Jirimaya 5:4 - DAWAN BÎLA AISKA

⁴ Yang luki kapri: Upla umpira nani ba baman diara tanis daukisa, Dawan dîa brin dauki ba witin nani tânka briras ba mita, Gâd adarka nani ba sin kaikras ba mita.

Jirimaya 5:4 ပူးပေါင်းရင်းမြစ်များ

Aiseya 27:11

Dus kum tnawa nani ba lâwan bara kriwisa; bara mairin nani aula baha nani ba angkaia. Kan baha uplika nani ba diara tânka bri uplika nani apia sa. Baha mita, witin ra papaskra ba mita umpira kaikras, ai kupia sin swapni takbia apia.

Aiseya 29:12

Bara baku wauhkataya ba, aisi kakaira apia ba ra yabia kaka, bara witin ra wibia: “Nanara man naha na aisi kaiks”, witin sin wibia: “Yang wauhkataya aisi kakaira apia sni.”

Jirimaya 10:8

Witin nani sut ba sinskas baman sa, sins bri uplika nani apia sa. ¡Dus pîs kum ba wina witin nani ra smalkaia diara âpu sa!

Jirimaya 4:22

“Yang upliki nani sika kiamapara, ai kakaira apia —Dawan baku aisisa—. Witin nani tuktan baku diara luki kaikras, laki sin kaikras. Diara saura daukaia sinska lika manis brisa, sakuna yamni daukaia tânka lika briras.”

Jirimaya 7:8

‘Man nani sika diara bahki upla kunin aisi bîla nani ba kasak lukisma.

Jirimaya 8:7

Suki kasbrika ra pâli ba sin ai dara walisa ahkia kli tawi balaia. Butku, plipli, yami sin, witin nani nu sa ahkia plis wala ra waia. Sakuna man, yang upliki nani lika yang lâika nani ba kakaira apia sma.

Jirimaya 9:3

Piu bani ra kunin aisaia ridi ban sa trisbaya nani pantamangka wina lulki ba baku. Witin nani ai kuntrika ra kunin lâka ba king aimakisa, kasakka lâka ba lika apia; saura dauki ba wina kau saura pali daukisa, bara Dawan ba sin kasak aisisa: “Witin nani ai kaikaia takan daukras.”

Oseas 4:6

Yang upliki nani sip lâ tânka kaikras, baha mita baku sauhkan sa. Bara prîs man, tânka briaia lâka ba lulki swiram bamna, prîski kaia mai mangkri lâka ba wina, yang sin mai lulkisna. Gâdkam lâka smalkanka nani âmya tikisma bamna, yang sin man kiamkam nani ba âiya tikamna.

Matiu 11:5

Wis nahki kaikras nani kaiki ba, skahwa nani wapi ba, liparkira nani rakan sa, kiama prawan nani ba walaia sip sa, pruan nani ba kli bukan sa, bara umpira nani ra sturi yamni ba smalkan sa.