Jirimaya 5:31 - DAWAN BÎLA AISKA

³¹ ¡Prapit nani aisi ba lika kunin baman; prîs nani ba ai brinka kat lâ nani daukisa, bara yang upliki nani ba baha lâka ba want sa! Sakuna, ¿baha piua ba lubia bara man nani dîa daukma ki?’ ”

Jirimaya 5:31 ပူးပေါင်းရင်းမြစ်များ

1 King Nani 22:6

Bara Israel kingka mita prapit nani 400 asla dauki, baha nani ra makabi walan: —¿Ramot Galaad tasbaya ba mapara war aiklabaia wamna, apia kaka wamna apia ki? Bara prapit nani ba win: —Aiklas, Dawan bui king lâka man mihtam ra mangkaia sa bamna.

Sins Lâka 17:4

Rugkira bara kuninkira ba wal, twisa saura aisi nani ra kasak bîla walisa.

Aiseya 10:3

¿Dîa daukma man nani baha yua ra, diara daukram nani ba sut makabi walbia kaka, bara kaikma klala ba laih wina aula ba ra? ¿Yaura wama hilp makabaia? ¿Anira dukiam kukan ba swima ki?

Aiseya 20:6

Bukra kabu un ra iwi uplika nani ba sut baha piua ra witin nani aisabia: ‘Man nani kaiks baha waitnika ra yawan bîla kaikanka bri kata ba; witin dîa kat bal takaskan ba, yawan bui witin ra plapi hilp makabi kata ba, Asiria kingka mihta wina pri wan sakaia dukiara. ¿Nanara yawan nahki swak takaia?’ ”

Aiseya 33:14

Saion ra saura dadaukra nani ba sirang iwi tatatwisa, upla saura nani ba sirang iwi bal aisisa: “¿Ya yawan wan tila wina pauta klauhan wan sasauhkra bâra iwi ban kaia sip sa, pauta klauhan ban kaia ba?”

Aiseya 43:27

Man aisikam nani tâura saura daukan, smasmalkrikam nani sin wark saura maipara daukan.

Aiseya 47:7

Man wiram: ‘Yang na kwin ba ban kamna’; sauhki tikras kapram baha dukiara, bara sin lukras kapram nahki tnata alkaia kan ba.

Jirimaya 12:4

¿Ahkia kat tasba ba lâwan kabia bara twi tasbaya ra twi nani srawi ban kabia? Daiwan tnawira nani ba pruisa baha kuntrika uplika nani watawika dauki ba tâka, lukisa witin nani dîa dauki ba man aihka kaikras sma.

Jirimaya 14:14

Bamna Dawan pana ai win: “Prapit nani ba yang nini bri baku aisisa kaka, kunin aisisa. Yang bui witin nani ba blikras, witin nani ra sin yang aisaras, witin nani aisaia sin yang wiras. Witin nani nahki kunin aisaia tânka ba param kaikan, upla ra kunin munaia tânka ba param brin, ai lukanka kat luki kaikan ba. Baha prapitka nani ba sika naha kunin aisaia dahra ba man nani ra aisisa.

Jirimaya 26:7

Jirimaya tempel durka ra aisin bîla nani ba, prîs nani, prapit nani, upla wala nani sin sut walan.

Inanka Nani 1:9

Witin ai kwalka aiska ba tâski ni banhwan sa; baha wina pâtka tara aula ba dukiara lukras kan. Sip kasak lukras nahki muni kauhan sapa; upla kumi sin âpu sa witin ra ai maisa nihkaia. ¡Dawan, kaiks, yang umpirki na, bara waihli nani prautka lâka ba sin!

Inanka Nani 2:14

Dahra aisasarikam nani diara kaikan, dahra kunin man ra aisi mai win ba, kau diara wala apia kata, kunin baman saki mai win sa. Witin nani saurkam ba param ra saki mai wiras kan, man lukkam ba lakaia dukiara; ban sakuna, diara kunin baman kaikan dahra aisi, bara baha ra kasak lukaia mai daukan.

Inanka Nani 4:13

¡Naha sut na ai prapitka nani saurka, bara ai prîska nani watawanka nani tâka mita sa, kan witin nani tawan bîla pali kat, upla kasak nani tâlia laikan bamna!

Inanka Nani 4:18

Wan mina lulkanka bani ra, waitna nani aihwaki wan kaiki kan, yawan sip takras tawan bîla yabalka ra. Wan piua tnata ba baila sa, wan yua nani ba sut kulkan sa; wan awarka ba aimakan sa, wan piua tnata ba pat balan sa bamna.

Isikiel 13:10

“Âu, witin nani upliki ra kunin munan, diara sut ba pain auya sa win; bara kasakka ba lika baku apia kan, sim upla kum kutbanka kum bukaia kuna kasak wal apia, bara ningkara kal wal paski ba baku sa.

Isikiel 13:6

Witin nani diara kaiki ba kunin baman, dahra aisi ba sin kunin. Witin nani wisa Dawan aisi ba yang nani aisisna, sakuna yang, witin nani ba blikras. ¡Baku ban witin nani dîa aisin ba baku takbia bîla kaikisa!

Isikiel 22:14

Lukpara man sip kama yang maipara buaia, mampara wapnikam daukaia buamna ba ra; yang Dawan, baku wisni bamna daukamna:

Oseas 4:9

Bahamna upliki nani ba, prîs nani ba sut kumi ra baku, klala yabamna, witin nani ai daukanka saura ba mita.

Oseas 6:10

Israel watla bilara yang diara saura pali nani kaikri: Efraín urkira takan; Israel ba tâski pali takan.

Oseas 9:5

¿Lilia daukaia yua ra, man nani dîa daukma, sâpkira Dawan wal lilia takaia?

Miqueas 2:11

Kunin aisasara kum, upla nani ra kunin muni dahra aisi wibia: “Yang lika wain laya bara laya tahpla dukiara aisi wisna”, baha sât prapitka sika naha uplika nani na brin daukisa.

Miqueas 2:6

Witin nani bui Dawan dahra aisi uplika nani ra wisa: “¡Man nani baku dahra aisapara! ¡Swira tara ba, yawan ra sip wan alkbia apia!”

Miqueas 3:11

Lâ wihtka nani ra, lalah aibapi ai lâka pliki ba baman ra raitka yabisa, tawan wihtka nani ba, prîs nani ba sin, ai mana briaia dukiara baman smalkisa, bara prapit nani ba lalah mana baman dahra aisisa, ai raitka briaia dukiara blahwi aisisa, Dawan bui witin ra ai tâ baikisa, bara naku wisa: “Diara saura yawan ra balbia apia, kan Dawan yawan wal sa.”

Sofonías 3:4

Ai dahra aisasarika nani ba, saura daukisa kunin lâka ra; ai prîska nani ba, Dawan lâka kriki bara Dawan wal prawaia watla holi ba bahki lâka ra daukisa.

Kli Smalkanka 32:20

bara win: ‘Yang lika man nani ra nini tawaisna, bara kaikamna ani kat man nani wih takaskma ba. Kasak pali ba upla watawikira nani, sip luki tniwaia apia luhpia nani ra.

Kli Smalkanka 32:29

Sinskira kan kaka ai tânka briaia kan, ai dahra walaia kan anira buaia ba.