Jirimaya 32:32 - DAWAN BÎLA AISKA

³² witin nani naha daukanka nani sut dauki kupi sauhkan ba tâwan, Israel luhpia nani, Juda uplika nani, ai kingka nani ba sin, tâ bri uplika nani ba, prîska nani ba, prapit nani ba, upla sut Juda ra bara Jerusalem ra iwi ba âpu daukamna.

Jirimaya 32:32 ပူးပေါင်းရင်းမြစ်များ

Esdras 9:7

Wan aisika nani yua ba wina naiwa kat, yang nani saurka lâka ra iwi banhwisna. Yang nani saurki nani tâka mita, kingki bara prîski nani sut aikuki tasba wala nani kingka nani mihta ra ai mangkram. Naiwa yua kat ban wan ikisa, alba wan brisa, wan dukia nani implikisa, yang nani swira lâka tara wal ban iwi banhwisna.

Aiseya 1:23

Wihta nani brisma ba, mapara babura nani sa, bara âimplikra nani pânika banhwisa. Witin nani sut ba lalah mana ai wîna atkisa, witin nani prisant pliki taukisa. Rau nani lâka kasak ba sin yaras. piarka mairin nani lâka sin daukras.

Aiseya 22:1

Lilka kaiki ba ilka langnika ba dahra aisisa: ¿Dîa takisa, upla sut utla bahna ra uli ba?

Jirimaya 2:26

“Âimplikra pura baikan piua ra ai swira bri ba baku, Israel ba baku swira takan kabia, upla nani ba, king nani ba, wihta nani ba, prîs nani ba, prapit nani ba sut;

Jirimaya 44:17

Sakuna yang nani dîa daukaia lukri ba baha ban dauki kamna, yang nani gâdki Kwin Kasbrika Purara bara witin ra kîa pain sakripaiska dauki wain sin bri sal yabamna, yang nani kainara dauki kapri ba baku nanara sin dauki kamna, damiki nani, king nani bara wihta nani Juda tawanka nani ra Jerusalem yabal ra sin dauki kan ba baku. Blasi yang nani plun ailal bri katna, diara sut yamni kan yang nani ra pât balras kan;

Jirimaya 44:21

—¿Man nani lukisma Dawan baha kaikras, apia kaka âuya tiwan lukisma, man nani, bara damikam nani, king nani, wihta nani bara upla wala nani sin kîa pain nani angki gâd wala nani ra yabi kan ba, Juda tawanka nani yabalka ra Jerusalem yabalka nani ra sin?

Jirimaya 7:17

¿Witin nani Juda tawanka tara nani ra Jerusalem yabalka nani ra sin dîa dauki ba man kaikras sma ki?

Isikiel 22:6

Bahara sa Israel tâ brabrira nani ba, man tilamra iwi ba, bara nahki ikaia lâka sip ba kat dauki ba.

Daniel 9:16

Dawan, yang nani kaikisna man ba kupiam yamnikira pali sma. Bamna mamkabisna kupiam wilin kaka lawankam ba Jerusalem pura wina sâks, kan baha ba man tawankam sa, bara man ilkam holikira sa. Upla sât wala nani wan tawanka tnaya ra iwi nani ba kiki banhwisa Jerusalem ba dukiara, bara uplikam nani ba dukiara sin, yang nani bara wan almukka nani wal saurki ba mita.

Daniel 9:6

Yang nani bui man nampakan prapit nani ra kulkras, baha nani man ninam brih aisi kan ba king nani ra, tâ uplika nani ra, wan almukka nani ra bara Israel luhpia nani sut ra sin.

Daniel 9:7

Man lika Dawan kasakkira sma, sakuna yang nani Ju nani ba naiwa wan swira tara sa, baha nani Jerusalem ra iwi ba Israel luhpia nani sut sin, baha nani wan lamara ba bara laihura ba sin, witin nani man bîlam kulkras kan ba tâwan plis plis ra yakabram sa.

Daniel 9:8

Bamna Dawan, yang nani na wan kingka, wan tâ uplika nani bara wan almukka nani kan ba baku sna, yang nani swiri ai daukisa, kan man mampara saura dauki banhri ba mita.