Jirimaya 5:3 - DAWAN BÎLA AISKA

³ Dawan, man plikisma ba sika kunin aisaras uplika ba. Man bui witin nani ra klala yabram, sakuna baha witin nani ra latwan yaras kan; man bui witin nani ba sauhkram, sakuna witin nani diara lan takras. Kiamapara nani, walpa baku karna, yabal yamni ba ra witin nani kli tawi balaia apia lukan.

Jirimaya 5:3 ပူးပေါင်းရင်းမြစ်များ

Blasi Sturka 19:34

Yapra wala titan muihnika almuk ba ai muihni ai ningka ba ra win: —Wals, tihmia luan ra wan papika wal yapri, bamna kaisa naha tihmia yawan yaka witin kli bla takaia, bara man sin witin wal yaps, bamna baku man bara yawan wâlsut wan aisika luhpia baikbia.

1 King Nani 13:33

Baha sut purkara, Jeroboam ai yabalka saura ba sip swiras kata, kau ban prîs nani mangki gâd bahki ra pura sunaia dukiara, witin yaura mangkaia lukan uplika ra, witin mita yaura yamni luki ba prîs nani mangki kan.

2 King Nani 1:13

Kli aima yumhpa ra kiaptin wala ba blikan, ai aiklaklabrika nani 50 ba aikuki, bara naha kiaptinka na lika Ilayas bâra kata kat bal, ai lula kriki makaban: —Pliskam pali, prapit, rayaki na kulks bara naha nani 50 waitna na sin.

2 Kronikas 16:9

Kan Dawan kasak pali kaikisa naha tasba ra dîa taki nani ba, bara sin witin ra bîla kaikanka bri nani ra, tâ baikisa ai kupia aiska ni. Naha kat man saura daukram sinskas baku, baha mita naiwa wina ai kainara war kau karna brima.”

2 Kronikas 28:22

Bara pât tilara kan sakuna, witin Dawan ra tniwras kata. ¡King Ahaz ba baku kan!

Lawana Nani 51:6

Man upla kupia kunin luha ra latwan kaikisma ba, kasak sa, bara kupi mununhta kat, sins lâka aikram.

Lawana Nani 51:8

Âuyapah bara lilia lâka wal ai banhs; kli lilia lâka ra kupi ba raya dauks, kan kupi ba krikram sa.

Lawana Nani 55:20

Ai uplika nani mapara ai mihta bukisa, wan uplika lâka ra pramis daukan ba kat sin daukras.

Sins Lâka 21:29

Waitna watawikira ai mawan karna daukisa, ai daukanka ba aihwa sakaia; kuna wapnikira ba lika, ai dahra walisa ai tânka dutki sa.

Sins Lâka 22:12

Dawan ba sinskira purara aihwaki kaikisa, bara kunin aisasara bîla aisinka ba bahki kaikisa.

Sins Lâka 23:35

bara man wima: “Ai prukan sa bara latwan kaikras, ai wipan kuna daihra walras kapri; sakuna yang kli kupi krawbia ba ra, kau ban baha wainka ba pliki kamna.”

Sins Lâka 27:22

Man bui upla taniskira ba, unuh bilara plawar mâ kapan tilara, unuh mita ni kapma kra, witin ai taniska ba witin wina ban taki wabia apia.

Aiseya 26:11

Dawan, man upla nani klala yabaia ridi sma, sakuna witin nani baha kaikaia brin daukras; man upla nani ra latwan kaikisma ba ra, witin nani lawaska kakikra takisa. ¡Man kupiam baiwanka pata klauhi mita, angki tikaia pan si!

Aiseya 42:25

Baha mita, witin yawan wan purara ai kupia baiwanka ba laikan, bara war karnika ba sin; tnaya bani ra pauta klauhan mangkan, sakuna yawan tânka briras, witin âpu wan daukan, sakuna yawan baku sin kau ai bîla walras.

Aiseya 48:4

Yang pat kaiki kapri man ba lamla karna sma, karna ayan baku sma, bras daukan baku, sip bulras sma,

Aiseya 9:13

Upla nani ba klala brin, sakuna witin nani Gâd ra ai kupia lakras, karnika sut bri Dawanka ba plikras.

Jirimaya 15:7

Kuntrikam ra tawankam tara nani ba wina uplikam nani ba saki rais taya pâsa ra yakabi baku yakabamni; upliki nani ba sauhkri bara luhpia nani ba âpu daukri witin nani ai rayaka lâka saura ba swiras ban ba tâwan.

Jirimaya 17:23

Witin nani lika yang ra walras bîli wali daukras kan, sakuna kau lal karna takan wali lan taki wapni takan daukras.

Jirimaya 19:15

“Karnika sut bri Dawanka, Israel Gâdka ba, aisisa: ‘Naha tawanka tara ra yang klala yabia aisari ba daukaia, tawan nani witin ai lamara nani ba sut blikaisna klala yabia, kan witin nani lal karna takan yang aisari ba wali daukras kan bamna.’ ”

Jirimaya 2:30

Bahki baman luhpiam nani ra klala yabri, smalkanka ba witin nani lan takaia brin daukras. Man nani klauna layan kras baku, prapitkam nani ba ikram.

