Jirimaya 39:9 - DAWAN BÎLA AISKA

⁹ Baha ningkara, Nebuzaradán king watla ra aihwawakra nani kamandantika ba mita, tawan uplika nani ba, wala nani sin Caldea uplika nani tilara kan ba, bara baku sin upla sut ba tasbaya wina saki Babilon ra brih wan.

Jirimaya 39:9 ပူးပေါင်းရင်းမြစ်များ

Blasi Sturka 37:36

Bara Madián uplika nani ba, Josep ba Idsip ra bri si, bara waitna kum king fero watla bilara wihtka, king watla ra suldiar nani ba sin kiaptinka aimaki kan ba ai nina Potifar, baha waitnika ra atkan.

2 King Nani 20:18

Bara man kiamkam nani man wina takbia ba, tila wina sut sin Babilon ra brih wabia, bara ai mahbra nani ba saki king watla ra alba bri kabia.’

2 King Nani 25:11

Ningkara tawan uplika nani takaskan kan nani ba Babilon kingka ra tawan nani ba, bara upla wala wark sâtka nani taki ba sut Nebuzaradán kamandantika ba mita alki, Babilon ra brih wan.

2 King Nani 25:20

Naha nani sika Nebuzaradán mita alki Babilon kingka Riblá ra brih wan, Hamat tasbaya ra. Bahara Babilon king mita adar yaban sut ikbia. Baku sika Juda uplika nani ra alba lâka ra bri kan, ai tasbaya ba wina saki muni.

Aiseya 5:13

Baha mita, witin nani walaia apia luki ba tâka upliki nani ba priski brih wan kabia. Tawan sut bara ai wihtka nani ba sin, plun wahwan mita bara lî diran mita sut prubia.

Jirimaya 10:18

Kan Dawan naku aisisa: ‘Naha kuntrika uplika nani na naha wina laihura yakabaisna. Witin nani ra karna takaisna, bara kaikamna baku witin nani ai pliki ai sâkbia sa sapa.’

Jirimaya 16:13

Baha tâwan, naha kuntrika wina man nani mai saki kuntri wala ra mai lulkaisna, man nani damikam nani sin kakaira apia kan ba tasbaya ra, bahara Gâd wala nani warkka dauki kama, yang bui man nani ra kupi swapni brimna apia.’

Jirimaya 24:8

“Sakuna Sedequías, Juda kingka ra, wihta tara nani bara Jerusalem uplika nani ra, baha kuntrika ra takaski, Idsip ra iwan ba ra lika kwah mâ aisawan ra kaiki baku kaikamna, saura bri bara piaia sin sip apia ba baku.

Jirimaya 38:19

Sedequías pana witin ra win: —Sakuna yang sibrin ai daukisa, kan Ju nani tila sin Caldea uplika nani tilara dimi aiklabisa, bara baha nani ai alkbia kaka ai sauhkbia.

Jirimaya 40:1

Dawan Jirimaya ra aisin, aihwawakra nani kamandantika Nebuzaradán Ramá ra witin ba pri sakan ba ningkara. Jerusalem, Juda wina uplika nani Ramá ra bâra kan ba, Babilon ra brih waia, bara Jirimaya sin baha nani tilara priskan bâra kan Nebuzaradán witin wal prawan.

Jirimaya 40:7

Judia kamandantika nani suldiarka nani daknika ba aiklabaia watla ra bâra kan, witin nani sturi walan Babilon kingka ba mita Guedalías, Ahicam luhpia waitna ba wihta tara mangkan Babilon ra brih waras nani kan ba: waitna, mairin nani, tuktan nani ba sut Judia tasbaya ra pura kaikaia;

Jirimaya 52:26

Nebuzaradán naha uplika nani sut ba Babilon kingka ra brih wan Riblá ra, baha lika Hamat tasbaya ra. Bara Riblá kat Babilon kingka lâ ba dauki uplika nani ba bâra ikan. Baku dauki, Juda uplika nani ba priski tasba wala ra brih wan.

Daniel 2:14

Bamna Daniel bui king suldiar lalka Arioc wal sinskira tânkira yamni luki lâka ra aisin, Babilon sinskirka nani ikaia wisi pat lâ daukan kan bamna.

Libait Lâka 26:33

Man nani ra yakabrira mai daukamni, nisan wala nani tilara, sord ba taya wina saki ninam blikamni; tawankam ba upla iwras tasbaya daukamni, bara tawankam nani ba kriwi tiwan kabia.

Kli Smalkanka 4:27

Dawan mita kiamka wala nani tilara mai yakabia, bara man tilam wina kulki baman raya kabia.