Jirimaya 32:40 - DAWAN BÎLA AISKA

⁴⁰ Witin nani wal upliki ban kaia lâka kum daukamna: yang bui witin nani ra yamni munisna ba takaskras ban dauki kaia pramiska daukamni; yang ra yamni ai kulki ban kaia kli ai swi waia apia brinka ni banhkamni.

Jirimaya 32:40 ပူးပေါင်းရင်းမြစ်များ

2 Samuil 23:4

lalma kahbi ingnika baku kabia, titan kum ra kasbrika âpu yu ingnika taki ba baku sin, lî auhi luan ningkara inta wahia nani pâwi ba baku.”

Lawana Nani 80:19

Man Dawan, Gâd karnika sut brisma ba, ¡wan dauks yang nani dîa katna ba baku! ¡Namkra ra yamni wan kaiks bara swaki wan sâkma!

Aiseya 24:5

Tasba ba upla nani ba mita sauhkan sa, kan witin nani, lâ purak luan bamna, wapni lâka ba wali daukras lâ ban kaia ba krikan.

Aiseya 55:3

Man nani kiamam pri tniki wals bara yang ra bal; man nani wals, bara sulkam ba raya kabia; man nani wal lâ kaia lâka ba daukamni, umpira kaikan lâka, ban kaia pramiska, Debit wal daukri ba baku.

Aiseya 61:8

Kan Dawan ba wapni lâka ra latwan kaikisa, bara impliki upla iki ba misbara kaikisa. Witin mita baha nani ra kasak lâka ra mana yabia bara witin nani wal lâ kum daukbia ban kaia ra.

Jirimaya 24:7

Yang bui witin nani ra diara tânka kaikaia yabamna, bara witin nani ai kaikbia yang sika Dawan sna ba, bara witin nani upliki nani kabia, yang sin witin nani ai Gâdka kamna, kan witin nani ai kupia aiska yang ra kli tawi balbia bamna.

Jirimaya 31:34

Bara upla ai walka ra, ai uplika nani ra, ai taya nani yang ai kakaira takaia smalkaia nit apia kabia, tara ba wina sirpi ba kat upla sut ai kakaira kabia. Saurka daukan pâtka nani swih tikamna bara kli kupi ra brimna apia. Yang, Dawan, kasak aisisna.”

Jirimaya 50:5

Saion ra waia yabalka ba makabi walbia, bara naku aisi baha tani ra wabia: ‘Kaisa Dawan ra yawan waia, lâ kum daukbia witin wal asla ban kaia lâka, kli sin wan âuya tikaia apia.’

Isikiel 36:26

man nani ra kupia raya kum mangkamna bara spirit raya kum sin mangkamni. Man nani wina sakamna kupia karna walpa baku ba, bara kupia swapni mangkamna.

Isikiel 36:27

Man nani ra spiritki maikamna, bara yabrika lâika bîla bara daukaia lâka daukri ba kulkbia;

Isikiel 37:26

Witin nani aikuki lâ kum daukamna, ai rayaka lamni lâka ra iwi kaia dukiara. Ban kaia ra wilkanka kabia. Yabrika ailal pali takbia, bara ban kaia ra tempelka holikira ba witin nani tilara mangkan kabia.

Isikiel 39:29

Bara yang kli witin nani ra kaikras maiwan lakamna apia, kan karniki ba Israel uplika purara mangkri bamna. Yang, Dawan, kasak aisisna.”

Miqueas 4:5

Upla kiamka wala nani ba sut, ai gâdka nani lilka paski, baha nani bîla wali daukisa, ban sakuna, yawan lika wan Dawan, wan Papaskra ba, bîla wali dauki kabia ban kaia ra.

Kli Smalkanka 31:6

Kupiam karna bri ban bapi bûi bas. Si bripara, sirang sin iwpara witin nani aikuki prawma taim, kan Dawan Gâdkam ba man nani wal kabia bara mai swibia apia, lulki sin mai swibia apia.”

Kli Smalkanka 31:8

Baha sim Dawanka man kainamra wabia bara man wal kabia, lulki yakan mai swibia apia; baha mita ban sibri kapara.”

Hibru Nani 13:20

Gâd mita wan Dawan Jisas Kraist ba pruan wina kli bukan sa, witinka ba ai tâlia ni ban kaia lâka ba karna saki, sîp nani Sepadka Wihta takan ba.

Hibru Nani 4:1

Baku bamna, Gâd yawan ra pramis wan munan ba witin ai riska ra dimaia, wan dara wali kaia sa, ban man nani tilam wina kumi kra sip dimras kabia dukiara.

Hibru Nani 7:24

Sakuna Jisas lika pruras raya ban sa, bara witin prîs warkka dauki ba upla wala ra laki yabras sa.

Jems 1:17

diara pain bara kasak nani ba, kasbrika pura ba wina balisa; Gâd kasbrika pura ingnika nani paskan ba mita wankisa. Gâd lika piua bani ban kaia ra ban bâra sa, bara witin mita dista kumi ni sin yawan ra wan madiskras sa.

1 Pita 1:5

Bara man nani lika Gâd ra kasak lukan lâka brisma ba mita, witin ai karnika ni kainam kahbisa, swaki sakan lâka, tnata piua nani ra param marikaia wisi ridi dauki bri ba, man nani alkma ba kat.