Jirimaya 4:28 - DAWAN BÎLA AISKA

²⁸ Tasbaya ba sari man banhwan kabia, kasbrika pura ba sari mita tihmia takbia. Yang aisari, bamna kli kupi lakamna apia; yang mita daukri, bara kli ninira tawamna apia.

Jirimaya 4:28 ပူးပေါင်းရင်းမြစ်များ

Aiseya 24:4

Tasba ba lâwi bara srawbia, tasba aihka ba lâwbia bara sut srawbia, kasbrika purara bara tasba ra sin, sari lâka baman kabia.

Aiseya 34:4

Bara kasbrika purara slilma nani ba sut sin plapi kabia, sim wauhtaya karbi baku karbia; bara ai lampka nani sut ba ingnika daskbia apia, wain kiwka wina wahia lâwan nani kauhi ba baku, kwah damni dusa wina wahia kauhi ba baku sin.

Aiseya 5:30

Nisanka nani ba baha yua ra kabu binka baku, Israel luhpia nani ra lawi kabia; bara upla kum tasba ra tawi kaikbia ba ra, kaiks tihmia tara man kabia, pât tara nani sin, bara kasbrika purara ingnika ba sut tihmia tara man kabia.

Aiseya 50:3

Kasbrika pura ba tihmia tara sari prâka ni dingkisna, bara ai pura prakaika ba krukus kwalka baku daukisna.”

Jirimaya 12:11

Upla iwras tasbaya bîla man dauki swin, bara yang kaikisna ai pura mata inisa. Kuntrika aiska ba upla iwras tasbaya takan sa, sakuna upla kumi sin baha kaiki trabil taki lukras sa.

Jirimaya 12:4

¿Ahkia kat tasba ba lâwan kabia bara twi tasbaya ra twi nani srawi ban kabia? Daiwan tnawira nani ba pruisa baha kuntrika uplika nani watawika dauki ba tâka, lukisa witin nani dîa dauki ba man aihka kaikras sma.

Jirimaya 14:2

“Juda sari bri inisa, tawanka tara nani sari ba mita, upla nani ba tasba kat prawisa. Jerusalem sin hilp brin dauki wini inisa.

Jirimaya 23:10

Kuntrika na ra maya lâka sasauhkra waitnika nani banhwan, diara saura daukaia plapi tauki uplika nani, karnika yan ba ni saura ba daukisa. Baha tâwan Dawan mita tasbaya ba lahtubisa, bara tasba ba lâwan, twi nani sin upla iwras tasbaya ra kan ba aman.

Jirimaya 23:20

Dawan kupia baiwanka ba takaskbia apia witin dîa daukaia lukan ba daukbia ba kat. Piua balbia ra bara baha man nani mita luki kaikma bara man nani baha diara nani tânka brima.

Jirimaya 30:24

Dawan kupia baiwanka ba takaskbia apia witin dîa daukaia lukan ba daukbia ba kat. Piua balbia ba ra man nani baha tânka brima.

Jirimaya 51:12

¡Man nani Babilon kutban ba slingbaia tukinka ba yas! ¡Aihwawakra kau ailal bris! ¡Tawer ra aihwawakra nani swis! ¡Man nani yabal ra aihwaks! Dawan ridi takan bara witin Babilon mapara dîa daukaia maisa pakan ba witin baha sut daukan.

Jirimaya 7:16

“Jirimaya, man naha uplika nani tâwan aisi puram sunpara, tâwan kau ban aisi kapara. Ai taibi ai aisapara, kan yang mai walamna apia bamna.

Inanka Nani 2:17

Dawan lika witin dîa daukaia lukan ba sut daukan, ai bîla aisan ba kat daukan sa. Umpira kaikras kira sauhki tikan sa, kaina piua wina sauhki tikaia luki kan ba, witin bui yan, waihla nani ba mita lamwaska kikisa, bara waihlam nani karnika ba sin purara bukan.

Isikiel 24:14

Yang, Dawan, wîri bara naku kabia. Yang pali mita daukamna, bara daukras kira swimna apia; umpira kaikamna apia, kupi sin lakamna apia; klala maikamna daukankam saura ba tâwan. Yang, Dawan, kasak aisisna.’ ”

Oseas 13:14

¿Prura tasbaya wina witin nani ba pri sakamna ki? ¿Prura wina witin nani ba swaki sakamna ki?... Prura, ¿anira sa, man karnikam sauhki wan tatikra ba? Prura tasbaya, ¿daukankam saura nani ba anira sa? ¡Naha uplika nani dukiara, kau kupi latwan bri kamna apia!”

Oseas 4:3

Baha daukanka nani ba mita, tasba ra upla nani sari tara brisa; tasba ra iwi nani ba sut karnika âpu takisa; unta ra daiwan nani ba aikuki, daiwan tnawa bri pali nani ba sin, bara inska nani kabu ra ba sin aikuki pruisa.

Joel 1:10

Insla nani bilara diara âpu dauki swin sa, tasba ba kwala siksa dimi sari sa. Plawar mâ nani ba âpu takan, wain nasla ra, wain kiwka nani ba sut lâwan, oliv dusa nani ba sin sut srawan oliv batana laya sin âpu.

Sakaraya 8:14

Dawan, karnika sut bri ba, naku aisisa: “Damikam nani kupi baikan bara klala yabaia lukri ba, kupi lakras ban daukri.

Kulki Kaikanka 23:19

Dawan ba lika upla baku apia sa: witin kunin aisaras, witin dîa lukan ba sip lakras sa. Witin dîa daukaia aisi ba daukisa. Pramis daukan kaka, witin ai pramiska daukaia win ba kat daukisa.

Matiu 27:45

Bara tasba aiska ba tihmu tara takan, yu wan lal kat wina tutni 3 aklak kat.

Mark 15:33

Yu 12 aklak aimakan ba ra, tasba aiska tihmia tara takan, baha ba tutni 3 aklak kat.

Luk 23:44

Yu ba 12 aklak kan ba ra, tihmia iwan tasba aiska ra, ban tutni 3 aklak kat.

Epesus 1:11

Bamna yawan Kraist wal asla takan ba mita, Gâd mita kaina piua wina bâk saki wan brin, diara witin yaia ba wina wan dukia bribia; bara naha sut na lika Gâd bui dîa daukaia lukan ba kat sika, dîa witin pain kaiki ba baman dauki ba.

Epesus 1:9

bara witin ai brinka yukukan ra ba sin wan marikan, baha sika witin Kraist bâk diara sut tnata alkaia luki kan ba.

Hibru Nani 7:21

Sakuna Jisas lika swer taki prîs mangkan sa, kan Ulbanka ra Gâd mita witin ra wisata: “Dawan swer taki aisin, bara witin ai lukanka ba lakbia apia: ‘Man ba ban kaia ra prîs kama.’ ”

Param Marikanka 6:12

Sîp Luhpia ba sîl matlalkahbika ba krikan ba ra, yang kaikri bara tasba nikban tara takan. Lapta ba siksa takan sim sari kwalka siksa baku, bara kati ba pauni pali takan tala baku;

1 Samuil 15:29

Kan Gâd ba sika Israel prana, witin kunin aisaras, kli ai kupia lakras, witin ba upla apia sa kli ai kupia lakaia.