Jirimaya 4:31 - DAWAN BÎLA AISKA

³¹ Saion inanka nani ba, mairin kum aimahsi luhpa baikaia ai mamna lulki ini ba baku; inanka ba walisna, ai klahkla nani ba sakbisa bara aisisa: ‘¡Alai! ¡Diara saura pali yang ra takuya! ¡Upla âikra nani ai ikaia aula!’ ”

Jirimaya 4:31 ပူးပေါင်းရင်းမြစ်များ

Blasi Sturka 27:46

Baha wina witin tawi Aisak ra win: —Isau mairka hitita nani tila wina ai maya brin ba tâka ba mita sika wîni tara na siknis ai daukisa, swapri sa sin. Bara Jekob sin kli hitita mairka wala Kenan ra iwi nani ba tila wina kum wal bribia sa kaka lika, kanra yamni sa yang mahka pruaia.

Job 10:1

¿Naku baman yang ban raya kaia ki? ¡Yang danh swapri! Brukwi aisarika pan, kupi aimakbia kra, kupi tahplika wal param aisisni.

Lawana Nani 120:5

¡Yang umpira, Mésec ra tringsar baku iwisna bamna, Quedar tintka watla nani tilara waitla brisna!

Aiseya 1:15

Man nani puram sunaia mihtam bukisma ba ra, mai kaiki kamna apia; man nani puram sunra ailal aisama sin, yang mai walamna apia. Man nani mihtam nani ba tala baman alkan sa.

Aiseya 13:8

Upla sut sibrin pali dauki kabia. Kupia wirhika sarka tara pali, witin nani ra taibia, mairin luhpa baikaia latwanka alkan ba wina sip swak takras ba baku. Pana pana sirang iwi tawi kaiki kabia, ai swira ba ai mawanra ingwi kabia.

Aiseya 21:3

Yang wîni aiska na sirang iwan sa, latwan ba mita ini tasba ra aikarwi kapri, mairin tuktan baiki latwanka baku, sari ba mita aikan sturi walras, sibrin ba mita aikan sip kaikras.

Aiseya 26:17

Dawan, yang nani mamwanra mairin kwihra baku, ai luhpia baikaia piua ba baila taki bara ai mamna lulkisa, inisa ai wîna latwanka nani tilara, yang nani baha baku sna, Dawan, man mawanra.

Aiseya 42:14

Dawan ba aisisa: “Piu wihka pali bîli praki sâp pali katna, bin daukras katna; sakuna nanara wina bin daukaisna mairin luhpa baikaia ra ini ba baku.

Aiseya 6:5

Bara yang wîri: “¡Alakai yang umpira, yang pruamna! Yang na upla kum uni nani tâski, upla una tâski nani tilara iwisna; bara yang naikra nani karnika sut bri, Dawanka ba kaikri bamna.”

Jirimaya 10:19

—¡Saura pali sna, pat ai slingban nâra sna! ¡Insauhkan nani brisna ba sip rawras! ¡Yang lukri naha latwanka wahwaia sip sna!

Jirimaya 13:21

“Jerusalem, ¿man dîa wima, man mita smalkram uplika nani ba man nani puram wihta aimakbia kaka? Mairin kum luhpa baikaia latwanka bri ba baku latwan kum mai alkbia.

Jirimaya 14:18

Yabal ra taki auna ba ra, war ra upla pruan ba kaikisna; tawan ra bal dimuna ba ra, upla nani sanglang mita pruan nani ba kaikisna. Prapit nani bara prîs nani ba sin kaikisna witin nani kakaira apia ba kuntrika ra auya.’ ”

Jirimaya 15:18

¿Dîa muni latwan nani brisna ba sip dasras ban ba? ¿Dîa muni insauhkan nani brisna ba sip pruras, rakaika nani ba sut mapara bûi ba? Man ba yang maipara lî puputni kunin wan muni ba baku takram sa.

Jirimaya 18:21

¡Sakuna nanara, dauks ai luhpia nani plun bla, apia kaka sord malka ra prubia; ai maya ba piarka takbia bara sin luhpias kabia! ¡Siknis mita ai waitnika nani ba ikbia bara wahmika nani ba war ra aiklabi prubia!

Jirimaya 22:23

Man nanara man wamtla ra âmyapah sma, yalam nani Líbano wina bri balan ba tilara, ¡sakuna pat pali pât wauhma latwan ba bal mai alkbia ba ra, luhpa baikanka latwanka ba!”

Jirimaya 30:6

Man nani makabi wals, waitna kum aisubaia sip sa sapa. ¿Bara dîa muni waitna nani ba latwan bri ai warbisa, luhpa baikaia latwanka bri ba baku? ¿Dîa muni witin nani sut mawan tâlia âpu takan ba?

