Jirimaya 48:26 - DAWAN BÎLA AISKA

²⁶ Man nani Moab ba yas bla takbia, kan Dawan mapara buan ba tâwan. Baku bamna Moab ba witin aikabi baha ra karwi kabia bara upla sut witin ai lawaska kikbia.

Jirimaya 48:26 ပူးပေါင်းရင်းမြစ်များ

Job 15:25

Gâd mapara ai mihta buki uplika nani mapara baku takisa, ya ai kupia lukras kira Gâd karnakira ba mapara buisa kaka.

Job 9:4

Gâd ba tara pali sa karna kaia lâka mapa ra, bara sins lâka mapa ra sin, ¿bamna ya sip sa witin mapara aiklabi pura lui si pri kaia?

Lawana Nani 2:4

Dawan, kasbrika purara ai iwaika ba wina, witin nani ra lawaska kikisa;

Lawana Nani 59:8

Sakuna, Dawan, man bui witin nani ra kaiki kikisma; man mita baha idanka nani ba lawaska kikisma.

Lawana Nani 60:3

Man uplikam nani ra pât saura yaram sa, baku sin wain diaia yaram, wan sinska aihka takan sa.

Lawana Nani 75:8

Dawan ai lawanka tara kapka ba ai mihta ra brisa, wain miks munan piawi ba. Baha wainka ba tasba ra laikbia ba ra, watawi dadaukra nani sut tasba ra iwi ba baha laya tahwi ba sut pali dibia.

Impakan Sturka 5:2

Sakuna king fero aisi pana win: —¿Bara ‘Dawan ba’ yamna? ¿Bara dîa muni yang bui witin ai bîla wali Israel luhpia nani ba swirka taki wabia? Baha purkara, yang sin Dawan ba kakaira apia. Bamna Israel luhpia nani ba swirka taki wabia apia.

Impakan Sturka 9:17

Baha sut daukisna, sakuna man ban upliki nani ba mapara buisma, alki takaski brisma yaram taki waras.

Aiseya 10:15

¿Sakuna, sip sa ki asa ba lukaia witin ba kau tara sa baha uplika witin ra alki bri klaki ba wal? ¿Sâ ba witin kau tara sa ai dara walaia sip sa ki upla witin ra nikbi ba wal? ¡Kîn ba, dus kum sa, bara witin mita sip sa ki upla buki brih waia!

Aiseya 19:14

Dawan mita spiritka ba aihka munan, kupia turbanka baman takan tanis tiwaia daukan witin nani ai tila kat, bara witin nani Idsip ba aimawahkan, kunin munan yabalka bâk brih auya, bla kum aikabi, pirwi ba baku.

Aiseya 28:8

Ai tibilka purara aikaban tâskika wan âuya warbisa bara pliska kum sin klin âpu sa.

Aiseya 29:9

¡Man nani lamla karna bas, diara walras! ¡Man nani blain ban bas, diara kumi sin kaikras! ¡Wain di bla takram ba baku pirwi bas, ban kra wain piawi takan ba diras kama sin!

Aiseya 51:17

¡Rawi bus! ¡Rawi bus! ¡Jerusalem, rawi bus! Dawan klalka ba wauhram, kupia baiwanka kapka ba diram, man ban bla takram ba kat.

Aiseya 63:6

Bara yang kupi baiwanka ni upla nani ba mini ra taibri, witin nani ba yang lawanki ni sauhki tikri, bara ai tâlia ba tasba ra laikri, yabal ra sin yâri laiwi kan.

Jirimaya 48:39

¡Man nani Moab pura mata ini banhs! ¡Sibrin tara daukisa! Swira tara takan ai nina tawi wan ai lamara iwi nani ba sut nakra ya pain apia, saura kaikisa.

Jirimaya 48:42

Moab nisanka ba tiwbia, kasak maipara buan, Dawan mapara buan bamna.

Jirimaya 50:29

“¡Pantamangka lalukra nani sut paiws, witin nani Babilon wal aiklabaia! ¡Tawan tara ba kir kutbi banhs, upla kumi sin plapi takaia apia! ¡Witin nani ra aibaps ai mana dîa briaia ba! ¡Witin nani dîa daukan ba baku witin ra dauks! Witin bui yang ra ai kulkras aisin, Dawan ra, Israel Gâdka holikira ba.

