Jirimaya 49:2 - DAWAN BÎLA AISKA

² “Bamna baha aitani, yang, Dawan ba, kasak aisisni: Baha yua balbia ba ra yang daukamna Rabá Amón uplika nani tawanka ba war aiklabi winanka ba walaia; slingwan nani paskanka tara kum takbia, upla nani ba pauta buki klahkla ra ambia. Bara Israel luhpia nani bal ai tawanka nani kli bribia. Yang, Dawan, kasak aisisna.

Jirimaya 49:2 ပူးပေါင်းရင်းမြစ်များ

2 Samuil 11:1

Piu kum lî sikwaia piua ra, king nani ai natka ba baku war ra waia piua ra, Debit Joab ba blikan wihta tara nani aikuki, Israel suldiarka nani sut sin, bara Amón uplika nani ba sut sauhki tikan, Rabá tawanka ba sin kir kutban. Ban sakuna, Debit witin lika waras Jerusalem ra takaskan.

Lawana Nani 48:11

¡Saion ilka lilia dauks! ¡Juda tawanka nani lilia pâli puli banhs, man dîa daukaia lukram ba kat daukisma bamna!

Lawana Nani 97:8

Man Dawan, Saion bara Juda tawanka uplika nani ba man lâmka bîla nani ba dukiara lilia sa;

Aiseya 11:14

Witin nani wâlsut ba muna tani bâk filisteo nani ra wabia, nina tani tawi ba ra; mapara aiklabia, asla lalma tani tawanka nani dukia kukan ba dakbia. Ai karnika ba Edom, Moab bara Amón uplika nani ra taibi bribia.

Aiseya 17:1

Damaskus mapara dahra aisin ba: Damaskus tawan tara ba, swika baku ban kabia apia; sauhki tikan yuyaka nani baman kabia.

Jirimaya 4:19

¡Yang tirirwi taukisni latwan ba mita! ¡Kupi ba karna pali lakwisa! ¡Yang sip sâp kapras sni, aisaras kaia sip apia sni! Trumpit puhban ba walri, war aiklabaia winanka nani.

Jirimaya 49:1

Amón uplika nani ra wiaia Dawan aisin bîla ba: “¿Israel luhpia nani ba anira sa? ¿Witin nani prapati briaia nani ba anira sa? ¿Dîa muni Milcom gâdka ba nanara Gad dawanka takan? ¿Dîa muni Amón uplika nani baha nani tawanka ra iwisa?

Isikiel 21:20

Yabal kum klakaia kama bahak king ba ai sordka wal bâk luaia ba. Tawanka nani ba Rabá, Amón tasbaya bara Jerusalem, Juda kutbanka tara pali ba.

Isikiel 21:25

Bara man, Israel kingka, upla âikra saura pali, klalka briaia piua baila pali sa.

Emus 1:14

Witin nani baku daukan bamna, yang bui Rabá tawanka purara pauta klauhan blikamna; bara wihta tara watla nani ba ambia, war aiklabi inanka nani tilara bara lî, imyula karna nani puli ba baku tilara sin.

Abdías 1:19

Israel luhpia nani Négueb wina bal, Isau ilka tasbaya nani ba bribia; bara twi langnika tasbaya ra iwi nani ba bal filisteo nani tasbaya ba alki bribia. Israel luhpia nani Efraín tasbaya Sameria sin alki bribia; bara Benjamín lika Galaad tasbaya alki bribia.

Kulki Kaikanka 10:9

“Tasbayam ra waihla nani mita mai warbia, bara war aiklabaia mampara taki balbia kaka, trumpit nani ba karna pali puhma, bara yang Dawan Gâdkam bal, man nani tâmwan aimakaia kupi kraukbia, bara waihla nani mihta wina swaki mai sakamna.

Kulki Kaikanka 21:25

Baku bamna, Israel luhpia nani ba amorreo nani tawanka nani ba sut dakbi brin, wibia kaka, Hesbón uplika nani bara ai karnika munhtara tawanka nani ba, bara Israel luhpia nani bahara takaski banhwan.

Kli Smalkanka 13:16

Tawan lilara upla aipaswaika pliska ra, ai dukia kukanka nani ba bri si paski swis, bara tawanka ba ra, diara nani sut waihlam nani wina dakbram ba pauta ra angks. Sauhki tiks, Dawan Gâdkam ra prisantka baku angki yas. Bara baha tawanka ba baku ban kabia, kli raya paskbia apia.

Kli Smalkanka 3:11

(King Og baman sika, refaíta nani tila wina takaskan ba; krikrika ba ayan ni paskan, 6 pît bîla yahpika, yarika 14 pît, witin nani kulkanka praiska yawan baha kaikaia Amón tawanka, Rabá ra.)

Jasua 17:11

Manasés sin naha tasbaya nani brin Isacar bara Aser tasbaya nani ra, kumi bani tawan sirpi nani ai lamara bri ba aikuki: Bet-seán, Ibleam, Dor, Endor, Taanac bara Meguido, bara il nani yumhpa ba sin.

Jasua 17:16

Bara witin nani ra win: —Kasak sa, naha ilka nani na sip wan alkras. Sakuna Kenan uplika nani twi ra iwi ba ayan waginka nani brisa, baku sin Bet-seán ra iwi nani ba bara Jezreel tawanka sirpi nani langnika ra iwi nani ba sin.