Jirimaya 45:2

“Baruc, man wisma: ‘¡Yang pât saura ra sna! ¡Dawan mita swiri dauki sairka sin paskan! Yang inan man swapri, maisi nihkra âpu.’ Bamna baha dukiara Dawan naku aisisa,

Jirimaya 48:41

Tawan tara nani bara kan kahbaika pliska nani sin waihla nani bal bribia. Baha yua Moab ra aiklaklabra nani ba mairin luhpa baiki tatatwi ba baku kabia.

Jirimaya 49:22

Waihla ba Bosrá mapara yakal tara ai tnawa ilingki aula ba baku balbia, baha yua Edom aiklaklabra nani ba mairin luhpa baikaia tatatwi ba baku tatatwi kabia.”

Jirimaya 49:24

Damaskus, pat karnika âpu takan, plapaia ridi sa. Sibrin mita witin ra taiban, kupia wirha takan, pât nani taiban, mairin luhpa baikaia ba baku sa.

Jirimaya 50:43

Babilon kingka ba baha sturka walan ba ra, sibrin mita wîna aiska srimisa, sari bri sibrin daukisa mairin luhpa baikaia latwan bri ba baku sa.

Jirimaya 6:2

Saion luhpia mairin ba sin twi tasbaya pranakira kum baku sa, baha ba sauhki tikan kabia,

Inanka Nani 1:17

Saion ba ai mihta nani sakbisa, kuna upla kumi sin âpu sa witin ra ai maisa nihkaia. Dawan mita Jekob mapara taibi muni win kan ai lama kir nani ba, witin ai waihla nani baman kabia; Jerusalem ba witin nani mapara diara saura kulkan lâka kan.

Inanka Nani 1:20

¡Dawan, kaiks yang kupi wirhika na! ¡Laima dusa na baiwaia baku daihra walisni! Kupi ra latwan pali ai taibisa, kiamapara bara mapara babura kapri ba dukiara. Latara lika aiklabaia sordka ba mita yang luhpi nani ra ikisa, bara naha bilara sin prura nâra sa.

Inanka Nani 2:21

Wahma nani bara almuk nani sin, tawan bîla yabalka nani ra pruan prawi nani ba kaikisa; wahmiki nani bara tiariki nani sut, aiklabaia sordka malika wal ikan sa. Man mita witin nani ba ikram kupiam baiwanka yua ra, ¡ikram, umpira kaikras kira!

Oseas 13:13

Israel aisubi takaia piua ba aimakan, kuna tukta waitna skahwa aihwa kum ai wapnika ra aimakaia ba kat sin sip apia sa, aisubi takaia yabalka kat aimakaia.

Miqueas 4:10

Saion tawanka, latwan saura brih ini bas, mairin luhpa baikaia latwanka brih ini baku, kan nanara man nani tawankam wina mai kangbi mai sakuya, bara twi tasbaya ra iwi kama, ban Babilon kat mai brih wabia. Sakuna baha kat pri takma, kan bahara sika Dawan bal waihlam nani mihta wina mai dakbi mai sâkbia.

Miqueas 4:9

Bamna nanara, ¿dîa kan man nani mairin ai luhpia baikaia latwanka brih ini ba baku, ban karna inisma? ¿Man nani tilamra kingkam brisma apia? ¿Apia kaka, lâ uplika nani ba sut pruan sa?

Miqueas 7:1

¡Alai! Upla dus mâ nani sut dakbi brin ba ningkara wala kum bal mâ dakbaia pliki ba baku sna; dus mâ pain pawan nani ba âpu sa, baha mâ nani pin ai dauki kan ba.

Matiu 21:5

“Man nani Saion tawanka ra wis: ‘Kaiks, Kingkam ba man ra aula, bawikira pali, biriku kum purara uli, biriku luhpia sin, baha ba wark daiwra luhpia kum.’ ”

1 Korint 9:16

Swaki sakan sturka aisi smalkaia ba lika, yang maipa ra aimayunaia dukia apia sa, kan yang baha daukaia sna. Sturi yamni ba aisi smalkras sna kaka, yang maipa ra saura pali kabia.

1 Tesalonaika 5:3

Upla nani bila “Diara sut ba sâpkira bara trabil kumi sin âpu sa” aisi kabia ba ra, bâra mika ban wina sauhki tikaia lâka ba witin nani purara balbia. Baha ba lika sim mairin kwihra aisubaia piua aimakan latwanka nani bri ba baku kabia; bara witin nani sip swak takbia apia.