Jirimaya 4:18 - DAWAN BÎLA AISKA

¹⁸ “Juda, man tânkam daukankam saura nani ba tâka mita sika naha diara sut man ra taki ba; watawikam lâka daukram ba tâka wina naha mâ tahpla nani na bal takan, bara kupiam ra mai sabisa.”

Jirimaya 4:18 ပူးပေါင်းရင်းမြစ်များ

Lawana Nani 107:17

Witin nani ai watawanka bara ai saurka nani tâwan siknis takan bara sari man banhwi kan,

Sins Lâka 1:31

¡Ai daukanka tâka mita, pât wauhbia! ¡Saura daukaia lâka bri ba ni aibanhbia!

Sins Lâka 5:22

Upla watawi ba, witin pali ai watawanka nani mita klauna bliki alkisa; witin ra prak alkan kabia, ai saurka mita sin kiwa ni baku.

Aiseya 50:1

Dawan aisisa: “¡Man nani lukpara waitna ai maya lulki swi ba baku, yang, Israel ba lulki swiri, apia kaka witin nani alba baku man nani ra atkri, witin nani ba yang wal tras diman aibapras ba tâwan! Wals man nani watawikam lâka ba mita sika mai atkan ba; man nani maipara buaia lâka brisma ba mita sika yaptikam Israel mita mai lulki mai swin ba.

Jirimaya 14:16

Witin nani smalkanka wali uplika nani ba sin, war ra bara sanglang ra prui banhbia, mairka nani ba, luhpia waitna nani luhpia bara mairin nani sin. Pruan uplika nani ba Jerusalem yabalka ra lulkan kabia, bara upla âpu kabia bikaia ba. Baku witin nani watawika lâka mana ba aibapaia daukamna.

Jirimaya 2:17

Naha diara nani man nani puramra balan man nani ai lulki ai swiram ba tâka, yang sika Dawan, man nani Gâdkam yabal ra tampahki katna ba.

Jirimaya 2:19

Watawikam daukram ba mita klala maikbia, kasak lukras sma lâka ba mita pât ra mai lakan kabia. Luki kaiks diara saura tahpla daukram ba ai lulki ai swiram ba tâka kaikma. Bara man bui yang ra yamni ai kulkras sma ba, yang sika dawan Gâdkam. Yang, Dawan, karnika sut brisna, kasak aisisna.

Jirimaya 26:19

“¿Bara king Ezequías ba Juda uplika nani sin Miqueas ba ikata ki? Baku takras bara ikaia watlika ra: king Dawan sibrinka daukan bara witin ra makaban witin nani ai dukiara kupia swapni lâka ba bribia. Bara latwan saura ba Dawan bui witin nani ra blikras takaskan, witin nani ra baku takbia wisata ba. ¿Bara nanara yawan mita kaiki lâ ba sauhkaia wirhika tara ba wan pura sunaia?”

Jirimaya 5:19

Witin nani man ra mamkabi walbia: ‘Dawan wan Gâdka ba, ¿dîa muni naku pali wan daukan?’, bara man bui witin nani ra pana wis: ‘Man nani kakaira apia gâdka nani ra mayunram ba, baha baku tasbayam ra apia, sakuna upla wala tasbaya ra baha nani warkka takma.’

Jirimaya 5:25

Sakuna man nani saurkam tâka ba mita baha piua nani sut aihka man lakan, bara baha yamnika ba man nani sip briras sma.

Jirimaya 6:19

Tasba, wals: Naha uplika nani ra sauhkaia ba bri balaisna watawika nani daukaia luki daukan ba mana; yang bîli nani aisin ba witin nani baha walras, yang smalkanki nani ba witin kau saura ni kulkan.

Inanka Nani 3:15

Dawan mita tahpla lâka ni ai banhkan sa; baha laya aikan ba sin tahpla pali kan.

Isikiel 39:24

Yang ai saurka ba mapara buaia lâka tânka kat daukri, bara nini laki yabri.

Oseas 7:2

Witin nani luki kaikras sa watawika lâka nani dauki ba, yang kupi ra brisna. Nanara witin nani ai daukanka nani daukan ba mita, ai tnaya kir kutbisa, daukanka nani ba naikra ra ban bâra sa.