Jirimaya 51:25 - DAWAN BÎLA AISKA

²⁵ Man sauhki tatikra ilka takram, yang lika man mampara sna, tasba aiska sauhkisma ba. Yang, Dawan, kasak aisisna. Klala maikaia mihti bukamna, walpa tara nani pura wina karwi bal iwma, il tara kum pauta mita aman ba baku mai daukamna.

Jirimaya 51:25 ပူးပေါင်းရင်းမြစ်များ

Blasi Sturka 11:4

Bara witin nani win ai walka nani ra: “Man nani bal, kaisa yawan tawan tara kum paskaia, bara utla karnakira purara pali sin kum mâkaia, watla bahna ba kasbrika alkaia praiska kat, bara baku natka ra yawan wan nina ba tara kulkan kabia, bara tasba mawanra sin yawan nani ba yakabrira baman tauki kabia apia.”

Lawana Nani 138:7

Trabil saura wal prawisna ba ra, man sika raya ai brisma, bara man karnikam ni swaki ai sakisma yang waihli nani lawi saura ai munaia pliki ba wina.

Aiseya 13:2

“¡Man nani diara purara pâwras ilka kum purara aiklabaia plakinka purara buks! ¡Suldiar nani ra aiklabaia sainka mariks! Mihtam nani purara buks, baku witin nani lamamra itwi wabia upla tara nani getka bâk dimi.

Jirimaya 25:12

Bara 70 mani ba alkbia ningkara, Babilon kingka ra makabamna nisanka ra sin, witin nani saura daukan ba wapnika daukaia, bara Caldea uplika nani kuntrika ba, sauhki tikamna ban kaia ra. Yang, Dawan, kasak aisisna.

Jirimaya 25:9

Nabucodonosor yang warkki dadaukra Babilon kingka ba, yahbra tani uplika nani ba sut balaia paiwisna, witin nani bal naha kuntrika ra upla nani sut iwi ba, nisan nani sut lamara ba wal iwi nani ba mapara sin. Witin nani ba sauhki âpu pali aiklabaia daukaisna. Baha nani ba sut sauhki âpu daukaisna. Baku sauhkan ban kaia swiaisna, sirang wan iki bara sibrin wan dingki kaia.

Jirimaya 50:25

Dawan bui witin war aiklabaia dukia nani bri kan durka ba sakan, ai kupia baiwan ra aiklabaia dukia ba sakan, kan Dawan, karnika sut bri ba, wark kum aiska daukaia brisa Caldea uplika nani nisanka ba wal.

Jirimaya 50:31

Dawan karnika sut bri ba aisisa: “Maipara saura aisasara nisanka, yang mampara sna; yua ba balan, klala maikaia yua.

Jirimaya 51:53

Babilon ba purara wih kasbrika purkara ulbia sin ai kan kahbaika pliska purara pali mangkaia dukiara, waihla nani ba blikamna witin nani ba sauhki tikaia. Yang, Dawan, kasak aisisna.”

Jirimaya 51:58

Yang, Dawan karnika sut brisna bara aisisna: Babilon kutbanka bîla tara ba aiska pali dringban kabia, getka tarka tara nani ba angkbia. Nisan nani wark takan ba sut bahki takbia, ai laptika saki wark takan ba ami lubia.”

Jirimaya 51:7

Babilon ba yang mihti ra gul kapka kum baku kan, tasba aiska ba baha wina yan di bla taki kan. Nisan nani baha wainka ba di sinska tiwi kan.

Daniel 4:30

naku win: “¡Kaiks nahki Babilon ba tara sa! Yang karniki tara ba wal paskri Babilon tasbaya lalka baku bâra ba lika, yang tara sna ba tânka naika piua ra kaikbia ninira aula nani ba.”

Sakaraya 4:7

Il tara, ¿man ba ya sma ki? ¡Zorobabel mawanra man ba tasba langni baku takma! Witin sika tempel walpaya wihtka ba, ai watlika ra mangkbia bara upla nani wini kabia: ¡Pranakira sa! ¡Pranakira sa!’ ”

2 Pita 3:10

Sakuna Dawan yua lika balbia, bîla kaikras ba piua ra, sim âimplikra tihmia ra aula ba baku. Bamna bin tara ni kasbrika purara nani sut âpu daukan kabia, bara dîa dîa bilara ba pauta mita âpu daukbia, bara tasba na sin dîa dîa bilara ba sut aikuki, Gâd lâ tara daukbia ba ra kahban kabia.

Param Marikanka 8:8

Insal wala ba ai trumpit ba puhban, bara il tara kum baku pauta wal klauhi kan ba, kabu ra lulkan dimwan. Kabu ba mânka yumhpa wina kumi ba tala baman takan,