Jirimaya 43:11 - DAWAN BÎLA AISKA

¹¹ Witin balbia Idsip kuntrika ba sauhki tikbia. Prubia win, uplika nani ba prubia; priski brih wabia win uplika nani ba priski brih wabia; war ra prubia win uplika nani ba sin, war ra prubia.

Jirimaya 43:11 ပူးပေါင်းရင်းမြစ်များ

Job 20:29

Naha sika Gâd mita upla saurakira tanika daukan ba, bamna naha sika witin briaia kabia ba.

Jirimaya 15:2

Bara witin nani maura mamkabi walbia anira waia sa wibia, bara yang mai wisna na man bui witin nani ra wis: ‘Siknis saura alki prubia win uplika nani ba, siknis alki prubia; war ra prubia win uplika nani ba war ra prubia; sanglang dauki prubia win uplika nani ba, sanglang dauki si prubia; tasba wala ra brih wan kabia win uplika nani ba sin, tasba wala ra wabia.’

Jirimaya 25:15

Dawan, Israel Gâdka ba, yang ra ai win: “Naha kapka na kaiks kupi baiwanka wainka banhki na. Man bris bara nisan nani sut ra yas diaia, witin nani diaia blikisna.

Jirimaya 25:19

Baku sin king fero Idsip kingka ra sin yabri din, wihta tara nani pura kakaira nani ra sin, uplika nani sut ra sin yabri din,

Jirimaya 42:22

Baha mita, man nani pain tânka bris war ra, sanglang mita, siknis mita, ani ani kuntrika ra man nani iwma ba bâra pruaia sma.”

Jirimaya 44:12

Bamna yang daukaisna Juda ra takaskan uplika nani ba Idsip ra iwaia wan nani ba, sut pali sauhki âpu daukbia. Sut pali, sirpi lupia nani ba wina tara ba kat, war ra, apia kaka sanglang ra pruaia. Man nani ninam ba lahtuban uplika nani mâkbia, swira daukan upla ra sirang ikaika takma.

Jirimaya 44:13

Idsip ra iwi nani ba klala yabri Jerusalem ra iwi nani ra klala yabamna ba baku, war, sanglang, siknis blikamna.

Isikiel 29:11

Upla bara daiwan sin bâk lubia apia, mani yawanaiska wâl bahara upla sin iwbia apia.

Isikiel 5:12

Man nani wina dakni kum ba, siknis mita bara plun wahwan tâka prubia man nani tilamra; dakni wala kum ba sord ra kauhan kabia, ai lahma nani ai lama kir bâra ba mita; bara daknika yumhpika ba lika tasba aiska ra yakabi lakamna, pâsa mapa walhwal ra. Bara witin nani nina ra sordki mihti ra brih wamna.

Sakaraya 11:9

Bara sîpka nani ra wîri: “¡Yang kli man nani sepadkam aimaki kamna apia! ¡Ya pruaia kaka, prubia si! ¡Âu, upla kum mita ikan kaka, ikbia si! ¡Bara kau pruras nani ba, pana pana ai walka wîna pi kabia!”

Param Marikanka 13:10

“Baha nani silak ra mangkaia kan ba silak ra brih wan kabia; bara ani uplika sord ni ikaia kan ba, sord ni ikan kabia.” Nahara kaikbia Gâd uplika kasakka lukan ba nahki bapi buaia ba sin.