Jirimaya 46:2 - DAWAN BÎLA AISKA

² Witin ai bîla blikan ba sika Idsip dukiara aisaia, baku sin king fero Necao Idsip kingka aiklaklabrika nani ra dîa takan ba, Necao Carquemis ra iwi kan Éufrates awala lamara, baha piua Joaquim, Josías luhpia waitna Juda kingka ba pat mani walhwal king kan, Nabucodonosor Babilon kingka ba bal aiklabi pura lui batakan:

Jirimaya 46:2 ပူးပေါင်းရင်းမြစ်များ

2 King Nani 18:21

Yang kaikisna man ba Idsip uplika nani ra tniwisma. Baha pain, Idsip ba kayu taiban yuya baku sa, bahara tniwisma ba, ya bahara tniwi ba ai mihta bâk silak dimi mâ walak lubia. Baha sika king fero Idsip kingka, ya uplika nani witin ra kasak lukbia kaka, baku takbia.

2 King Nani 23:29

Witin piua ra king fero, Necao, Idsip kingka ba, Éufrates awalka kat balan Asiria kingka ra tâ baikaia dukiara. Bara ai mapara king Josías ba aiklabaia balan, sakuna Necao bui Meguido kat kaikan bara bahara witin ba ikan.

2 King Nani 23:33

Bara king fero Idsip kingka Necao mita, Riblá Hamat tasbaika ba kat alki, silak ra mangkan, ban kra Jerusalem ra king aimakbia kra sîa, bara ai tasbaya ba ra taibi munan lal mana silbar mâ 7,500 paun bara gul 75 paun aibapan.

2 King Nani 24:7

Baha piua nani wina, Idsip kingka ba kli ai tasbaya wina takras kata, kan Babilon kingka ba bui pura luan bara diara nani bri kan ba sut dakban kata, Idsip tingnika ba wina, laih Éufrates awalka ba kat.

Aiseya 10:9

Yang maipara wal kumi sa, Calné tawanka ba wihki Carquemis, Hamat ba Arpad wal baku sa, ba wal bara Sameria ba sin Damaskus wal baku sa.

Aiseya 19:1

Idsip mapara dahra aisin ba: Man nani kaiks Dawan ba kasbrika karna plapi ba kum ra uli: Witin Idsip ra aula. Idsip aidulka nani sut witin ai mawanra tatatwisa, Idsip uplika nani ba, kupia dring sirang sa, ai tila kat.

Aiseya 19:19

Baha yua ra Idsip tasbaya lila kat Dawan dukia altar kum daukbia, kuntri tasbaya piarkika ba kat walpa tara kum paskbia Dawan ra pain kulkan lâka yabaia.

Jirimaya 25:1

Mani walhwal Joaquim Josías luhpia waitna ba Juda ra king kan ba piua ra, Dawan ba Jirimaya ra balan bara naha bîla na witin ra win Juda uplika nani dukiara. Baha piua Nabucodonosor lika mani kumi baman Babilon kingka aimaki kan.

Jirimaya 25:19

Baku sin king fero Idsip kingka ra sin yabri din, wihta tara nani pura kakaira nani ra sin, uplika nani sut ra sin yabri din,

Jirimaya 25:9

Nabucodonosor yang warkki dadaukra Babilon kingka ba, yahbra tani uplika nani ba sut balaia paiwisna, witin nani bal naha kuntrika ra upla nani sut iwi ba, nisan nani sut lamara ba wal iwi nani ba mapara sin. Witin nani ba sauhki âpu pali aiklabaia daukaisna. Baha nani ba sut sauhki âpu daukaisna. Baku sauhkan ban kaia swiaisna, sirang wan iki bara sibrin wan dingki kaia.

Jirimaya 36:1

Joaquim, Josías luhpia waitna ba, pat mani walhwal Juda ra king kan ba piua ra, Dawan Jirimaya ra aisin, bara win:

Jirimaya 43:11

Witin balbia Idsip kuntrika ba sauhki tikbia. Prubia win, uplika nani ba prubia; priski brih wabia win uplika nani ba priski brih wabia; war ra prubia win uplika nani ba sin, war ra prubia.

Jirimaya 45:1

Joaquim, Josías luhpia waitna Juda kingka ba, mani walhwal king kan ba piua ra sika, Jirimaya dahra aisin Baruc Neria luhpia waitna ulban ba, bara Jirimaya Baruc ra naku win:

Jirimaya 46:14

“Man nani Idsip ra maisa paks, Migdol, Menfis, Tafnes nani ra sin: ‘¡Aihwaki bas, man nani ridi bas! ¡Sord ba ai kaina kir langki aula!’