Jirimaya 5:15 - DAWAN BÎLA AISKA

¹⁵ Dawan ba kasak aisisa: “Israel, yang bui man mampara upla kwâra tara kum laih wina bri balaisna, upla karna patitara uplika nani. Witin nani aisi bîla ba man kakaira apia, witin nani aisi ba man tânka briras.

Jirimaya 5:15 ပူးပေါင်းရင်းမြစ်များ

Blasi Sturka 11:7

Yamni sa yawan iwi wih witin nani ai bîla aisi ba tanis turbaia, bara baku lika witin nani ai uplika nani wal pana pana dîa aisi ai tânka bri ba yabrika tânka bribia apia.”

Lawana Nani 81:5

Lâka bîla ba Josep ra sin yaban Dawan Idsip mapara aiklabaia takata. Bara bîla baikra kumi walri, baha yang walras kapri ba:

Aiseya 28:11

Bamna aitani, witin nani ra un briras kabia kaka, bîla tringsar ra blaki aisinka baku kabia Gâd mita naha uplika nani ra baku aisabia.

Aiseya 29:3

Man mampara tnamya kir waihlam nani bapamna, kan kahbaika pliska nani wal mai kutbamna, tnamya kir yukuwi mampara aiklabaia nani ba blikamna.

Aiseya 33:19

Baha tawanka uplika nani ai uplika nani kulkras ba kli kaikma apia, uplika nani bîla aisi ba wali tânka briaia karna ba, twisa warbi aisi bîla nani upla ba tânka sip briras ba.

Aiseya 39:3

Bara prapit Aiseya ba, king Ezequías ra balan bara makabi walan: —¿Baha waitnika nani ba ani wina balan, bara dîa sin mai win? Bara Ezequías pana aisi, win: —Plis laih wina balan, Babilon tasbaya wina.

Aiseya 5:26

Dawan ba plakin kum bukisa bara wasbi ni kuntri kum laihura ba ra winisa, kau tasba laihura wina upla ba yan balisa, aihni pali aula, istikira ni.

Aiseya 5:7

Dawan karnika sut pali bri ba wainka nasla ba, witin ai brinka pali kan mangkaia ba, Israel tawanka uplika nani, Juda uplika nani ba. Dawan ai lâka ba kulkbia bîla kaiki kan, sakuna kaiks upla ikaia lâka baman sakan; kasakka lâka daukbia bîla kaiki kan, bara kaiks inanka baman sa.

Jirimaya 1:15

Yang, Dawan, man nani ra kasak mai wisna, yahbra tani king tasbaya nani ba sut paiwrika balbia, kingka nani sin balbia bara baha kingka nani ba Jerusalem getka pali ba kat ai iwaika nani ba bapbia tawan kutbanka ba kir, Juda tawanka tara nani ba sin kir kutbi bribia.

Jirimaya 2:26

“Âimplikra pura baikan piua ra ai swira bri ba baku, Israel ba baku swira takan kabia, upla nani ba, king nani ba, wihta nani ba, prîs nani ba, prapit nani ba sut;

Jirimaya 25:9

Nabucodonosor yang warkki dadaukra Babilon kingka ba, yahbra tani uplika nani ba sut balaia paiwisna, witin nani bal naha kuntrika ra upla nani sut iwi ba, nisan nani sut lamara ba wal iwi nani ba mapara sin. Witin nani ba sauhki âpu pali aiklabaia daukaisna. Baha nani ba sut sauhki âpu daukaisna. Baku sauhkan ban kaia swiaisna, sirang wan iki bara sibrin wan dingki kaia.

Jirimaya 4:16

“Nisan nani ra Jerusalem ra sin maisa paks laih tasba wala kum wina waihla nani ba aidrubi aula Juda tawanka nani mapara aiklabaia bara pura winanka nani winisa.

Jirimaya 5:11

¡Israel Juda wal yang maipara buan! Yang, Dawan, kasak aisisna.”

Jirimaya 6:22

Dawan aisisa: “Laih pali yahbra tani tasbaya ba wina nisan karna pali kum ba balaia ridi takisa.

Jirimaya 9:26

Idsip uplika nani, Juda, Edom, Amón, Moab uplika nani sin, bara upla iwras tasbaya nani ra iwi ba sin, witin nani ai tâwa irbisa. Sakuna baha uplika nani sut Israel luhpia nani ba sin, kupia lukanka nani ba lika idan baman sa.”

Isikiel 18:31

Yang maipara saura daukram sut ba wina tnaya ra taks, kupiam ra spirit raya bris. ¿Dîa muni pruaia kabia, Israel luhpia nani ba,

Daniel 1:4

wahma nani, siknis âpu nani, skahwa apia ba, kulkanka tara bri bara sinskira nani, sins lâka bri ba, diara tânka kaikaia lâka mapara sip ba, baha nani king watla ra takaskaia. Witin nani ra smalkan kabia Caldea uplika nani bîla aisaia bara ulbaia tânka ba sin.

Daniel 7:7

“Daiwan saura tara walhwalka kaikri ba lika saura sibrinkira pali kata, karnakira pali kata. Ai napa nani ba ayan baku bri kata, sut ra pi âpu sin dauki kan, kau tâka ba ai mina ni taibi kan. Baha daiwra ba ai lal ra aringka matawalsip bri kan.

Emus 6:14

Bamna Israel luhpia nani, wals; Dawan karnika sut pali bri ba, naku kasak aisisa: “Nisan karna kum man nani mampara aiklabaia blikuna tasbayam ba briaia, yahbra tani Hamat wina, waupasa tani ra Arabá tingnika kat, ai mina ra mai taibi mai bribia.”

Abakuk 3:16

Baha nani daukram sturka ba sut yang walri, bara sibrin ai daukisa; uni nani mahka tatatwan, kuhmi dusa nani swapni takan bara karniki sut tiwan. Sakuna ban yang sâp iwi bîla kaiki kamna, Gâd yawan wan waihla nani ra klala yabia ba kat, wan tataibra suldiar daknika ra.

1 Korint 14:21

Lâ wauhkataya ra naku ulban sa: “Naha nisanka ra bîla aihka nani upla tringsar nani bîla bâk sin aisamna, sakuna baku kabia sin bîli walbia apia, Dawan baku wisa.”

Kli Smalkanka 28:33

Upla man nani bui kakaira apia sma ba, tasbayam wina plun mâ nani sakisma ba pi kabia, ban pât wahwi taiban ra bara lawi mai dauki kabia.

Kli Smalkanka 28:49

Tasba ra kuntri kau laihura ba wina, Dawan mita nisan kum yakal pâli baku, isti pali man mampara blîkbia, baha nisanka bîla aisi ba sin man aisaras;