Jirimaya 3:3

Baha mita sika lî auhaia piua ba bara lî sikwaia piua ba lî auhras kan. Man mamwan ba swiram âpu sa yabal mairka mawan baku sa; ¡man swiram bri kaia kapram!

Jirimaya 32:19

Lâ nani aisisma ba warkkam nani, daukisma ba karnika tara pali brisa. Upla nani diara dauki ba man sut kaikisma, bara witin nani dauki ba tânka kat kli yabisma.

Jirimaya 35:13

“Yang, Dawan karnika sut brisna, Israel Gâdka, yang bui man mai blikisna Juda uplika nani ra, Jerusalem uplika nani ra was bara wis: ‘Yang mai smalkisna ba man nani lan taks, adarki nani maikisna ba man nani bîli wali dauks. Yang, Dawan, mai wisni.

Jirimaya 44:10

Nanara kat lukankam saura ba man nani kau swiras sma, sibrin sin mai daukras, smalkanka nani lâ maikri ba damikam nani ra yabri ba sut man nani daukras.

Jirimaya 7:26

Sakuna man nani bui yang bîli wali daukaia apia wiram, uni sin kahbras, almukkam nani ba wal man nani kau kiamam karna takan.

Jirimaya 7:28

Witin nani ra wis: ‘Naha nisanka sika ai Dawanka ai Gâdka bîla wali daukras ba, saura daukan smalki ba sin walan daukras ba. Kasak wapni aisaia aisinka ba witin nani aisinka wina âpu pali aihwa takan.’ ”

Jirimaya 8:5

Ban kaka, Israel, ¿man nani dîa muni ai atkram? Jerusalem, ¿dîa muni ai swih waram ban kaia ra? ¿Dîa muni maipara bûi ban sma? ¿Bara kli tawi balaia brin mai daukras ki?

Isikiel 2:4

Witin nani ai luhpia ba sin, lal karna bara kupia karnira nani sa; bara baha nani ra wima: ‘Dawan Gâd naku wisa.’

Isikiel 24:13

‘Jerusalem, yang brinki kan tâski ba wina pri lâka brima, kuna man klin takras kapram. Man klin takma, yang kupi sauhkanka puramra blikamna ba kat lika.

Daniel 9:13

Naha klalka yang nani purira balan na sut lika, Moses lâ wauhkataya ra ulban ba kat sa, sakuna yang nani bui mai plikras kapri, Dawan wan Gâdka sma ba, yang nani saurki nani ba sin kau lulkras, kasakkam tânka ba nina sin bliki banhras sna.

Libait Lâka 26:23

“Naha sut daukrika man nani wapni takras, yang maipara kau saura daukisma kaka;

Emus 4:10

“Idsip uplika nani purara siknis saura nani blikri kan ba baku, man nani puramra sin blikri; wahma nani ba war aiklabi prui tiwaia ba yang daukri, swiri aras nani ba waihla nani dawanka takan; kiamp nani ra yang mita yâri upla pruan bisbaika ba kiawalaia. Baha sut daukri, sakuna man nani lika yang ra kli tawi balras.” Dawan baku kasak aisisa.

Emus 4:11

“Man nani ra yang bui sauhkanka saura kum ni sauhki mai tikri, sim Sodoma bara Gomora wal ra sauhki tikri ba baku; pauta klauhan kum pauta aswi ba tila wina sakan baku kan. Baha sut daukri, ¡sakuna man nani lika yang ra kli tawi balras!” Dawan baku kasak aisisa.

Emus 4:6

“Yang bui daukri sika, man nani tawankam tara sut ra plun wahwi kapram ba; yang bui daukri sika, tawankam sirpi nani sut ra plun âpu takan ba. ¡Baha sut daukri sakuna, man nani kli yang ra tawi balras!” Dawan baku kasak aisisa.

Emus 4:8

Tawan kum wina tawan wala ra upla nani ba lî pliki tauki kan, sakuna ai âuyapah lî aitani sakras kan ai diranka tikaia. Baha sut daukri sakuna, man nani lika yang ra kli tawi balras kapram.” Dawan baku kasak aisisa.

Emus 4:9

“Yang bui sika pâsa lapta wal krawi ba ni, bara siknis saura nani bliki klala maikri ba, namsla nani sut sin yabri srawan, tristrisia nani taki wainkam, kwah damni dusa olivkam nani pâwi kan sut pin ba. Baha sut daukri, sakuna man nani lika yang ra kli tawi balras kapram.” Dawan baku kasak aisisa.

Sofonías 3:7

Yang klala yabri ba mita lukri: ‘Jerusalem ba yang ra siaibribia bara watawi dauki ba mahka swibia; baku yang bui witin nani slingbi sauhkaia apia kapri.’ Sakuna witin nani kau istikira saura lâka sâtka nani sut ba daukan.

Roman 2:2

Bamna yawan lika kaikisa, naha diara dauki uplika nani ba, Gâd mita kasakka lâka kat lâ dauki pât ra dingkisa.

Hibru Nani 12:9

Baha purkara, yawan tuktan nani kan ba ra, wan aisika nani mita wapni wan mangki kan, bara yawan bui witin nani ra ban kulkanka yabi kan. Ban kaka, wan Aisika kasbrika purara ba ra bawaia yawan kau lâ brisa, bara baku mika raya banhwi kaia.