Jirimaya 38:5 - DAWAN BÎLA AISKA

⁵ Bara king Sedequías pana witin nani ra win: —Aisaram ba aitani, bamna man nani bui witin ra dîa munaia lukisma ba dauks. Man nani mampara yang diara daukaia sip apia sna.

Jirimaya 38:5 ပူးပေါင်းရင်းမြစ်များ

2 Samuil 19:22

Sakuna Debit pana win: —¡Seruiá luhpia nani, naha na man nani daukaia lâka apia sa! ¿Dîa kan maipara buisma? Aman daira walisna yang na Israel kingka sna, bamna naiwa yua ra Israel kumi sin prubia apia.

2 Samuil 3:39

Baha mita, Gâd bâk ai saki king ai mangkan, ban sakuna swapni ai sakan daira walisna, Seruiá luhpia nani baku pali saurka tara daukan ba mita. ¡Naha watawika lâka na ya pali mita daukan ba, witin ai mana dîa briaia kan ba aitani sa Dawan bui witin ra yabia!

Sins Lâka 29:25

Upla ra uya sibrin briaia ba wan mina alkaia kiwka wan mangkisa, sakuna Dawan ra luki tniwi uplika ba laih purara bukan kabia.

Jirimaya 26:14

Yang maipara, yang lika man nani mihtam ra sna; man nani daukaia yamni sa lukisma ba dauks.

Jirimaya 37:17

Bara king Sedequías ai bîla blikan Jirimaya ba saki king watla ra brih wabia, bara witin nani Jirimaya ba king mawanra brih wan; bara yukuwan ra king ba witin ra makabi walan: —¿Dawan wina bîla blikan kum bâra sa ki? Jirimaya pana win: —Âu, naku ai bîla blikan sa: King ba Babilon kingka mihta ra mangkan kabia wisa.

Daniel 6:16

Bamna king bui win, Daniel ba bri sal layan nani watla ra lulkan kabia. Sakuna kau layan nani watla ra lulkras kan ba ra, king bui Daniel ra win: —¡Gâdkam, man witinka dukia kasakka tânka ra daukisma ba mita, swaki mai sâkbia!

Daniel 6:17

Daniel layan nani watla ra kan wal baku, walpa kumi bri sal layan watla ba pura prakan, bara king ai sîlka ba ni prakan, bara ai tasbaya wihtka tara nani sîlka ba sin prakan, baku mika Daniel ra takan tânka ba ban swin kaia apia ba mata.

1 Samuil 15:24

Bara Saúl bui Samuil ra win: —Âu, yang saura daukri, Dawan adarka nani pura lui wari, man kupi kraukram bîla nani sin bîla walras kapri, upliki nani ra sibrin lukri bara witin nani bîla wali makabanka ba kat daukri.

1 Samuil 29:9

Aquís pana win: —Yang kasak daira walisna man lika Gâd insalka kum baku yamni sma. Sakuna filisteo nani war wihtka nani ba aitani lukras sa man sin war ra dimaia.