Jirimaya 51:39

Witin nani ra lapta mita ami kabia ba ra, diara diaia yabamna ba witin nani di bla takaia bara sinska ba tikaia. Baku witin nani yapbia ba kli bubia apia, kli sin kupia krawbia apia. Yang, Dawan, kasak aisisna.

Jirimaya 51:57

King, Dawan karnika sut bri ba, kasak aisisa: “Babilon wihta nani ba yarka bla takbia, sinskira nani bâra ba, wihta tara nani ba, suldiar wihtka nani ba, suldiarka nani ba sin. Baku witin nani yapbia ba kli bubia apia bara kli sin kupia krawbia apia.

Jirimaya 51:7

Babilon ba yang mihti ra gul kapka kum baku kan, tasba aiska ba baha wina yan di bla taki kan. Nisan nani baha wainka ba di sinska tiwi kan.

Inanka Nani 1:21

Inanki nani ba upla nani walisa, sakuna upla kumi sin âpu sa maisi nihkaia. Waihli nani sut, yang pât wahwanki ba nu sa, bara witin nani lilia takisa man baha daukram ba. ¡Baha yua dukiara maisa pakram ba yas balbia, bara yang ra takan ba baku yas witin nani ra sin takbia!

Inanka Nani 3:15

Dawan mita tahpla lâka ni ai banhkan sa; baha laya aikan ba sin tahpla pali kan.

Inanka Nani 4:21

¡Edom nisanka nani, kiki bas; Us tasbaya ra man king aimakisma ba! ¡Dîa tahpla diaia ba man ra sin balbia, bara man bla taki kwala luha takma!

Daniel 11:36

‘Yahbra tani kingka diara sut ba daukbia, witin ai brinka ba kat. Baha ba aimayunanka saura witin lukisa ba gâd nani sut purkara sa, Gâd kasakkira ba mapara saura pali ba aisabia, bara diara sut ba ai mapara yamni takbia, Gâd mita klala blîkbia ba kat; kan Gâd lika dîa daukaia luki ba kat daukbia sa.

Daniel 5:23

Kau ni mapara sma, man king, Gâd Laih Purara iwi ba lawaska kikram sa, tibilkam ra brih balbia paiwram baha kapka sirpi nani bara tara nani Dawan watla ra bri kan ba; bara paiwram uplika nani wal bahara wain laiki dih banhram dawankam nani ra mayunra yaram baha nani gul, silbar, bras, ayan, dus bara walpa ni paskan ba, baha gâd nani sip kaikras, sip walras, bara diara sin tânka briras pali ba. Man mayunras kapram, baha Gâd mihta ra rayakam ba bâra sa, witin mihta ra sa man yabalkam nani sut ba sin.

Daniel 8:10

Tara pali pâwan ba mita, kasbrika purara war aiklaklabra nani ba kat uli wan, slilma nani ba wina tila bataki, ai mina ni taiban,

Nahum 3:11

Man ra sin mai munka bla takma; lamla ba sriman tara man takbia ba ra, waihlam nani aula ba mawan wina yukuwaia wisi, yukuwaia pliska ra dimi yukuwi kama.

Abakuk 2:16

Baha daukram ba tâka mita, yamni mai kulkan kan lâka ba swiram mai daukaia lâka ra tawbia, bamna Dawan ai kupia baiwanka kapka ba maikka dima; bara mamrikbia man kupiam ra Dawan lâka âpu sma ba, pramna maikan kan ba mai kulkanka âpu lâka ra tawbia.

2 Tesalonaika 2:4

Naha sika waihla kum, diara sut Gâd nina bri ba mapara bûi ba, baku sin pura suni mayunaia tânka bri ba mapara buisa. Bara ban sin Gâd tempelka ra dimi iwisa, Gâd kan baku, bara witin pali ba Gâd wisa.

Param Marikanka 16:19

Tawan tara ba baikanka yumhpa ra kriwan, bara tasba aiska tawanka nani ba sut kauhan. Babilon tawanka tara ba dukiara Gâd ai kupia kraukan, ai kupia baiwanka tara wainka laya blikan ba yaka lanhkaia dukiara.