Jirimaya 51:28 - DAWAN BÎLA AISKA

²⁸ Nisan nani ba wis aiklabaia ridi takaia Media kingka nani ba wis, wihta tara nani ba bara wihta nani ba sin sut, witin ai lâka ra iwi ba tasbaya nani sut.”

Jirimaya 51:28 ပူးပေါင်းရင်းမြစ်များ

Blasi Sturka 10:2

Jafet luhpia nani ba: Gómer, Magog, Madai, Javán, Tubal, Mésec bara Tirás,

1 Kronikas 1:5

Jafet luhpia nani ba: Gómer, Magog, Madai, Javán, Tubal, Mésec bara Tirás.

Ester 1:3

Bara witin king aimakan ba wina, mani 3 luan ningkara, ai warkka uplika nani ra lilia tara pali daukan, Persia wih Media wal tasbaya wihtka nani kau karnakira nani ba mawanra.

Ester 10:2

Bara diara sut pali ai karnika bri wal daukan ba, bara kulkanka tara pali Mardoqueo yabi diara nani aiska purkara mangkan kan ba sut, Media bara Persia ra diara nani takan ulbi kan wauhkataya nani ra ulbi mangkan sa.

Aiseya 13:17

Kaiks yang Media uplika nani ba tatukbamna witin nani mapara waia, witin nani silbar nani ba wina yus munbia apia; gul ra sin tawi kaikbia apia wahma bara tiara.

Aiseya 21:2

Diara aihka saura karna pali kan Dawan mairikan ba pât ra dadingkra ba, upla pât dingkisa, sauhki tatikra ba sauhki tikisa. ¡Elam, bus! ¡Media uplika nani, dimi alks! ¡Brukwi ba kau walan ai daukras!

Jirimaya 25:14

Nisan tara nani bara king nani karnika tara bri ba, witin nani sin mina ra kauhbia. Bara baku witin nani dîa daukan ba mana briaia aitani ni mana aibapamna.’ ”

Jirimaya 25:25

Zimrí kingka nani ra, Elam bara Media kingka nani ra sin yabri:

Jirimaya 50:41

“Laih pali yahbra tani tasbaya nani wina, nisan karna pali kum king nani ailal balaia ridi takisa.

Jirimaya 51:11

Dawan Babilon slingbaia lukisa bara witin ai lukanka ba ni Media kingka nani ba tukbisa. Baha sika Dawan mita pana muni ba warkka ba, witin nani Dawan tempelka ra diara daukan ba tâwan. ¡Man nani trisbaikam ba pliki bris! ¡Kainam kahbaika nani ba dims!

Jirimaya 51:27

“¡War aiklabaia tukinka kuntri aiska ra yas! ¡Trumpit ba puhs, nisan nani ba ridi dauks Babilon mapara aiklabaia! ¡Ararat kingka uplika nani, Miní kingka uplika nani, Asquenaz uplika nani sin! ¡War wihtka kum sâks aiklabaia tâ bribia! ¡Aras ra uli prautkira nani ba tristrisia nani baku brih dims!

Jirimaya 51:29

Tasba ba nikwisa, lalaubisa, Dawan dîa daukaia win ba dauki bamna, Babilon ba upla iwras tasbaya saura kum daukisa.

Daniel 6:1

King Darío ba aitani lukan ai kingka tasbaya ra tâ briaia uplika nani 120 mangkaia, baha nani bui ai king tasbaya tâ bri kabia dukiara.

Daniel 6:8

Baku bamna, king tara, naha lâka na aitani kulki ninam uls, naha lâka na slingban kabia apia dukiara. Media bara Persia wal lâka ba kat dauks, lâka na krikan kabia apia dukiara.

Daniel 8:20

‘Sîp wainhka aringka wâl bri kan kaikram ba sika Media bara Persia wal kingka nani tânka ba,

Daniel 9:1

“Darío, Asuero luhpia Media kiamka ba, witin Caldea nani tasbaya ra king aimakan.