Jirimaya 49:10 - DAWAN BÎLA AISKA

¹⁰ Sakuna Isau diara bri kan ba sut yang âpu pali daukri, yukuwaika nani ba pura baikri, nanara kli sip yukuwi kabia apia. Ai luhpia nani, ai taya nani, ai lamara iwi nani ba, sut âpu daukan; upla kumi sin raya apia kan aisaia:

Jirimaya 49:10 ပူးပေါင်းရင်းမြစ်များ

Lawana Nani 37:28

Dawan kasakka lâka ba latwan kaikisa, ai uplika kasak nani ba sin lulki swiras; sakuna watawikira nani ba sauhki tikisa, bara ai masraka nani sin sut âpu daukisa.

Aiseya 17:14

Tutni piua ra, kaiks kupia turbaia lâka baman kabia, sakuna kau yu baiwras ba ra, waihla ba ban bâra âpu sa. Naha sika wan taibi bri nani ba, wan dukia nani dakbi bri ba sin, witin nani rau wan sauhki ba lap tiwbia.

Aiseya 45:3

Dukia kukan yukukan nani ba man ra maikamni, yuyaka yukuwan ra main kaiki bri ba sin, baku man kaikaia sip kama yang sika Dawan sna, Israel Gâdka, ninam mâki mai win ba.

Jirimaya 13:26

Yang sin sut susu mai daukaisna upla mawanra mai swiaisna swiram takaia.

Jirimaya 23:24

¿Ya sip sa yang kaikisna ba wina yukuwaia? Kasbrika purara tasba ani anira ra sin yang bâra sna. Yang, Dawan, kasak aisisna.

Inanka Nani 4:22

Man klalkam ba danh takan sa, Saion tawanka, Dawan ba kli tasbayam wina priskan lâka ra mai blîkbia apia. Sakuna saurkam ra klala yabia, Edom tawanka, bara saurkam sut ba param ra sakan kabia.

Emus 9:3

Witin nani Carmelo ilka bahna ra uli yukuwi kabia kra sin, yang wih bâra ban pliki saki alkamna; kabu tihuka mununhtara dimi wabia yang kaikamna apia wisi, bara bahara yukuwi kabia sin, bahara kabu daiwra tara blikrika, witin nani ra langki pibia.

Abdías 1:6

¡Isau, nahki pali dukiam nani ba baku aihwa implikan! ¡Dukiam kukanka nani kata ba, titikbi implikan ba!

Abdías 1:9

Temán ra war aiklaklabra nani bâra ba sibrin mita tatatwi kabia. Isau ilka nani tilara upla kumi sin raya kabia apia.