Jirimaya 48:14 - DAWAN BÎLA AISKA

¹⁴ “Moab aisabiara: ‘Yang nani tahplu nani, aiklaklabra nani karna sna.’

Jirimaya 48:14 ပူးပေါင်းရင်းမြစ်များ

Lawana Nani 11:1

Dawan ra yukuwaiki plikisni; nahki kan man nani bui yang ra ai wisma: “Il nani ra was, tnawira nani baku.

Lawana Nani 33:16

King kumi sin âpu sa, upla aiklaklabra nani ailal ba karnika mita swaki sakaia, kupia karnakira ba sin ai karnika bri mita ai wîna swaki sakras sa.

Smasmalkra 9:11

Naha tasba ra kau diara kaikri: plaplapra nani ba sika plapi pura luras ba, baku sin kupia karnira nani ba war ra pura luras ba, ban sin sinskira nani piu bani ra plun ba briras sa, bara sinskira nani sut yuyakira apia, bara diara tânka brabrira nani ra sin yamni briras; kumi bani ba ai piua sirpi kumi ra yamnika lâka brisa.

Aiseya 10:13

Asiria kingka ba aisin: “Yang karniki ni baha sut daukri; yang sinskira sna, baha nani daukaia ba yang luki kaikri. Nisan nani tasbaya piarkika ba yang mita wala daukri, ai dukia kukanka nani ba sin dakbi briri, âu, yang waitna kum kupi karna, king nani bâra iwi kan ba bataki slingbi tikri.

Aiseya 10:16

Baha baku, Dawan karnika sut bri ba mita wîna karnakira nani ba karnika âpu dauki swibia, rihka ba pauta klauhi baha wîna ba ami kaia.

Aiseya 16:6

Yawan kakaira sa Moab prautka lâka ba, ai prautka lâka ba tara pali sa, ai wîna tara kulkanka brisa, ai nakra prautka nani bara sin bahki sturi aisi ba.

Jirimaya 49:16

Kupiam prautka mita kunin mai munan, upla ra sirang tara ikaia daukisma. Walpa tara nani untika ra dimisma, il nani bahna ra sin bâra sma. Yakal tara baku wamtla bahara mâki kama sin, baha wina mâyara mai batakamna. Yang, Dawan, kasak aisisna.

Jirimaya 8:8

¿Nahki man nani wiaia sip sma diara tânka brabrira nani sma, Dawan lâka ba sin brisma? ¡Sturi âiulbra nani ba, daiwan tnawa ba buski kunin baman ulban!

Jirimaya 9:23

Dawan aisisa: “Sinskira ba sinskira sa wisi aimayuni kabiara, karnakira ba ai karnika bri ba dukiara sin apia, yuyakira ba sin diara bri ba wisi aimayuni kabiara.

Isikiel 30:6

‘Dawan ba naku wisa: Ya Idsip ra tâ baikbia ba sut prui banhbia war ra, Migdol wina, Asuán kat. Idsip ai karnika dukiara ai mayunanka ba, swira lâka takan kabia. Yang, Dawan, yang baku aisisni.’

Sofonías 2:10

Moab bara Amón wal sika naha ai mana bribia, Dawan uplika nani ra swira daukan bamna, bara Dawan uplika hilpka wal tara takan bamna, Dawan karnika aiska bri ba.