Jirimaya 51:18 - DAWAN BÎLA AISKA

¹⁸ baha dukia nani ba diara bahki, lawaska kikaia dukia, Dawan lâ dauki kabia bara sauhki tikbia.

Jirimaya 51:18 ပူးပေါင်းရင်းမြစ်များ

Impakan Sturka 12:12

Baha tihmika yang lika Idsip tasbaya aiska ra lui wamna, bara Idsip uplika nani watla bîla bani ra, luhpia tawahkia bani ba ikamni; daiwra luhpia tawahkia nani ba sin, bara Idsip gâdka nani ba lâka sin daukamni. Yang Dawan, baku aisisna.

Aiseya 19:1

Idsip mapara dahra aisin ba: Man nani kaiks Dawan ba kasbrika karna plapi ba kum ra uli: Witin Idsip ra aula. Idsip aidulka nani sut witin ai mawanra tatatwisa, Idsip uplika nani ba, kupia dring sirang sa, ai tila kat.

Aiseya 2:18

bara aidulka nani ba sut âpu daukbia.

Aiseya 46:1

Bel gâdka ba ai lula krikisa, Nebo gâdka ba tasba ra kauhan; aidul paskan nani ba, daiwan nani purara sunan, twilki brih wan baha dukia nani man nani twilki brih waia katma ba, wirhika nani ba daiwan swapan nani purara sunan.

Aiseya 57:12

Sakuna man daukankam nani aisaisna, dîa man lukisma, kasak wapni sma.

Jirimaya 10:11

(Man nani, Israel luhpia nani, idan nani ra wis: “Kasbrika pura ba bara naha tasba na sin paskras gâdka nani ba lap tiwbia; baha nani kumi sin kasbrika munhtara nâra kabia apia.”)

Jirimaya 10:14

Upla sut ba sinskas baha tânka nani ba briaia brin daukras sa. Aidul nani ba mita baha papaskra nani ba ra kunin munisa: baha nani rayaka âpu kunin wan muni ba lilka nani sika;

Jirimaya 10:15

baha dukia nani ba diara bahki, lawaska kikaia dukia, Dawan lâ dauki kabia bara sauhki tikbia.

Jirimaya 10:8

Witin nani sut ba sinskas baman sa, sins bri uplika nani apia sa. ¡Dus pîs kum ba wina witin nani ra smalkaia diara âpu sa!

Jirimaya 18:15

Sakuna upliki nani ai âuya ai tikan, kunin gâdka nani ra diara kîa pain angki yabisa. Patitara yabalka almuk ra, aimawahkan, witin kakaira apia ba yabalka nani ra ban auya.

Jirimaya 46:25

Dawan, karnika sut bri ba, Israel Gâdka ba, aisisa: “Amón Tebas gâdka ba klala yabaisna, Idsip gâdka nani ba, kingka ba sut, king fero ra kasak luki nani ba sin klala yabaisna.

Jirimaya 48:7

“Moab, man karnikam ra diara ailal brisma ba ra kasak luki kapram, sakuna man ra sin bal puram lubia. Man gâdkam Quemós tasba wala brih wabia, prîska nani, uplika tara nani kulkan ba sut.

Jirimaya 50:2

“Nisan nani ra maisa paks, naha tânka witin nani briaia. Maisa pakanka tukinka ba purara buks; diara kumi sin yukukpara. Man nani wis: ‘¡Babilon kata pat brin! ¡Bara gâdka Bel kata ba lawaska kikaia ra lakan, Marduc gâdka kata ba, sibrin tara ra sa! Aidulka nani, gâdka bahki nani ba, lawaska kikaia ra tawan bara sibrin tara ra sa.’

Isikiel 6:6

Man nani iwram pliska nani sut ra tawan nani ba sauhkan kabia, idan nani ai pura suni altarka nani ba slingban kabia, altarka nani ba sut pali aiska slingban kabia, aidulka nani ba sin yuya sirpi man daukbia; baha altarka nani ra kîa pain nani angki ba batakan kabia; man nani diara nani paskram ba sut tiwan kabia.

Jona 2:8

Gâd bahki nani nina bliki banhwi ba, man ra kasak lukaia lâka ba mahka swisa;

Sofonías 2:11

Dawan ai lawanka ba witin nani ra marikbia. Ai tasbaya aiska ra gâd bahki nani bri ba sut slingbi tikbia, bara tasba bani ra, kî nani ra iwi uplika nani ba sin sut, Dawan ra baman mayunbia.

Apastil Nani Sturka 14:15

—Upliki nani, ¿dîa kan man nani naku dauki banhwisma ki? Yang nani na sin man nani wal baku upla sna. Sakuna nâra yang nani balri na, man nani ra sturi yamni ba mai smalkaia, naha diara bahki nani na swi si Gâd rayakira ba nina blîkma, witinka mita kasbrika pura, tasba, kabu nani ra dîa dîa baha nani bilara ba sut paskan bamna.