Jirimaya 32:39 - DAWAN BÎLA AISKA

³⁹ Yang daukamna witin nani ai kupia aiska ai rayaka aiska ni yang ra baman pain ai kulkaia, witin nani ai yamnika dukiara ai kiamka nani yamnika dukiara sin daukaia.

Jirimaya 32:39 ပူးပေါင်းရင်းမြစ်များ

Blasi Sturka 17:7

Man wal lâika daukisna na, man kiamkam nani wal sin yang lâ daukamni. Yang lika man Gâdkam ban kamna, witin nani ai Gâdka sin.

Blasi Sturka 18:19

Yang bui witin ba bâk sakri, ai luhpia bara ai kiamka nani ra sin yang bîli nani ba smalkaia, witin nani bîli wali daukaia, diara yamni bara diara wapni ba daukaia. Bara yang bui witin nani ra dîa pramis munri ba sut daukamna.”

Blasi Sturka 22:12

Insal ba witin ra win: —Tukta ba ikaia mihtam bukpara, kan nanara yang pat mai kaikisna man lika Gâd ra sibrin lukisma ba, man luhpiam unhsak ba Dawan ra yabaia apia wiras sma bamna.

2 Kronikas 30:12

Gâd sin upla nani ba nikban Juda wina king adarka ba kat daukaia, bara wihta nani win ba kat sin, baku Dawan blikan ba kat.

Lawana Nani 112:1

¡Dawan ba mayunan kabia! Yamni pali sa baha waitnika, Dawan kulki nani ba, bara ai lâka bîla kat wali dauki ba.

Lawana Nani 128:6

¡Bara man mulam nani sin kaikma! ¡Israel ra kupia kumi lâka bâra kabia!

Lawana Nani 86:11

Man Dawan, yabalkam ba ai mariks, bara yang baha yabalka ra kasak wapaia kupi ra mai kulkaia lâka ba sin brimni.

Sins Lâka 23:17

Upla saurakira nani ra kupiam tumbiara, sakuna yu aiska Dawan sibrinka wal kama.

Aiseya 35:8

Yabal tara, yabal sirpi bâra kabia, bara nina mâkan kabia “Holikira kaia yabalka nani.” Diara tâski ba bahak lubia apia; sinskas nani ba, baha yabalka ra sip wapbia apia.

Aiseya 52:8

¡Aihwawakrikam nani, ai bîla baikra karna wini ba wals! Witin nani asla taki pura luan winanka wini ba, kan witin nani ai nakra pali ni kaikisa Dawan ba nahki kli Saion ra aula ba.

Aiseya 65:23

Witin nani bahki ra wark takan kabia apia, ai luhpia nani sin piua kau aimakras prubia apia, kan witin nani ba, Dawan wina ai yamnika yan kiamka nani bamna, bara witin nani ai kiamka ba sut baku kabia.

Jirimaya 24:7

Yang bui witin nani ra diara tânka kaikaia yabamna, bara witin nani ai kaikbia yang sika Dawan sna ba, bara witin nani upliki nani kabia, yang sin witin nani ai Gâdka kamna, kan witin nani ai kupia aiska yang ra kli tawi balbia bamna.

Jirimaya 31:33

Naha lâka sika yang daukamna ba Israel wal baha yua ra: Yang lâika witin nani kupia ra mangkamni, bara sinska ra ulbri kabia. Yang ai Gâdka kamna bara witin nani ba yang upliki kabia. Yang, Dawan, kasak aisisna.

Jirimaya 32:40

Witin nani wal upliki ban kaia lâka kum daukamna: yang bui witin nani ra yamni munisna ba takaskras ban dauki kaia pramiska daukamni; yang ra yamni ai kulki ban kaia kli ai swi waia apia brinka ni banhkamni.

Jirimaya 6:16

Dawan bui ai uplika nani ra wisa: “Man nani yabal kat bûi ba ra kaiks, blasi pali yabalka nani ba dukiara makabi wals, yabal kau yamni ba bâra sa; baha yabalka ra waps bara man nani ris brima.” Sakuna witin nani aisin: “Apia, apia, yang nani baha yabalka ra wapan ai daukras”

Isikiel 36:26

man nani ra kupia raya kum mangkamna bara spirit raya kum sin mangkamni. Man nani wina sakamna kupia karna walpa baku ba, bara kupia swapni mangkamna.

Isikiel 37:22

Witin nani ba nisan kumi daukamna naha kuntrika ra, Israel ilka ra, bara king kumi baman bribia. Kli tar baiwan kabia apia nisan wâl ra, king lâka wâl ra sin apia.

