Jirimaya 50:12 - DAWAN BÎLA AISKA

¹² Sakuna man nani tasbayam bara tawankam pali ba sin swira daukan prâka dimbia. Nisan nani kulkanka tilara mâyara pali kama, tasba lâwan bîla man, diara âpu daukan.

Jirimaya 50:12 ပူးပေါင်းရင်းမြစ်များ

Aiseya 14:22

Dawan karnika sut bri ba aisisa: “Witin nani mapara buamna, yang Babilon nani ba âpu daukamni bara witin nani wina dîa takaskbia ba, ai luhpia bara ai mula nani wal sin.

Aiseya 23:13

Naha tasbaya na man nani kaiks, Caldea uplika nani mita tasbaya na ra tawer nani paski Sidón ra utla tara nani ba batakan, slingbi swin, but nani ra mangki brih waia baman. Witin nani ba pâtkira sa, Asiria uplika nani ba pâtkas.

Jirimaya 12:14

Dawan naku aisisa, baha uplika watawikira nani Israel lamara iwi nani ba dukiara, witin mita ai tasbaya ba Israel luhpia nani ra yan ba baha uplika nani mita sauhkan: “Bamna yang bui witin nani ba wakia wal daikamna, witin nani ai tila wina Juda sakamna.

Jirimaya 15:9

Luhpa ailal bri kan yaptika nani ba kupia lap tiwan kauhan, sip ai wingka puhbras kan; swira paskan mâyara batakan, lapta ingnika ba witin nani ra tihmia takan. Tila kau raya ba, yang yabrika waihla nani mita ikaia. Yang Dawan ba, yang bîli mai wisna.”

Jirimaya 22:6

Kan Dawan Juda kingka watla ba dahra aisisa: “Man ba yang maipara Galaad ilka baku sma, Líbano bahna ba baku, sakuna diara âpu mai daukaisna, upla iwras tasbaya kum mai daukaia.

Jirimaya 25:12

Bara 70 mani ba alkbia ningkara, Babilon kingka ra makabamna nisanka ra sin, witin nani saura daukan ba wapnika daukaia, bara Caldea uplika nani kuntrika ba, sauhki tikamna ban kaia ra. Yang, Dawan, kasak aisisna.

Jirimaya 25:26

yahbra tani ra kingka nani ai lamara bara sakbi ra iwi nani ba ra sin dakakri. Wibia kaka, king nani iwi ba tasbaya sut baha dibia. Baha ningkara Babilon kingka sin dibia.

Jirimaya 49:2

“Bamna baha aitani, yang, Dawan ba, kasak aisisni: Baha yua balbia ba ra yang daukamna Rabá Amón uplika nani tawanka ba war aiklabi winanka ba walaia; slingwan nani paskanka tara kum takbia, upla nani ba pauta buki klahkla ra ambia. Bara Israel luhpia nani bal ai tawanka nani kli bribia. Yang, Dawan, kasak aisisna.

Jirimaya 51:43

Tawanka nani ba aihka saura takan, bîla man daukan, tasba ba lâwan diara bâra âpu, upla bâra iwras, upla bahak sin wapi luras.

Jirimaya 51:47

Baku bamna, yua ba balbia ba ra Babilon aidulka nani ba klala yabamna. Kuntrika aiska ba mâyara batakamna, upla pruan nani baman ni praki swin kabia.

Galesha 4:26

Sakuna kasbrika purara Jerusalemka ba lika pri sa, bara yawan lika baha luhpia nani sa.

Param Marikanka 17:5

Ai lal purara sin dahra prakan nina kum ulbi bri kan: “Babilon tara ba, mairin rugkira nani yaptika bara tasba ra misbara lâka nani ba sut yaptika sin kan.”