Jirimaya 42:22 - DAWAN BÎLA AISKA

²² Baha mita, man nani pain tânka bris war ra, sanglang mita, siknis mita, ani ani kuntrika ra man nani iwma ba bâra pruaia sma.”

Jirimaya 42:22 ပူးပေါင်းရင်းမြစ်များ

Aiseya 30:3

Sakuna king fero karnika ba man nani ra swira lâka ra mai lakbia, aimawahkanka nani man kabia, Idsip wina hilp nani briaia ba.

Jirimaya 24:10

Witin nani ra war blikamna, sanglang, siknis sin, witin nani ra yabri tasbaya ai damika nani ra sin yabri kan ba tasbaya ra witin nani kumi sin âpu takbia ba kat.”

Jirimaya 42:17

Sakuna man nani walras ban Idsip ra wih iwaia lukisma nani ba sut, bahara war ra siknis ra bara sanglang ra pruma. Upla kumi sin raya kabia apia; pât blikamna ba wina upla kumi sin plapi swak takbia apia.’

Jirimaya 43:11

Witin balbia Idsip kuntrika ba sauhki tikbia. Prubia win, uplika nani ba prubia; priski brih wabia win uplika nani ba priski brih wabia; war ra prubia win uplika nani ba sin, war ra prubia.

Jirimaya 44:12

Bamna yang daukaisna Juda ra takaskan uplika nani ba Idsip ra iwaia wan nani ba, sut pali sauhki âpu daukbia. Sut pali, sirpi lupia nani ba wina tara ba kat, war ra, apia kaka sanglang ra pruaia. Man nani ninam ba lahtuban uplika nani mâkbia, swira daukan upla ra sirang ikaika takma.

Isikiel 33:27

“Bara sin wis: ‘Dawan ba naku wisa: Rayaki wal swer takisni, tawan sauhki tikan nani ra iwi nani ba sin ikan kabia, bara insla ra iwi nani ba yabrika takbia bara daiwan wail nani mita pibia, bara walpa tilara iwi nani ba, siknis wal prubia.

Isikiel 6:11

Dawan bui ai win: “Man mihtam pruki minam tingbi ins; wini ins Israel watawika lâka saura daukan latwanka ba mita, war, plun wahwan bara siknis nani tâka witin prubia.

Isikiel 6:12

Ya laihura nani ba siknis wal prubia, ya pruras lamara ba sord malka ra prubia, ya takaskbia ba, plun wahwan wal prubia. Baku bal aimakbia kupi baiwanka ba.

Oseas 9:6

Witin nani ra sauhki tikan kabia ba wina plapan; Idsip witin nani ba bribia, bara Menfis raitika ra bikan kabia. Silbarka kukanka nani ba purara, inma nani pâwbia, bara ai kiampka ra iwan ba tasbaya ra, kiaya nani pâwbia.