Jirimaya 38:21 - DAWAN BÎLA AISKA

²¹ Dawan bui yang ra mairikan kaikri, king baha nani mihta ra aimakras kabia kaka dîa takaia ba:

Jirimaya 38:21 ပူးပေါင်းရင်းမြစ်များ

2 Kronikas 36:12

Sakuna ai daukanka nani ba Dawan nakra ra saura kan. Prapit Jirimaya ra bawras kan, Dawan bui witin bâk aisi kan ba.

Job 23:13

Witin dîa kum daukaia brin daukisa kaka, daukbia, diara âpu sa baha ba takaskaia.

Job 34:33

Apia kaka, ¿brin mai daukisa ki, Gâd mita mana ba maikbia, man yamni kaia kaikisma ba kat, man mita brin mai daukras, swiram sakuna? Yang apia, man sika luki kaikisma dîa daukaia ba, yang nani ra wan wis dîa nu sma ba.

Impakan Sturka 16:28

Bara Dawan bila Moses ra win: —¿Ahkia kat man nani bui yang lâika bîla nani ba bara smalkanka nani ba sin, bîli wali daukras ban kama?

Jirimaya 26:15

Sakuna naha lika, kasak pali kaiki bas: man nani ai ikma kaka, man nani bara tawanka uplika nani sut pâtkira kama upla pâtkas kum ikuma bamna; yang kasak aisisna Dawan mita ai blikan naha sturka man nani ra param pali mai wiaia.”

Jirimaya 38:20

Jirimaya pana witin ra win: —Sakuna king ba baha nani mihta ra kauhbia apia. King, pliskam, Dawan aisi bîla ba, man wali dauks, yang bui man ra mai wîri ba, man ra baku yamni takbia man pruras raya kama.

Jirimaya 38:22

mairin nani sut Juda kingka watla ra kan ba Babilon wina aiklaklabra wihtka nani ba bal saki brih wan kabia, bara mairka nani ba naku aisi kabia: ‘King ai uplika nani kau pain bri kan ba mita tawi kunin muni pura luan; mina ba drapapa kat dingkaia dauki si ai nina tawi mahka wan.’

Jirimaya 5:3

Dawan, man plikisma ba sika kunin aisaras uplika ba. Man bui witin nani ra klala yabram, sakuna baha witin nani ra latwan yaras kan; man bui witin nani ba sauhkram, sakuna witin nani diara lan takras. Kiamapara nani, walpa baku karna, yabal yamni ba ra witin nani kli tawi balaia apia lukan.

Isikiel 2:7

Man, yang bîli nani na aisas, ban kra bîlam walbia apia kaka walras kabia, kan uya mapara babura sa.

Kulki Kaikanka 24:13

gul bara silbar nani king ai watla ra auhbi bri ba sut aikbia sin, yang sip Dawan bîla lulkamna apia, diara yamni, diara saura sin yang kupi lâka ba kat daukamna apia. Sakuna Dawan dîa ai wi ba baman aisi kamna wîri.

Apastil Nani Sturka 18:6

Sakuna witin nani mahka pali bûi, witin mapara swira bîla nani aisin. Bara Pal ai kwalka singbi sain kum yan, nahki witin nani tila wina taki auya ba, bara sin win: —Man nani tanis tiwma kaka, baha lika man nani pali pâtkam sa, yang laila purara baha pâtka âpu sa. Bamna naiwa na wina yang lika Ju apia nani tilara auna.

Hibru Nani 12:25

Baha mita, aman kaiki bas, bara witinka wan aisi ba ra walaia apia lika wipara. Baha nani ba witinka naha tasba ra Gâd dahra aisi kan ba ra walaia apia win ba, swak takras kata; baku bamna, yawan pali lika kau swak takbia apia, witinka kasbrika purara wina wan smalki wan aisi bara wan nina laki tris tawbia kaka.