Jirimaya 43:2 - DAWAN BÎLA AISKA

² Azarías Hosaías luhpia, Johanán Caréah luhpia, waitna wala nani sin praut lâka bri nani ba, Jirimaya ra win: “¡Man aisisma ba kunin! Dawan wan Gâdka mai wiras ai wiaia yang nani Idsip ra wih iwaia apia.

Jirimaya 43:2 ပူးပေါင်းရင်းမြစ်များ

Blasi Sturka 19:14

Bara Lot wan, ai luhpia mairin nani briaia, makaban waitnika nani ba sut maisa pakan, bara witin nani ra win: —¡Man nani bus, naha tawanka na wina taki was, kan Dawan balan tawanka na sauhki tikaia! Sakuna ai dapna nani ba witin ra sip kasak lukras kan, baha sturka witin nani ra win ba.

2 Kronikas 36:13

Baku sin king Nabucodonosor mapara sin buan, kan witin ra yaban Dawan nina ra swer takan wal ai uplika kaia, bara witin sin ai lukanka karna brin Dawan ra tawaia apia, Israel Gâdka ra.

Lawana Nani 119:21

Trabil babukra nani ra, watawi dadaukra nani ra lawi daukisma. Man lâmka bîla nani briras tnaya ra tawi nani ba.

Lawana Nani 12:3

Dawan, wakia wina, baha nani ba daiks; ai mawan wâl bri nani ba, twisa karna aisi ba,

Lawana Nani 123:4

¡Pât uya pali yang nani wauhri yuyakira nani wan lawaska kiki kan, bara prautkira nani bahki wan kulki lâka ba sin!

Impakan Sturka 5:2

Sakuna king fero aisi pana win: —¿Bara ‘Dawan ba’ yamna? ¿Bara dîa muni yang bui witin ai bîla wali Israel luhpia nani ba swirka taki wabia? Baha purkara, yang sin Dawan ba kakaira apia. Bamna Israel luhpia nani ba swirka taki wabia apia.

Impakan Sturka 9:17

Baha sut daukisna, sakuna man ban upliki nani ba mapara buisma, alki takaski brisma yaram taki waras.

Sins Lâka 16:5

Kupia praut uplika nani ba Dawan bui saura pali kulkisa, naiwa, yauhka kabia pat pali klala bribia.

Sins Lâka 30:9

Kan yang brinki ba pura lui brimna kaka, bara mai kulkras naku mai wimna: “¿Dawan ba ya sa ki?” Apia kra diara luha kamna kaka, upla dukia alkamna bara alkamna ra; Dawanki, ninam sin lahtubi aisamnara sîa.

Sins Lâka 6:17

ai nakra praut lâka ra kaiki ba, twisa kunin aisi ba, mihta nani sin tala pâtkas laiki ba,

Sins Lâka 8:13

Dawan ra kulkaia lâka tânka ba lika, saura lâka ra misbara kaikaia ba sika yang misbara kaikisni, praut lâka ba bara tara pulan lâka ba ra sin. Yabal saura ba bara kunin aisaia lâka sut ba saura kaikisni.

Aiseya 7:9

sakuna mani 65 bilara Efraín ba kuntri apia kabia; man nani kasak lukan lâka ra bapi buras sma, man nani minam ba sin bapi bûi kama apia.’ ”

Aiseya 9:8

Dawan ai bîla Israel ra blikan, bara Jekob purara kauhan;

Jirimaya 13:15

¡Israel luhpia nani, Dawan aisin! Man nani prautkira kapara, aisin ba aman wals.

Jirimaya 18:18

Upla nani ba aisin: “Kaisa yawan wark kum daukaia, Jirimaya ba âpu daukaia yawan pri takaia. Prîs nani ba âpu takras ban kabia witin nani wan smalki kaia, sinskira nani lâ wan smalki ba ban kabia, prapit nani Gâd dahra wan aisi ba aisi ban kabia. Kaisa yawan bui witin ba dahra kwahkaia, bara witin ba ikbia. Upla nani aisi ba kumi ra sin yawan walbiara.”

Jirimaya 40:8

bara witin nani ai uplika nani aikuki Mispá ra wan Guedalías kaikaia. Witin nani ai tilara bâra kan: Ismael Netanías luhpia waitna ba; Johanán, Janatan Caréah luhpia waitna nani; Seraías Tanhúmet luhpia waitna ba; Efai Netofá wina luhpia waitna nani ba; Jezanías Maacat wina waitnika luhpia ba bara waitna wala nani sin witin nani aikuki kan ba.

Jirimaya 41:16

Bara Johanán, aiklaklabra wihtka nani ba, ai walka nani aikuki upla nani, suldiar, tuktan, bara upla tara kulkanka bri nani ba sut main kaikan, Mispá ra, Ismael Guedalías ra iki si priski brih auya kan uplika nani ba, baha nani sut kli Johanán mita Gabaón ra brih wan.

Jirimaya 41:18

Caldea uplika nani wina plapi swakwaia, witin nani sibrin dauki kan, kan Babilon kingka mita Guedalías ba wihta tara mangkan baha tasbaya aiska ra, Ismael bal ikan ba mita.

Jirimaya 42:1

Aiklaklabra nani wihtka sut, Johanán Caréah luhpia waitna, Azarías Hosaías luhpia waitna, bara upla sut, sirpi bara tara nani,

Jirimaya 42:20

Man nani mistik saura kum daukisma man nani bal yang ra makabram, yang Dawan Gâdkam ra makabaia, man nani naku ai wiram: ‘Dawan wan Gâdka ra yang nani tâiwan man puram suns, bara witin dîa yang nani ra aisabia ba sut ai wis, baha yang nani daukamna.’

Jirimaya 42:5

Bara witin nani kli Jirimaya ra win: —Dawan Gâdkam ba yang nani maipara witnis kasak wapni kabia, yang nani ra ai wibia witin dîa man ra mai wibia ba yang nani daukras kamna kaka.

Jirimaya 43:1

Dawan, witin nani ai Gâdka, dîa witin nani ra wiaia win ba Jirimaya baha sut witin nani ra win ningkara,

Jirimaya 44:16

—Baha bîla Dawan aisin wisi man bui yang nani ra ai wiram ba walamna apia.

Jems 4:6

Sakuna Gâd ai yamnika mita kau latwan wan kaikisa, kan Ulbanka ra naku wan wisa: “Gâd bui prautkira nani ba mapara buisa, sakuna bawikira nani ra lika ai yamnika ba ni hilp munisa.”

1 Pita 5:5

Baha sim natka ra, man nani wahma nani, almuk nani karnika munhtara bawi bas. Man nani sut kumi bani walkam munhtara bawaia sma; kan Ulbanka ra naku wisa: “Prautkira nani ba Gâd mita batakisa, sakuna bawikira nani ra lika ai yamnika ni buki hilp munisa.”