Jirimaya 48:28 - DAWAN BÎLA AISKA

²⁸ Moab uplika nani, tawankam nani swih plaps; butku nani baku, walpa tara nani ra iwaia was, walpa unta ra wamtla mâks.

Jirimaya 48:28 ပူးပေါင်းရင်းမြစ်များ

Blasi Sturka 8:12

Bara kau ban kli lapta 7 bîla kaikan, ningkara butku ba kli blikan wan, witin wan ba wina kli tawi balras kata.

Yamni Kulki Lawana 2:14

“Butkuki mairin, walpa unta nani ra yukuwisma ba, unta twakni, bara dihwi nani yukuwaika ra, aikrika mamwan ba kaikamni, aikrika bîlam baikra walamni. Kan man mamwan kaikaia ba, yamni pali sa bamna, ¡bîlam baikra walaia sin damni pali sa!”

Aiseya 2:19

Dawan bal tasba aiska na sirang ikbia, bara walpa tara baiwanka nani ra upla nani ba dimbia, tasba untika nani ra sin; sibrinkira Dawan mawan wina yukuwbia, ai mawan ingnika ba wina sin.

Jirimaya 48:9

Moab ba sauhki tikaisa bara baha luki walpaya swis, sauhki tikan kabia bamna; tawanka tara nani ba slingban kabia bara upla bâra takaski kabia apia.”

Jirimaya 49:16

Kupiam prautka mita kunin mai munan, upla ra sirang tara ikaia daukisma. Walpa tara nani untika ra dimisma, il nani bahna ra sin bâra sma. Yakal tara baku wamtla bahara mâki kama sin, baha wina mâyara mai batakamna. Yang, Dawan, kasak aisisna.

Jirimaya 49:8

¡Dedán uplika nani, taki plapi banhs, man nani yukuwaia was! Kan Isau uplika nani ba yang sauhkaia sna; witin nani ra klala yabaia yua ba aimakan.

Wihta Nani 6:2

Madián uplika nani ba Israel luhpia nani ra piua bani kau karna taibi kan, bara naha nani Madián uplika nani sibrinka ba mita yukuwaia watla il nani ra, walpa unta nani ra, plis saura nani ra, baha nani sip wih dimi alkaia apia ba untika nani ra ai watla nani ba dauki brin.

1 Samuil 13:6

Israel nanara ai dara walan witin nani ra karna pali dihbuya ba, kan filisteo nani aula witin nani ra aiklabaia, bara witin nani yukuwaia kan tasba kwalhni nani ra, tasba unta nani ra, walpa unta nani ra, tasba baikan ra, liwanhta nani ra sin.