Isikiel 37:24

Duki dadaukra Debit ba, king kabia bara sepad unhsak kabia witin nani sut dukiara; bara witin nani bîli walbia bara lâika bîla daukaia lâka ba daukbia.

Isikiel 37:25

Duki dadaukra Jekob ra yabatna kuntrika ra iwbia, bahara ai almukka nani iwata ba. Bahara witin nani iwbia ban kaia ra bara ai luhpia bara ai kiamka nani sut; bara duki dadaukra Debit ba ai tâ brabrira kabia.

Jan 14:6

Jisas bila: —Yang sika yabal ba, kasak tânka ba bara rayaka ba sin. Yang bâk baman sip sa Aisa ra waia.

Jan 17:21

Yang mamkabisni witin nani sut ba asla pali kabia; âu, Aisa, witin nani sut ba yawan aikuki asla kumi kabia, man lika yang wal asla pali sma ba baku, bara yang sin man wal asla pali sna. Witin nani ba asla pali kabia, bara baku mika tasba uplika nani ba kasak lukbia man mita ai blikram sa.

Apastil Nani Sturka 13:33

Baha nani kiamka banhwisna bamna, yang nani ra Gâd ai pramiska dîa aisin ba kat daukan, witin Jisas pruan wina bukan ba ra, Pura Sunra Lawana wauhkataya 2 ra ulban ba baku: ‘Man ba yang Luhpi waitna sma; naiwa raya kaia lâka ba maikri sa.’

Apastil Nani Sturka 2:39

Naha pramiska na lika man nani bara luhpiam nani sut dukiam sa, bara upla nani laihura banhwi ba sut dukia sin; wibia kaka Dawan wan Gâdka paiwaia luki uplika nani ba dukia sin.

Apastil Nani Sturka 3:26

Bamna Gâd ai Luhpia Jisas pruan wina kli bukan ba ra, witin ba man nani ra pas blikan man nani ra yamni mai munaia, man nani kumi bani saurkam nani ba swiaia bara kupiam lakaia.”

Apastil Nani Sturka 4:32

Lalukra daknika aiska ba lika ai kupia lukanka kumi baman brin kata, bamna upla kumi sin wiras kata dîa bri kan ba witin yakan ai dukia sa, sakuna diara nani sut ba witin nani sut ai dukia baku kulkan.

Apastil Nani Sturka 9:31

Bamna serts ba, Judia ra, Galili ra, Sameria ra, baha tasbaya aiska ba kupia kumi spirit bri pâwi kan. Witin nani Dawan sibrinka ra iwi banhwi kan, Spirit Holikira hilpka ra, bara kau ailal taki kan.

Roman 11:16

Plawar akban wina pas brit ba, Gâd dukia holikira kulkan sa kaka, plawarka akban pîska aiska ba holikira sa. Bara dus wakia kumi Gâd dukia holikira kulkisa kaka, tnawa nani ba sut holikira kulkan sa.

1 Korint 7:14

Kan kasak lukras waitna ba, ai maya mairin lalukra ba wal asla takan ba mita, holikira kulkan sa; bara kasak lukras mairka ba, ai maya waitna kristian ba wal asla takan ba mita, holikira kulkan sa. Naku apia kaka, man nani luhpiam nani ba idan nani luhpia banhwi ba baku kaia kan; sakuna naha mita, witin nani ba holikira nani kulkan sa.

2 Korint 13:11

Bamna nanara, muihki nani, rayakam aihwa takaia lâka pliks, maisa nihkan lâka bri bas, aikuki asla pain bara kupiam kumi bas. Bara kupia kumi lâka bara latwan lâka Gâdka ba man nani wal kabia.

Kli Smalkanka 5:29

Aitani kabia baku natka ra ban luki kaia, bara ai kulki lâika bîla nani sin yu bani ra ban bri kaia. Witin nani ai rayaka, ai luhpia nani rayaka sin yamni bribia.

Kli Smalkanka 6:2

Baku natka ra Dawan Gâdkam ra mayunma, baku lâ bîla man nani ra maikuna ba rayakam aiska ra dauki waia, luhpiam bara mulam nani ra sut ba mani ailal raya kabia.

Kli Smalkanka 6:24

Dawan wan Gâdka wan blikan naha lâka nani ra sut yawan trai kaikaia bara tara kulkaia, yamni waia wan rayaka sin main kaiki bri kaia nanara baku.

Hibru Nani 10:20

Witin mita tempel kwalka paman bâk, yawan ra yabal kum rayakira param saki wankan sa, baha tânka ba lika, ai wîna tara ba bâk.