Jirimaya 51:30 - DAWAN BÎLA AISKA

³⁰ Babilon aiklaklabra nani ba aiklabras takaskan, ai kan kahbaika pliska nani ra diman; aiklabaia karnika âpu takan, mairin nani baku takan. Tawanka nani ba bal brin watla nani ba pauta ni angkan.

Jirimaya 51:30 ပူးပေါင်းရင်းမြစ်များ

Lawana Nani 107:16

¡Witin sika bras durka nani yuya man daukan ba! ¡Witin sika ayan dusa bâk, kriki yuya man daukan ba!

Lawana Nani 76:5

Kupia karnira nani ba saki lulkram; kau karna nani ba, diara sip dauki banhras; ¡kan witin nani ba sut mahka yapi banhwan!

Aiseya 19:16

Baha yua ra Idsip uplika nani ba, mairin sibrinkira nani baku kabia; witin nani sirang iwi, sibrin man kabia, karnika sut bri Dawanka, ai mihta purara bukan kabia ba, witin nani ai mapara.

Aiseya 47:14

Sakuna kaiks witin nani ba kapan taya yuya baku sa; pauta klauhan mita witin nani angkbia, pauta klauhan karnika ba wina ai rayaka nani ba sip swaki sâkbia apia. Kan masku klauhan apia sa, baha lamara iwi ailahki kaia.

Jirimaya 48:41

Tawan tara nani bara kan kahbaika pliska nani sin waihla nani bal bribia. Baha yua Moab ra aiklaklabra nani ba mairin luhpa baiki tatatwi ba baku kabia.

Jirimaya 50:15

¡Man nani tnaya bani ra war aiklabaia winanka ba dauks! ¡Babilon ai waihla mihta ra pat aimakuya! Tawer nani ba kauhan, tawanka kutbanka nani ba sasakban. ¡Baha sika yang pana munaisna ba: man nani sin pana muns! ¡Witin ra pana muns witin nani mita munan ba baku!

Jirimaya 51:32

Awalak plapi luaia yabalka nani ba waihla nani brin, bahara dimi aiklabaia watla nani ba angkan, suldiar nani ba sibrin tara daukisa.

Jirimaya 51:57

King, Dawan karnika sut bri ba, kasak aisisa: “Babilon wihta nani ba yarka bla takbia, sinskira nani bâra ba, wihta tara nani ba, suldiar wihtka nani ba, suldiarka nani ba sin. Baku witin nani yapbia ba kli bubia apia bara kli sin kupia krawbia apia.

Inanka Nani 2:9

Tawan getka nani sut tasba ra baman kauhan sa, ¡waihla nani alki takaskaia kutbanka kan ba sin sut kriki tiwan sa! Ai wihta tara nani bara ai kingka nani sin idan nani tilara sa; Dawan lâka bîla nani sin âpu sa. ¡Witin nani tilara, prapit nani sin kli diara aihka nani kaikras sa Dawan wina!

Emus 1:5

Damaskus tawanka getka nani ba, yang karniki wal bukutbamna, bara Bicat-avén ra king aimaki ba sauhki tikamna, Bet-edén ra wihta tara aimaki ba ra sin sauhkamna, bara Siria uplika nani ba alki, Quir tawanka ra brih wan kabia silak ra mangkaia.” Dawan naku aisisa.

Nahum 3:13

War aiklaklabra nani man brisma ba mairin baku man sa; tawankam kutbanka durka nani ba, waihlam nani mawanra param sakan sa, bara pauta klauhan mita, getka prakaika nani sut ba angki tikan sa.

Param Marikanka 18:10

Witin nani Babilon rausauhkanka ba sîa laihura takaski, naku aisi kabia: “¡Alai, alai, Babilon, tawan tara, tawan karnikira! Wan nakra klipan kum ra klalkam balan sa.”