Jirimaya 49:8 - DAWAN BÎLA AISKA

⁸ ¡Dedán uplika nani, taki plapi banhs, man nani yukuwaia was! Kan Isau uplika nani ba yang sauhkaia sna; witin nani ra klala yabaia yua ba aimakan.

Jirimaya 49:8 ပူးပေါင်းရင်းမြစ်များ

Aiseya 2:21

Witin nani walpa tara baiwanka nani ra dimbia, walpa tara klukia ra, sibrin tara ba mita, Dawan mawan wina yukuwbia, ai mawan ingnika ba wina sin, witin bal tasba na sirang ikbia ba ra.

Aiseya 21:13

Upla iwras ba tasbaya ra dahra aisi ba: Dedán wina uplika kwâra ailal upla iwras tasbaya ra srikra nani tilara tihmia lalawisa,

Aiseya 34:5

Âu, kaiks Dawan sordka ba kasbrika purara bal param takisa bara Edom purara bal kauhaisa, pruaia pâtka ra lakan uplika nani ba.

Jirimaya 25:23

Dedán kiamka nani ra, Temá ra, Buz ra, bara upla nani ai tâwa irbi banhwi ba ra sin;

Jirimaya 46:21

Mana aibapan aiklabi suldiar nani ba bîp wainhka batanira nani baku sa, sakuna baha nani sin sip bapi buras taki plapbia, witin nani sauhkaia yua ba aula, klala yabaia piua ba.

Jirimaya 48:28

Moab uplika nani, tawankam nani swih plaps; butku nani baku, walpa tara nani ra iwaia was, walpa unta ra wamtla mâks.

Jirimaya 48:44

Antin tatakra nani mita alkras kabia ba unta ra kauhbia, unta wina bal takbia ba mina alkaika ra mina alkbia, Moab uplika nani ra klala yabaia piua ba yang bri balamna. Yang, Dawan, kasak aisisna.

Jirimaya 48:6

¡Man nani plaps! ¡Ya swakwaia sip sma ba swakwi taks! ¡Upla iwras tasbaya ra kiaya pâwi ba baku takbia!

Jirimaya 49:30

¡Hasor ra iwi uplika nani, taki plaps! ¡Wih yukuwi banhs! Yang, Dawan, naha mai wisna. Nabucodonosor, Babilon kingka ba, man nani mampara balaia pat luki kaikan sa.

Jirimaya 49:32

¡Kiamilka nani, daiwra nani ba brih was! Baha uplika nani ai tâwa irbi klaki ba yabal sât sât ra waia yakaban sa; tnaya bani wina pât bri sal sauhkaia sna. Yang, Dawan, kasak aisisna.

Jirimaya 50:27

¡Suldiar nani ba sut iki tiks, sut ikaia watla ra blîks! ¡Saura pali witin nani ra! ¡Witin nani yua ba balan, klala aiklabaia yua ba!

Jirimaya 6:1

¡Benjamín tasbaya ra iwi uplika nani, Jerusalem wina taki plaps, man nani yukuwaia watla pliks! Bara trumpit ba Tecoa ra puhs, bara sain kum Bet-haquérem ra dauks, diara saura kum, pât tara kum saura wan munaia aisi yahbra wina aula.

Isikiel 25:13

Baha mita, yang Dawan sna ba, aisisni: Mihti bukamna Edom ra klala yabaia, uplika nani bara daiwra nani ba sauhki tikaia. Sauhki tikan tara ra swimna. Temán wina Dedán kat, uplika nani ba sord malika ra prubia.

Malaquía 1:3

bara Isau ra lika misbara kaikri. Isau tasbaya ilka ba twi langni kan wina, upla iwras tasbaya daukri bara ai tasbaya ba, daiwan wail nani baman dukiara yamni sa.”

Malaquía 1:4

Bara Edom tasbaya uplika nani Isau masraka ba, witin nani naku aisabia kaka: “Wan tawanka nani sauhki tikan sa, ban sakuna yawan wan nisanka na kli bukaia sa”, karnika sut bri Dawanka ba pana aisabia: “Âu, witin nani kli bubia kaka, sakuna yang mita kli slingbamna. Witin nani ai tasbaya nina ba ‘Watawika lâka tasbaya’ mâkbia, bara ‘Dawan mita baha nisanka ra ban kaia ra ai kupia baiki ba.’ ”

Param Marikanka 6:15

Bara tasba kingka nani ba, upla tara nani ba kira, lalahkira nani ba, suldiar wihtka tara nani ba, karnakira nani ba, alba nani ba bara pri uplika nani sut sin, kipla unta nani ra bara il walpakira nani ra sin wih yukuwan;

Wihta Nani 6:2

Madián uplika nani ba Israel luhpia nani ra piua bani kau karna taibi kan, bara naha nani Madián uplika nani sibrinka ba mita yukuwaia watla il nani ra, walpa unta nani ra, plis saura nani ra, baha nani sip wih dimi alkaia apia ba untika nani ra ai watla nani ba dauki brin.

1 Samuil 13:6

Israel nanara ai dara walan witin nani ra karna pali dihbuya ba, kan filisteo nani aula witin nani ra aiklabaia, bara witin nani yukuwaia kan tasba kwalhni nani ra, tasba unta nani ra, walpa unta nani ra, tasba baikan ra, liwanhta nani ra sin.