Jirimaya 5:17 - DAWAN BÎLA AISKA

¹⁷ Namsla dâkisma patam mâ ba witin nani pibia, luhpiam waitna nani luhpiam mairin nani ba sin pih âpu daukbia. Sîpkam nani ba, bîpkam nani ba, wain nasla nani, kwah damni dusa nani brisma ba pibia. Aiklabaia dukia nani bri ba ni tawankam karna nani kutbanka ba bahara kasak lukisma ba sut sauhki tikbia.”

Jirimaya 5:17 ပူးပေါင်းရင်းမြစ်များ

Aiseya 62:8

Dawan ba swer takan ai klahkla aihkika karnika ba buki: “Kli swirka man plawarkam ba wina waihlam nani pibia apia, tringsar nani ba sin man wark takram wainka ba wina dibia apia;

Aiseya 62:9

sakuna man nani mâ kriki baha wina pima bara man bui yang ra ai mayunma; bara wain mâ ba wahma bara wain ba dima, waitla kutbanka holikira bilara bal dima.”

Aiseya 65:22

Witin nani utla mâkbia apia, upla wala kra iwbia dukiara, witin nani sin mangkbia apia, upla wala baha wina pibia dukiara; kan dus nani rayaka yua bri ba baku, yang upliki nani rayaka yua sin yari bribia, yang upliki nani bâk saki briri ba ai mihta warkka nani liliaka ba bribia.

Jirimaya 1:15

Yang, Dawan, man nani ra kasak mai wisna, yahbra tani king tasbaya nani ba sut paiwrika balbia, kingka nani sin balbia bara baha kingka nani ba Jerusalem getka pali ba kat ai iwaika nani ba bapbia tawan kutbanka ba kir, Juda tawanka tara nani ba sin kir kutbi bribia.

Jirimaya 25:37

Dawan ai kupia baikan bara twi langnika nani ba sauhkan.

Jirimaya 4:26

Bara kli tawi kaikri bara giadin nani ba upla iwras tasbaya takan kan, tawan nani ba sut slingban kan. Dawan kupia baiwanka tara ba mita baku takan.

Jirimaya 4:7

Layan ba ai watla wina pat takan, nisan nani sauhki tiki ba pat yabal ra aula; ai tasbaya wina taki aula man kuntrikam ba sauhki tikaia, tawanka tara nani ba slingbi, pura paski bîla man swiaia.

Jirimaya 5:18

Dawan ba kasak aisisa: “Ban sakuna, baha yua, witin nani sut ba âpu pali daukamna apia.

Jirimaya 50:17

“Israel ba sîp tiwan kum baku sa, layan nani mita nina blikisa. Asiria kingka pas bal alki pin; baha wina, Nabucodonosor Babilon kingka ba mita alki pin bara dusa nani ba arban.

Jirimaya 50:7

Waihla nani ba witin nani wal prawan bara pin, ningkara aisin: ‘Yang nani pât apia, kan witin nani ai Dawanka mapara saura daukan, ai pata piaia bri kan ai damika nani bîla kaikanka ba.’

Jirimaya 8:13

Dawan kasak aisisa: “Plawar mâ klaki baku upliki nani ba klakaisna, wain mâ kumi sin kiwka ra swibia apia, kwah mâ kumi sin dusa ra swibia apia. Wahia lâwan nani baman bâra kabia.”

Jirimaya 8:16

¡Wan waihla ba pat aula! ¡Laih Dan ba wina araska nani kakma praukbi ba walisa! Araska nani ba ihbi bara tasba aiska nikbisa. Witin nani aula kuntri na bara yuyaka nani ba sut sauhki tikaia, tawanka tara nani, uplika nani bahara iwi nani sut sin.”

Inanka Nani 2:12

Tukta nani ini ai yaptika ra makabisa: “¡Yawan plun âpu sa piaia, bara wain diaia sin âpu!” Bara tawan bîla yabalka nani kat ban kauhi kata, waitna latwan brin pruaia baman ba baku, bara ai yaptika lama bîla kat, ai wingka puhbra tnata ba yan taki wisa.

Inanka Nani 2:2

Dawan mita Jekob watla nani sut sauhki tikan sa, umpira kaikras kira; ai lawanka nani wal Juda pranakira kan kahbaika pliska nani sut sauhki tikan sa; ai wihtka tara nani bara kingka nani sin tasba kat batakan sa, swira lâka ra.

Isikiel 36:4

Baku bamna, Israel ilka tara nani, il sirpi nani Dawan aisi ba wals, awala nani bara il bîla nani ra sin; sauhki tikan Israel tawanka upla iwras tasbaya takan ba, witin nani lamara iwi nani ba mita Israel ra implikan ba, bara lawaska kikan ra tawan nani ba.

Oseas 2:12

Wainka nasla bara kwah damni dusa nani bri ba sut sauhki tikamna. Baha nani dukiara sika aisisata ba: ‘Naha ni sika laitwankira nani maina aibapan ba.’ Nasla ba yarka inma man pâwbia, bara daiwan wail nani man pibia.

Oseas 8:14

Israel utla tara nani mâkisa, sakuna ai Papaskra ba ai âuya tikisa. Juda tawan tara karnakira nani ailal paskisa, sakuna baha nani yang pauta klauhan kumi ra angkamna, watla tara nani ba sut ambia.”

Joel 2:3

Witin nani ba pauta klauhan baku sa, diara sut angki âpu daukisa; kau bal lui waras ba ra, kainara diara sut angkisa, bal lui wan ba ningkara, kau ban angkisa. Witin kau balras ba ra, tasba ba insla disang painkira kum baku sa, witin nani bal lui wan ba ra, tasba kum bîla man ba baku dauki swin sa. ¡Bahara diara kumi sin swak takras, sut âpu daukan!

Libait Lâka 26:16

man nani wal yang naku daukamni, sibrin man nani puramra blikamna, pruaia sikniska, rihka, nakra siknis saura nani, biawaia; kupiam kriwan takaia; insla warkka daukaia sip apia kama, kan waihlam nani bal namsla mâ mangkram ba pi kabia.

Sofonías 3:6

Dawan kasak aisisa: “Yang nisan nani ba âpu daukri, tawerka nani, tawanka kutbanka nani ba sin slingbi âpu daukri, bara tawanka yabalka nani bîla ba, upla iwras yabalka daukri. Upla kumi sin bâk lui waia apia daukri. ¡Tawanka tara ba bîla man swin, upla kumi sin bâra âpu!

Malaquía 1:4

Bara Edom tasbaya uplika nani Isau masraka ba, witin nani naku aisabia kaka: “Wan tawanka nani sauhki tikan sa, ban sakuna yawan wan nisanka na kli bukaia sa”, karnika sut bri Dawanka ba pana aisabia: “Âu, witin nani kli bubia kaka, sakuna yang mita kli slingbamna. Witin nani ai tasbaya nina ba ‘Watawika lâka tasbaya’ mâkbia, bara ‘Dawan mita baha nisanka ra ban kaia ra ai kupia baiki ba.’ ”

Kli Smalkanka 28:33

Upla man nani bui kakaira apia sma ba, tasbayam wina plun mâ nani sakisma ba pi kabia, ban pât wahwi taiban ra bara lawi mai dauki kabia.