Jirimaya 39:16 - DAWAN BÎLA AISKA

¹⁶ “Was Ébed-mélec, Etiopía wina ba ra wis: ‘Dawan karnika sut bri ba, Israel Gâdka ba aisisa: Naha tawanka ra diara saura takbia wîri ba yang aisari ba kat daukaisna, yamnika daukaia lika aisaras. Yang aisari ba takbia ba ra, man bâra kama.

Jirimaya 39:16 ပူးပေါင်းရင်းမြစ်များ

2 Kronikas 36:21

baha ba Dawan dîa win ba aimakaia dukiara, ai dahra aisasarika Jirimaya bâk win kata. Baku tawan ba ris kum briaia kata, kan sauhki tikanka lâka ra kan piua ra ris manis brin, 70 mani luan ba kat.

Lawana Nani 92:11

Yang kaikaia sna waihli nani ba nahki kauhbia ba; ¡walaia sna baha watawikira nani ai mamna lulki ba!

Jirimaya 26:15

Sakuna naha lika, kasak pali kaiki bas: man nani ai ikma kaka, man nani bara tawanka uplika nani sut pâtkira kama upla pâtkas kum ikuma bamna; yang kasak aisisna Dawan mita ai blikan naha sturka man nani ra param pali mai wiaia.”

Jirimaya 26:18

“Ezequías, Juda kingka kan ba yua nani ra Miqueas, Moreset wina ba Dawan nina ra aisi Juda uplika nani sut ra win: ‘Dawan, karnika sut bri ba, aisisa: Saion ba insla kum tasba baiki swin ba baku daukan kabia, Jerusalem ba slingwi aipaswanka ra takaskbia, tempel kiuhsika ba sin inma saura baman pâwi kabia.’

Jirimaya 26:20

Baku sin prapit Urías, Semaías luhpia waitna ba, Quiriat-jearim tawanka wina ba, Dawan nina ra naha tawanka mapara aisin bara kuntrika na mapara sin, Jirimaya aisin ba baku.

Jirimaya 34:22

Witin nani ba blikaisna naha tawanka na mapara bal aiklabaia, tawanka na bribia bara pauta ni angkbia. Juda tawanka wala nani ba sin upla iwras tasbaya daukamna. Yang, Dawan, baha kasak aisisna.”

Jirimaya 35:17

Baha mita yang, Dawan karnika sut brisna ba bara Israel Gâdka, mai wisna: Yang daukisna Juda bara Jerusalem wal purara, uplika nani ba purara pât nani balaia wîri ba balbia. Kan yang bui man nani ra aisari, sakuna man nani ai walras; man nani ra mai winri, sakuna man nani pana yang ra aisaras.’ ”

Jirimaya 36:31

man ra, man kiamkam ra, baku sin wihtkam tara nani ba sut ra sin saurkam daukram mana klala maikamna. Pât nani balaia yang aisari ba man nani puramra, Jerusalem uplika nani purara bara Juda uplika nani sut purara balaia daukamna. Man nani sut sin baha aisinka ba walras baku kapram ba.’ ”

Jirimaya 40:3

bara nanara witin aisin ba baku takan. Naha naku man nani ra takan na, man nani bui Dawan mapara saura daukram witin ai bîla wali daukras kapram ba tâka mita.

Jirimaya 44:27

Kan yang aihwaki kaiki kamna pât nani ba man nani ra blikaia, diara yamni nani lika apia. Juda uplika nani sut Idsip ra iwi ba titikbi âpu daukaisna war ra, apia kaka sanglang ni.

Daniel 9:12

Bamna man klala tara yang nani purira blikram, bîlam aisaram ba kat dauki tnata alkram sa, yang nani ra bara wan tasbaya wihtka nani ra sin; bamna, Jerusalem purara klala balan ba baku kau wala âpu sa naha tasba purara.

Emus 9:4

Ai waihla nani mita alki priski upla iwras tasbaya ra brih wabia kaka, bahara sin, yang sord blikamna bara witin nani ba ikbia. ¡Yang bui witin nani ra kaiki ban kamna, yamni munaia dukiara apia, sakuna saura munaia dukiara!”

Sakaraya 1:6

Ban sakuna, yang bîli nani, lâika nani sin naipakan prapit nani ra aisi smalkri ba, damikam nani baha ba pain wali banhwan kata. Bara witin nani ba yang ra tawi balan, ai dara sin walan, yang, karnika sut alki brisna Dawanka, witin nani ra munri ba, witin nani dîa ai daukanka bri ba praiska kat mana briaia kan ba.’ ”

Matiu 24:35

Kasbrika tasba wal lui wabia, sakuna bîli nani lika aimakan kabia.