, lâ dauki ba tilara, witin bui man mampara witin nani hilpka aisabia.

Aiseya 19:5

Awala nani sut ba lâwan kabia, Nilo awala ba sin tawa lâwi âpu takbia.

Aiseya 43:14

Dawan, Israel Gâdka Holikira ba, witin mita pri sakan ba, aisisa: “Upla nani Babilon ra blikamna, man nani swaki mai sakaia tâwan bara yang daukamna get nani ba sut param sakaia, Caldea uplika nani liliaka ba sari ra tawaia.

Aiseya 44:27

Yang sip sna kabu tihuka tara ra wiaia lâwbia, bara ai laya ba lâwan kaia.

Jirimaya 50:38

¡War awala nani purara sa: lî nani ba lâwbia! Babilon ra sika aidul aihka saura nani banhwan sa, witin nani bahara kulki bara sinska ba lap tiwan.

Jirimaya 51:11

Dawan Babilon slingbaia lukisa bara witin ai lukanka ba ni Media kingka nani ba tukbisa. Baha sika Dawan mita pana muni ba warkka ba, witin nani Dawan tempelka ra diara daukan ba tâwan. ¡Man nani trisbaikam ba pliki bris! ¡Kainam kahbaika nani ba dims!

Jirimaya 51:6

“¡Man nani Babilon wina taki plaps! ¡Ya ya swakwaia sip sma ba swakwi taks! ¡Witin saura daukan ba tâka man nani sin prupara! Nanara yang mita pana witin nani ra munaia yua aimakan bara aibapamni nahki praiska kat yabaia ba.

Isikiel 25:14

Edom ra pana munaia lâka daukamna, tawanki Israel ba wal; witin mita kupi baiwanka bara kupi aisawanka wal mapara bubia. Baku ai dahra wali banhbia, pana munaia lâka daukisna ba. Yang, Dawan, kasak aisisna.

Oseas 13:15

Ban kra Israel, twi baku tangnika baiwi kabia sin, lalma payaska ba krawbia, pâsa karna upla iwras tasbaya wina krawi, bara lâkbia laya kârma nani ba, laya aubi nani ba sin lâwbia. Waihla ba bal, mana tara dukia nani kuki bri ba, sut brih wabia.

Roman 12:19

Muihki laitwankira nani, saura mai munan ba tâwan upla ra pana saura munpara, sakuna swis Gâd mita uplika ba ra klala yabia, kan Ulbanka ba wisa: “Yang mita lika klala yaia sna; bahamna Dawan bila: Swis yang baha ba kasakka lâka ra aibapamna.”

Kli Smalkanka 32:35

yang pana munaia yua dukiara ai mana ba aibapi yamni, sauhki tikan kaia yua ba pat baila sa. ¡Awarka ba sin pat lamara sa!

Kli Smalkanka 32:43

“¡Nisan nani, Gâd uplika aikuki lilia bas! ¡Witin pana muni ikbia ai albika nani tnata mana pana munaia lâka bal bribia ai waihla nani dukiara bara ai kuntrika uplika ra pâtka ban swih tikbia!”

Param Marikanka 16:12

Insal 6 ba ai kapka ba Éufrates awalka tara purara laikan. Awalka laya ba lâwan, king nani lalma wina aula ba yabalka kum klauhbaia dukiara.