Jirimaya 48:27 - DAWAN BÎLA AISKA

²⁷ Moab, ¿Israel ba âimplikra kum baku, saura kaiki kabia piua bani ra lawaska kiki kapram apia?

Jirimaya 48:27 ပူးပေါင်းရင်းမြစ်များ

Job 16:4

Man nani ba yang waitlika ra katma kaka, yang sin man nani aisisma baku aisamna; laila na nikbi, lawaska kikan lâka bîla nani ni, lî aubra baku mai aisaia kapri.

Lawana Nani 44:13

Laimara iwi nani ra yaram, yang nani ra laihtubisa; yang nani kir iwi nani ra yaram laiwaska kiki bahki pali ai kulkisa.

Lawana Nani 64:8

bara witin nani ai aisinka ba mita kauhbia bara ya ya kabia, witin nani ra kaiki ai lawaska kikbia.

Lawana Nani 79:4

Wan lamara iwi uplika nani ba, yang nani laiwaska kikisa, wan tnaya kir iwi nani ba sin kikisa.

Jirimaya 18:16

Baku witin nani ai kuntrika ba upla iwras tasbaya daukan, piu sut sirang wan iki pliska takan. Upla bahak lui auya ba sut sirang iwi ai lal wauhisa.

Jirimaya 2:26

“Âimplikra pura baikan piua ra ai swira bri ba baku, Israel ba baku swira takan kabia, upla nani ba, king nani ba, wihta nani ba, prîs nani ba, prapit nani ba sut;

Inanka Nani 1:12

¡Man nani, yabalku auma ba, wiria takaski luki kaiks, sari lâka wala yang sairka na baku bâra sa sapa, ai munan pât wahwisna na! ¡Dawan bui naha pât wahwanka ai blikan, ai kupia baiwanka lapta pali taki piua ra!

Inanka Nani 1:7

Jerusalem ai kupia kraukisa baha yua nani kata ba, yakan bâra takaskan bara sari baman kan; ai kupia ra lukisa nahki yuyaka ailal bri kata ba dukiara piua luan nani ra; ai kupia kraukisa waihla nani mihta ra kauhan piua ra, bara upla kumi sin waras kan hilp munaia, ai waihla nani kaikan bara lawaska kikan ai kauhanka ba dukiara.

Isikiel 25:8

“Yang Dawan sna ba, naku wisni: Moab bara Seír nani wisa, Juda ba nisan nani wala wal baku sa.

Isikiel 35:15

Man lilia takram Israel mita kuntri wala nani dakbi ai dukia bri kan ba sauhkan ba ra, sakuna man nani ra sin baku takbia: Man upla iwras tasbaya takma, Seír ilka, Edom kuntrika. Baha ningkara ai dara wali banhbia yang sika Dawan sna ba.’

Isikiel 36:2

Yang Dawan sna ba, naku wisni: Israel waihla nani ba ai dara walisa ban kaia ilka bîla nani ba dawanka takan.

Isikiel 36:4

Baku bamna, Israel ilka tara nani, il sirpi nani Dawan aisi ba wals, awala nani bara il bîla nani ra sin; sauhki tikan Israel tawanka upla iwras tasbaya takan ba, witin nani lamara iwi nani ba mita Israel ra implikan ba, bara lawaska kikan ra tawan nani ba.

Sofonías 2:10

Moab bara Amón wal sika naha ai mana bribia, Dawan uplika nani ra swira daukan bamna, bara Dawan uplika hilpka wal tara takan bamna, Dawan karnika aiska bri ba.

Sofonías 2:8

Karnika sut alki bri Dawanka, Israel Gâdka ba, naku aisisa: “Moab uplika nani mita upla nani swira dauki kan ba walri. Amón uplika nani mita sin saura muni kan ba kaiki, witin nani upliki nani ra swira daukan, upliki nani tasbaya ra iwi, witin nani tara takan. Yang raya ban sna bamna swer taki aisisna: Sodoma uplika ra dîa takan ba baku, Moab ra takaia, Amón uplika nani ra sin, Gomora ra dîa takan ba baku takbia. Kiaya nani pâwaika langnika bara sâl sakaia tasbaya sin takbia; plis kum ban kaia ra yakan takaskaia ba. Upliki nani pruras swak takan kabia nani ba, bal dukia nani ba brih, bâra ai tasbaya ra iwbia.”

Matiu 26:55

Bara Jisas bui uplika nani ra win: —¿Yang na âimplikra kapri kan baku, man nani sord bara dus nani brih bal takram ki? Yu bani man nani tilamra tempel ra iwi smalki kapri, bara ai alki ai priskras katma.

Matiu 27:38

Âimplikra wâl sin witin wal dus ra saban kan, kum ba ai aihkika ra, wala ba ai smihka ra.

Matiu 7:2

Man nani upla wala nani lâka aisi daukisma ba baku, witin lâmka aisi daukbia, bara uplikam ra dîa kulkaika ni kulkisma ba, baha sim kulkaika ba ni Gâd mita mai kulkan kabia.