Jirimaya 4:25 - DAWAN BÎLA AISKA

²⁵ Bara kli tawi kaikatna bara upla kum pan sin âpu kan, daiwan tnawira nani ba sin sut pâlan kata.

Jirimaya 4:25 ပူးပေါင်းရင်းမြစ်များ

Jirimaya 12:4

¿Ahkia kat tasba ba lâwan kabia bara twi tasbaya ra twi nani srawi ban kabia? Daiwan tnawira nani ba pruisa baha kuntrika uplika nani watawika dauki ba tâka, lukisa witin nani dîa dauki ba man aihka kaikras sma.

Jirimaya 9:10

“Il nani tilara ini bas, bara mamna sin lulki bas, twi pain pâwi tasbaya pura mata ini aiwani banhs, baha sut angkan, bahak sin upla wapras swin; bîp nani sin âpu uhbaia, daiwan tnawira nani wail nani ba sin sut plapan.

Jirimaya 9:9

¿Baha daukanka nani ba tawi klala yabaia apia sna ki? ¿Tawan kum dîa daukan ba mana, yang kli yabaia apia sna ki? Yang, Dawan, kasak aisisna.

Isikiel 38:20

Kabu inskika nani ba, kasbrika ra piawira nani ba, daiwan wail nani kwasi ba maiwanra tatatbia, baku sin upla tasba ra nani ba sut. Il tara nani ba yakawbia, walpa nani ba kauhbia bara kutbanka nani sut ba tasba ra slingwi yakawbia.

Oseas 4:3

Baha daukanka nani ba mita, tasba ra upla nani sari tara brisa; tasba ra iwi nani ba sut karnika âpu takisa; unta ra daiwan nani ba aikuki, daiwan tnawa bri pali nani ba sin, bara inska nani kabu ra ba sin aikuki pruisa.