Jirimaya 4:23 - DAWAN BÎLA AISKA

²³ Yang tasba ra tawi kaikri bara upla iwras tasbaya daukan kan; kasbrika ra tawi kaikri bara bahara ingni kum sin kaikras katna.

Jirimaya 4:23 ပူးပေါင်းရင်းမြစ်များ

Blasi Sturka 1:2

Tasba ra diara nani ba ai watlika kat apia, bîla baman kan; kabu tihuka tara ra tihmia tara nani baman baha purara kan, bara Gâd spiritka ba lî nani purara tauki kan.

Aiseya 13:10

Baha ba mita slilma nani bara slilma sirpi nani daknika kasbrika purara bâra ba ai ingnika ba sin ingbia apia; lapta ba uli balbia wal baku, tihmu tara iwbia, bara kati ai ingnika ba sin yabia apia.

Aiseya 5:30

Nisanka nani ba baha yua ra kabu binka baku, Israel luhpia nani ra lawi kabia; bara upla kum tasba ra tawi kaikbia ba ra, kaiks tihmia tara man kabia, pât tara nani sin, bara kasbrika purara ingnika ba sut tihmia tara man kabia.

Jirimaya 2:12

¡Kasbrika pura, sirang tara iws naha diara nani taki na sringka! ¡Sibrin tara pali mita tatatwi bas! Yang, Dawan, kasak aisisna.

Jirimaya 9:10

“Il nani tilara ini bas, bara mamna sin lulki bas, twi pain pâwi tasbaya pura mata ini aiwani banhs, baha sut angkan, bahak sin upla wapras swin; bîp nani sin âpu uhbaia, daiwan tnawira nani wail nani ba sin sut plapan.

Inanka Nani 3:2

Yang ra ai brih wan tihmu tara tasbaya ra, ai munan ingni âpu yabalka ra watauki kapri;

Joel 2:10

Tasba ba witin nani ai mawanra nikwisa, purara kasbrika ba sin tatatwisa, lapta bara kati sin ai ingnika ingras, slilma nani ba sin ingnika âpu takisa.

Emus 8:9

Dawan aisisa: “Yang baha yua ra daukamna, lapta wan lal kat yu ingnika ba prakan kabia, bara kakna pali ra tasba ba tihmia tara daukamna.

Sakaraya 14:6

Baha yua ra kauhla wan daukbia apia, lî klaswan sin âpu kabia.

Matiu 24:29

“Baha pât wahwan yua nani lubia wal baku, yu lapta ba tihmu takbia, kati ba ai ingnika yabia apia, slilma nani ba kasbrika purara ba wina kauhbia, kasbrika ba purara karnika nani sin nikban kabia.

Matiu 24:35

Kasbrika tasba wal lui wabia, sakuna bîli nani lika aimakan kabia.

Param Marikanka 20:11

Bara yang lika king iwaika pihni kum kaikri, baha purara iwi kan ba sin. Ai mawan wina tasba bara kasbrika pura ba aiska lap tiwan, bara baha nani pliska kumi sin sip kaikras kan.