Jirimaya 38:4 - DAWAN BÎLA AISKA

⁴ Bara wihta tara nani ba wih king ra win: —Naha waitnika na ikaia sa, witin aisi ba mita suldiar nani tawan ra nâra ba lukanka, upla nani sut lukanka ba swapni daukisa. Waitnika na upla nani tâ baikaia daukras, sakuna saura munaia baman aisisa.

Jirimaya 38:4 ပူးပေါင်းရင်းမြစ်များ

1 King Nani 21:20

Bara Ahab bui Ilayas ra win: —¿Baku bamna man, yang waihli sma ba, kli ai sakram ki? Bara pana aisi, win: —Âu, pliki mai sakri, kan man ba Dawan lamara saura baman daukisma.

2 Kronikas 24:21

Sakuna upla nani ba witin mapara buan, bara walpa ni sabi banhwan, king adarka ba kat, Dawan tempelka kutbanka ba ra.

Esdras 4:12

“Naha na, king tara, man ra param saki banhwisna, Ju nani man wina yang nani ra blikram Jerusalem ra balan nani ba, wan mapara babura saurakira nani ba, kli ai tawanka ba paskisa. Walpa kutban playka slingwan ba sin kli paskisa.

Nihimaya 6:9

Witin nani sut pali mita nahki sirang wan ikaia pliki kan, witin nani luki kan wan lukanka swapni takbia bara warkka dauki ba takaskaia; sakuna warkka ba yang kau karna daukri.

Impakan Sturka 5:4

Sakuna Idsip kingka aisi, Moses bara Eran wal ra win: —¿Dîa muni upla nani wark taki kaia kata ba wina kupia turbi takaskisma? ¡Man nani sut was wark taki kaia!

Jirimaya 11:21

Anatot uplika nani yang ai ikaia luki kan, witin nani ai win Dawan dahra aisamna apia, aisi ban kamna kaka ai ikaia ai win,

Jirimaya 18:23

Sakuna, Dawan, man bui witin nani dîa dauki ba sut kaikisma, witin nani bui yang ai ikaia daukan. ¡Watawika lâka pâtka ba swih tikpara, saura daukan ba sin âmya tiwbiara! ¡Yas witin nani man mamwanra kauhbia, kupiam baiwan ra lâ ni dauks!

Jirimaya 26:11

Bara prîs nani bara prapit nani ba mita wihta nani ra bara upla nani ra sin win: “Naha waitnika na pruaia pâtka ra lakaia sa, kan naha tawanka mapara aisin bamna. Aisin ba man nani kiamam ni walram.”

Jirimaya 29:7

Ani tasbaya ra mai blikri tasbaya ba hilpka daukaia man nani wark taki bas, witin hilpka daukaia man nani bui yang ra makas, witin nani yamni kabia bara man nani sin pâwi kama.

Jirimaya 38:16

Sakuna king Sedequías yukuwan ra Jirimaya ra swer taki aisin: —Dawan ra luki yang bui man ra swer takisna, witin yawan ra wan rayaka wankisa, mai ikaia mai blikamna apia, baha nani mai ikaia luki ba mihta ra sin mai mangkamna apia.

Jirimaya 38:25

Yang bui man wal aisisna na wihta tara nani ba walbia kaka, witin nani balbia man dîa ai wiram ba man wina walaia, bara yang dîa man ra mai wîri ba sin walaia, mai ikaia apia wisi pramis mai muni, bara diara sut mamkabi walaia.

Jirimaya 43:3

Baha sika Baruc Neria luhpia waitna mita mai win, yang nani maipara man baku aisaia; bara baku dauki yang nani na Caldea uplika nani mihta ra ai batakaia, ai aiki priski, Babilon ra ai brih waia.”

Isikiel 22:27

Naha tawanka tâ brabrira nani ba yul wail baku sa; diara alkan ba bisbi tikisa, ridi pali sa upla ikaia, ai dukia kukan ba ailal dauki kaia baman lukisa.

Emus 7:10

Amasías, Betel ra prîs aimaki kan ba, Israel kingka Jeroboam ra maisa paki wisa: “Israel tasbaya aiska ra, Emus king tara ba mampara warbanka nani daukisa; upla nani lukanka ba sut saura takisa, bara ban ai kainara aisi auya.

Luk 23:2

Bahara witin nani mahka Jisas dahra saki, naku wisata: —Yang nani naha waitnika na saki banhri wan uplika nani kupia warbi muni kan. Witin bila, Rom kingka Sisar ra lal mana aibapi banhwamna apia, bara sin wisa witin ba Misaya, wibia kaka, king kum sa.

Apastil Nani Sturka 16:20

Witin nani mita Pal Silas wal ba Rom wihtka nani mawanra bri si, naku aisin: —Naha waitnika nani Ju nani sa, bara wan tawanka ra bal trabil bukisa.

Apastil Nani Sturka 17:6

Witin nani bahara sakras kan bamna, Jasón bara wan muihni tila nani alki raski, tawan wihtka nani mawanra bri si muni, bara ai tâ baiki winan: —Naha waitnika nani mita sika tasba aiska na makupisa, ban naha kat sin balan,

Apastil Nani Sturka 24:5

Naha waitnika lika uya saura pali kan yang nani sakri, Ju nani sut tasba aiska ra ba kupia turbisa, witin na sin Nasarin nani tâ uplika kumi sa.

Apastil Nani Sturka 28:22

Sakuna yang nani lika man wina wirâ walaia want sna, man lukankam tânka ba dîa sapa, kan yang nani sin kaikisna plis ailal ra mampara aisisa, baha lâka raya man brisma ba dukiara.