Jirimaya 34:9 - DAWAN BÎLA AISKA

⁹ Lâ ba bapan kan Ju nani ai tilara alba waitna nani bara alba mairin nani bri ba pri lâka ba yaia, upla kumi sin Ju ai tahkia ba ai albika bri kaia apia.

Jirimaya 34:9 ပူးပေါင်းရင်းမြစ်များ

Blasi Sturka 14:13

Sakuna waitna kumi baman tila ba wina plapi swak takan. Bara witin balan bara Ebram Hibru waitnika ra sturka ba sut win. Witin amorreo usupum untika ra ai uplika nani Mamré, amorreo ba, Escol muihnika wala Aner nani aikuki bahara iwi kan.

Blasi Sturka 40:15

Yang na, Hibru nani tasbaya wina ai impliki nâra ai bri balan. Nanara yang nâra diara saura daukras kapri, kuna ban silak watla ra ai mangki ai swin nâra sna. Sakuna yang nâra ban kaia lika apia sna.

Impakan Sturka 2:6

King fero luhpia mairin bui baskit pura ba bukutban bara kaikan bilara tuktan waitna lupia kum inisa, bara witin ai kupia ra latwan pali kaikan bara win: —Naha na Hibru nani bibika kum sa.

Impakan Sturka 3:18

Tâ uplika nani bîlam walbia; bara man lika witin nani aikuki Idsip kingka ra mawanra wama, bara wima: ‘Dawan, Hibru nani Gâdka ba yang nani ra bal takan sa. Bamna aik yang nani yu yumhpa upla iwras tasbaya ra wapamna, bahara yang nani Dawan wan Gâdka ra sakripais dauki yaia.’

Jirimaya 25:14

Nisan tara nani bara king nani karnika tara bri ba, witin nani sin mina ra kauhbia. Bara baku witin nani dîa daukan ba mana briaia aitani ni mana aibapamna.’ ”

Jirimaya 27:7

Nisan nani sut ba witin ra bawi kabia, luhpia nani ra bara mulika nani ra sin bawbia, bara piua ba balbia bara nisan tara nani ba king karnika tara bri nani ba sin witin ra bawbia.

Jirimaya 30:8

Yang, Dawan ba, karnika sut brisna, kasak aisisna: Upliki nani alba lâka ni wilkan ba pri sakamna, witin nani kli tringsar nani albika takbia apia.

Jirimaya 34:10

Wihta nani upla nani sut baha lâka daukan ba aitani kulkan, bara ai albika nani ba sut pri swin, kli ai albika nani ra ai warkka takbia wiras kan.

1 Korint 6:8

Sakuna, man nani kasak lâka daukras bara impliki banhwisma, muihkam pali nani ra sin.

2 Korint 11:22

¿Witin nani ba Hibru nani sa ki? Yang sin. ¿Witin nani ba Ebraham kiamka sa ki? Yang sin.

Kli Smalkanka 15:12

“Man uplikam Hibru nani, waitna bara mairin kra alba kaia man ra mai atkuya ba, mani kumi baman warkkam takbia; mani matlalkahbi pura kumi alkbia ba ra, pri swis mahka wabia.

Pilipai 3:5

Kan yang lika ai baikan wik kum alkri ba ra, Aisa sainka ba ai daukan. Yang na Israel kiamka, Benjamín taika wina; aisubi takri Hibru sna, bara aisiki nani ba Hibru sa. Ju nani lâ bri ba kat yang na parisi katna;

1 Samuil 14:11

Baku aisin ba ra witin nani wâlsut filisteo nani lamara wih, witin nani ra param takan. Filisteo nani bui witin nani ra kaikan ba ra aisin: “Man nani kaiks, Hibru nani tasba unta ra dimi yukuwan kata ba, nanara taki aula.”

1 Samuil 4:6

Filisteo nani baha binka ba walan ba ra, makabi walan: “¿Baha binka ba dîa sa Hibru nani kiampka ra taki ba?” Sakuna witin nani ai dara walan Dawan lâka auhbaika watla ba kiamp ra brih balan ba.

1 Samuil 4:9

Bamna filisteo nani ba naku aisin: “¡Aiklabaia dukia nani ba alki bris, kupiam karna waitna baku aiklas, Israel luhpia nani albika takmara sîa, witin nani ba man nani albikam takan ba baku!”