Jirimaya 48:12 - DAWAN BÎLA AISKA

¹² Sakuna Dawan baha kasak aisisa: “Nanara baha yua ba aula, upla nani blikamna baha wainka ba batil wala nani ra laikaia, bara batilka bîla man takuya kriki yuya man daukbia.

Jirimaya 48:12 ပူးပေါင်းရင်းမြစ်များ

Lawana Nani 2:9

Man king nani ba, ayan lâka klalka ni krikma; ¡man bui witin nani ba sumi baku kriki yuya man daukma!”

Aiseya 16:2

Tnawira sirang iwi ai watla wina taki pâli ba baku, Moab luhpia mairin nani sin taki plapbia Arnón tingnika luaika ra.

Aiseya 30:14

Man nani ba sumi dakawa kriki baku mai krikan kabia, kriki yuya lupia baman taki ba baku takma, kau pîska kumi pan sâkbia apia pauta aswan mangki utla wina bri balaia, apia kaka liwanhta wina lî sakaika pan briaia.”

Jirimaya 14:3

Yuyakira nani albika nani ba lî panhkaia laihura blikisa; lî watla tara nani ra witin nani auya, sakuna lî sakras ai mihta ra, lî watla nani ba bîla man kli tawi aula. Kunin munan swira tara takan, ai lal pura biki tawi aula.

Jirimaya 19:10

“Baha sut wina ningkara, upla nani man wal bâra mai kaiki kabia ba mawanra, sumikam ba brih ki yuya sirpi dauks,

Jirimaya 25:34

¡Sepad nani, man nani karna wins! ¡Latwan mita inan nani karna wins! ¡Man nani sîp daknika tâ brisma ba, tasba ra aikarwi banhs! Iki tikaia piua ba nanara bal aimakan bara man nani mai ikan kabia sîp wainhka batanira nani baku.

Jirimaya 25:9

Nabucodonosor yang warkki dadaukra Babilon kingka ba, yahbra tani uplika nani ba sut balaia paiwisna, witin nani bal naha kuntrika ra upla nani sut iwi ba, nisan nani sut lamara ba wal iwi nani ba mapara sin. Witin nani ba sauhki âpu pali aiklabaia daukaisna. Baha nani ba sut sauhki âpu daukaisna. Baku sauhkan ban kaia swiaisna, sirang wan iki bara sibrin wan dingki kaia.

Jirimaya 48:11

Moab ba piu sut ai kupia kumi iwisa, priski tasba wala ra brih waras sa. Wain laiki swin bâra ba baku sa, batil kum wina batil wala ra laikras, baha mita kîa ba damnika ba aiska ban sa.

Jirimaya 48:13

Bara Moab ai dara walbia ai gâdka Quemós ba tâwan sika witin ra impliki bîla kaikanka âpu dauki ba, Israel sin daukan Betel ra baman kasak luki kan ba tâwan witin ra impliki bîla kaikanka âpu daukan.

Jirimaya 48:15

Moab bara tawanka nani sasauhkra ba pat aula; wahmika kau painkira nani ba prubia. King ba kasak aisisa, witin ai nina ba sika Dawan karnika sut bri ba.

Jirimaya 48:38

“Moab utla bahna latara iwaia pliska bani ra, tawan yabalka nani sut ra upla ini yahwi ba walisa, kan Moab ba kriki pîs lupia daukri bamna, lî watla saura kan krikan baku. Yang, Dawan, kasak aisisna.”

Jirimaya 48:8

Tawan tara nani sut ba sauhki tikan kabia, kumi sin swak takbia apia; il bîla ba langnika nani ba sut sauhkan kabia. Yang, Dawan, kasak aisisna.

Nahum 2:2

Kan Dawan bui Jekob aimayunanka ba kli paski karna daukaisa. Israel aimayunanka ba sin blasi bri kata ba baku kan, ai waihla nani ba ai dukia nani bri kata ba implikras kan piua ra, baha ningkara sim wain kiwka ra mâ nani sut dakbi daukan kata ba baku swibia.