Jirimaya 42:19 - DAWAN BÎLA AISKA

¹⁹ Man nani Idsip ra waras ban Juda ra takaskuma ba, Dawan mai wisa man nani Idsip ra wapara. Pain tânka bris, nanara yang mai wisna.

Jirimaya 42:19 ပူးပေါင်းရင်းမြစ်များ

2 Kronikas 24:19

Ban sakuna, Dawan ai dahra aisasarika nani blikan, kli witin ra tawbia wisi. Sakuna upla nani ba prapit nani smalkan ba walras kata.

Nihimaya 9:26

“Sakuna witin nani man bîlam wali daukras kan, mampara buan, bara man lâmka ba bahki kulkan. Baha purkara, prapitkam nani ba witin nani mita ikan, kan baha nani witin nani ai mapara param aisi kan, bara win ai kupia lakbia, baha tâwan minam prukanka tara dauki kan.

Aiseya 21:12

Bara aihwawakra pana wisa: “Pat ingwaia baila sa, sakuna tihmia ba kli aula. Kli walan mai daukisa kaka kli bal makabi wals.”

Jirimaya 38:21

Dawan bui yang ra mairikan kaikri, king baha nani mihta ra aimakras kabia kaka dîa takaia ba:

Isikiel 17:15

Kuna naha kingka luhpia na, Babilon kingka mapara buan bara kuntri lengstarka nani Idsip ra blikan, aras bara upla ailal nani makabaia. ¿Man nani lukisma ki, baha ningkara pura lubia bara pruras raya mihta wina swakwi takaia? ¿Raya swakwi takaia sip kabia, ai pramiska kat daukras uplika ba?

Isikiel 2:5

Witin nani mai walbia, apia kaka walras kabia sin, ban sakuna ai dahra walbia, piu sut ra prapit kum ai tilara bâra ba.

Isikiel 3:21

Sakuna man, ban waitnika ba ra kupia kraukma kaka, saura daukaia apia dukiara, bara witin saura daukras kabia kaka, witin ban raya kabia smalkram tâka, bara man sin sulkam pri sakram kabia.”

Kulki Kaikanka 14:3

¿Dîa muni Dawan naha tasbaya ra wan brih balan? ¿Yawan aiklabi prubia bara wan maya nani, wan luhpia nani sut sin silak ra kauhaia? ¡Kau yamni sa, yang nani kli Idsip ra tawi waia!”

Apastil Nani Sturka 2:40

Bara Pita lika naha bîla nani aisin na purara, kau kupia kraukanka ailal baha uplika nani ra yabi, naku smalki win: —¡Man nani naha uplika nani tiwan banhwi na tila wina bal taki, swaki sakan lâka ba alks!

Epesus 4:17

Bamna Dawan nina ra, yang naha na taibi pali mai wisna: man nani kli Dawan ra tawras uplika nani baku raya iwi kapara, kan baha nani lika gâdkas nani ba tânka kat baman taukisa,

Kli Smalkanka 17:16

Sakuna baha kingka, aras ailal briaia apia, Idsip ra sin upla kau blikaia apia, aras âiulra kau want kabia tâwan, kan Dawan aisin: ‘Naha yabalka ra kli tawpara.’

Kli Smalkanka 31:21

Sakuna pât saura nani bara sari lâka ai purara balbia piua ra, bara naha lawana na ai mapara witnis baku aiwanbia, kan ai kiamka nani ba kupia krawbia bara aiwanbia. Kan kau naha kuntrika yabaia wîri ba ra dimras kainara, pat kaikri ai lukanka nani anira tniwi ba.”

1 Tesalonaika 4:6

Upla kumi mita sin naha bisniska dukiara ai muihni ra kunin muni tâski lâka daukbiara. Naha dukia na kaina manis wina latan mai wi banhri: Ani uplika nahmuna swakwanka nani daukbia kaka, Dawan mita witin ra klala yabia.