Jirimaya 49:3 - DAWAN BÎLA AISKA

³ “¡Hesbón, mamna lulks, kan Ai ba pat slingban bamna! ¡Rabá wina mairka nani, puram mata ini banhs! ¡Man nani kwala siksa dims, lamam pruki banhs! ¡Grisi baku plapi banhs, wînam insauhki ban plapi bas! Kan gâd Milcom ba priski tasba wala ra brih auya, prîs nani sut upla tara kulkan nani ba sin.

Jirimaya 49:3 ပူးပေါင်းရင်းမြစ်များ

2 Samuil 11:1

Piu kum lî sikwaia piua ra, king nani ai natka ba baku war ra waia piua ra, Debit Joab ba blikan wihta tara nani aikuki, Israel suldiarka nani sut sin, bara Amón uplika nani ba sut sauhki tikan, Rabá tawanka ba sin kir kutban. Ban sakuna, Debit witin lika waras Jerusalem ra takaskan.

1 King Nani 11:33

Witin bui yang ba ai swin bara Sidón nani gâdka Astarté ra ai pura suni mayunan, Moab uplika nani gâdka Quemós ra, bara Amón uplika nani gâdka Moloc ra sin. Bara yabalki nani ra wapras, diara wapni daukras naikra nani ra, bara lâika bîla nani sin kulkras, ai aisa Debit daukan ba baku.

1 King Nani 11:5

Salaman lika Sidón nani gâdka bahki Astarté ra nina blikan, baku sin Milcom, Amón uplika nani gâdka saura pali kulkan ba ra sin nina blikan.

2 King Nani 23:13

Baku sin, king mita tâski kulkan idan nani gâdka bahki nani, Jerusalem lalma ra paski bri kan ba, bara Oliv nani ilka waupasa tani ra bri kan ba, Salaman Israel kingka ba mita paskan, Astarté gâdka bahki ba, Sidón uplika nani bara Quemós bara Moab uplika nani aidulka saura nani ba sin. Milcom bui aidul saura Amón luhpia nani dukiara paskan ba baha nani sut ba sin sauhki tikan.

Esdras 2:28

Betel bara Ai kiamka ba wina, 223.

Aiseya 13:6

Yul swi baku ins, kan Dawan yua ba pat baila sa. Karnika sut bri ba aula, sauhki tikaia karnika ba wal.

Aiseya 14:31

¡Filisteo tawanka tara nani, man nani puram mata ins, sari bri ini banhs, sibrin mita tatatwi bas! Kan yahbra tani wina upla dakni tara kum kasbrika kiasma baku aula; bahara aidrubankam tara ra upla kumi sin man lamamra takaskbia apia.

Aiseya 15:2

Dibón uplika nani ba il ra uli wan tempel ra dimi inaia, Moab ra, Nebo bara Medebá pura mata inbia; ai tâwa ba irban kabia, ai unmaya sin sut irban kabia.

Aiseya 16:7

Baha mita, Moab ai uplika nani pura mata inbia; man nani mamna lulkanka tara brima, kupiam kriwanka nani sin, Quir-haréset waitnika nani dukiara kupiam krauki luki kama.

Aiseya 23:1

Tiro mapara dahra aisin: Tarsis dwarka tara nani ai mamna lulkisa, duri tara praki wilkaika nani ba sut sauhkan bamna. Chipre wina duri tara nani bal dimi bahara wilki kata âpu daukan.

Aiseya 23:6

Witin nani wibia: “Man nani Tarsis ra lui was; puram mata ini yauhs, kabu un ra iwi uplika nani.”

Jirimaya 4:8

Baha mita, sari prâka dims, man nani latwan bri ins bara mamna lulks, kan Dawan kupia baiwanka klauhi ba yawan wina tnaya ra tawras sa.”

Jirimaya 46:25

Dawan, karnika sut bri ba, Israel Gâdka ba, aisisa: “Amón Tebas gâdka ba klala yabaisna, Idsip gâdka nani ba, kingka ba sut, king fero ra kasak luki nani ba sin klala yabaisna.

Jirimaya 48:2

Moab prana ba sut âpu daukan. Waihla nani ba Hesbón ra aisi kaikan nahki daukaia, Moab nisanka ba tikaia. Madmén, man sin mai sauhkbia aiklabanka ba ninam bliki ban kabia.

Jirimaya 48:20

Moab ba mâyara batakan sa, sibrin tara brisa. ¡Man nani sari bri witin pura mata ins! ¡Arnón awala bâk aisi was Moab ba sauhki tikan!”

Jirimaya 48:37

Tâwa nani sut irban, unmaya sin klakan; mihta nani ba sut insauhkan bara krukus prâka nani dimisa.

Jirimaya 48:7

“Moab, man karnikam ra diara ailal brisma ba ra kasak luki kapram, sakuna man ra sin bal puram lubia. Man gâdkam Quemós tasba wala brih wabia, prîska nani, uplika tara nani kulkan ba sut.

Jirimaya 49:1

Amón uplika nani ra wiaia Dawan aisin bîla ba: “¿Israel luhpia nani ba anira sa? ¿Witin nani prapati briaia nani ba anira sa? ¿Dîa muni Milcom gâdka ba nanara Gad dawanka takan? ¿Dîa muni Amón uplika nani baha nani tawanka ra iwisa?

Jirimaya 51:8

Sakuna wan dara walras kan Babilon pat kauhan, yuya sirpi man takan. ¡Man nani lika witin pura mata ins! Sîka nani bri bal insauhkan ba yukaia, rawbia sapa kaikaia.”

Jirimaya 6:26

¡Yang upliki nani, krukus prâka dimi sari tukinka ba; yamhpus ra aikarwi bas, kwala siksa dimi sari pali bri ini bas, luhpiam waitna kumi baman bri kapram pruan baku; kan wan sauhki tikaia uplika ba pat pali yawan ra balbia bamna!

Emus 1:15

Bara witin nani ai kingka bri ba, ai wihtka tara nani aikuki asla tawan ba wina taki alba lâka ra wabia.” Dawan baku aisisa.

Sofonías 1:5

Utla nani bahna ra uli, slilma nani ra ai pura suni ba, ai gâdka Milcom mawanra ai lula kriki ai pura suni ba bara yang nini ra sin swer taki ba sut sauhki tikamni.

Jems 5:1

¡Yuyakira nani, naha na wals! ¡Man nani ini bas, bîlam baikra sin tara wins, trabil saura nani man nani wahwaisma bamna!

Jasua 7:2

Jasua mita tila waitna nani ba Jeriko wina, Ai tawanka tara ra waia blikan kan, Betel lalma ra, Bet-avén lamara. Witin nani ba blikan kan baha tawanka uplika nani iwanka ba lâka tânka ba laki kaikaia. Bara witin nani Ai tawanka tânka ba wapi kaikan,

Jasua 8:1

Dawan ba Jasua ra aisi, win: “Nanara, man si bripara, lukankam sin swapni takbiara. Suldiarkam nani ba bris, bara mahka taki was, Ai tawanka ba mapara aiklabaia waia. Kingka ba, tawanka uplika nani ba sut pura luaia karnika ba yang maikuna bamna. Witin nani, Ai tawanka ba, ai tasbaya nani ba sut man nani brima,

Jasua 8:28

bara Jasua bui Ai tawanka ba aiska angki sauhkan, naiwa kat sauhkan ba ban sa.