Jirimaya 47:3 - DAWAN BÎLA AISKA

³ Aras nani plapi ba walbia, wagin nani taya binka ba wilwaika nani pruki ba binka sin, aisika nani karnika âpu takbia, ai luhpia nani ba lulki swibia.

Jirimaya 47:3 ပူးပေါင်းရင်းမြစ်များ

Aiseya 5:28

Ai trisbaika nani ba, mala pali kabia, pantamangkika nani ba sin pamni bulkan kabia, Araska sûska nani ba karna walpa baku kabia, waginka nani ba wilwaika wilwi tawisa, pâsa pulaika baku;

Jirimaya 46:9

“¡Aras nani ba yas taki wabia! ¡Wagin nani ba yas plapbia! ¡Aiklaklabra nani ba mahka wapbia: suldiar nani Etiopía wina Libia wina, ai kaina kahbaika nani dimisa; Lidia wina suldiar nani, pantamangka lalulkra nani ba!

Jirimaya 50:42

Trisbaya nani langsa nani brisa; upla krakraka nani, upla ra umpira kaikras, winanka nani ba baku bin tara dauki baku sa, aras nani ra uli impakisa. Witin nani ridi pali sa Babilon mapara aiklabaia.

Jirimaya 8:16

¡Wan waihla ba pat aula! ¡Laih Dan ba wina araska nani kakma praukbi ba walisa! Araska nani ba ihbi bara tasba aiska nikbisa. Witin nani aula kuntri na bara yuyaka nani ba sut sauhki tikaia, tawanka tara nani, uplika nani bahara iwi nani sut sin.”

Isikiel 23:24

mampara balbia; wagin nani ailal bara suldiar kwâra tara; plis sât sât wina bal mai kutbia; bara ai lal prakaika bara kaina kahbaia sin, yang mita raitka yabamni lâmka daukaia, bara witin nani lâmka daukbia dîa ai lâka natka ba kat.

Nahum 2:4

Ninibi suldiar waginka nani ba, tawan yabalka nani ra, tnaya kumi wina tnaya wala kat plapi luisa, sin lamp angkan klauhi ba baku, imyula lipi ba baku.

Nahum 2:8

Lî watla tara baiwan wina lî karna plapi ba baku, Ninibi uplika nani ba taki plapi kan. “¡Takaski banhs! ¡Kli tawi bal!” upla bui wini kan, sakuna kumi sin tawi balras kata.

Param Marikanka 9:9

Ai wîna tara nani ra ayan ni daukan prâka nani baku ni dingkan kan, bara ai tnawa nani binka ba lika, wagin ailal aras nani raski war ra brih plapi dimuya binka baku.

Wihta Nani 5:22

“¡Aras nani sûska ba wina bin nani takisa! ¡Aras karnakira nani karna plapi ba mita tasba ra isti ai mina ra taibisa!