Jirimaya 32:24 - DAWAN BÎLA AISKA

²⁴ ‘Bara Caldea uplika nani balan tawanka kir ba kutban witin nani mapara aiklabaia, aiklabi kan ba mita, plun wahwan siknis nani ba mita, tawan ba waihla nani aiklabi ba mihta ra kauhaia kan. Dawan, man mita dîa takaia wiram ba baku takan ba kaikisma.

Jirimaya 32:24 ပူးပေါင်းရင်းမြစ်များ

2 Samuil 20:15

Joab uplika nani Abel-bet-maacá ra wan ba ra, tawan lata tani ra tasba watla nani mâkan, baha wina tawan ba sauhkaia, bara ningkara bakahnu wark takan kutbanka ba batakaia dukiara.

Aiseya 37:33

“Bahamna, Dawan mita naku wisa Asiria kingka ba dukiara: ‘Jerusalem ra sip pali dimbia apia, bara sip sin trisba kumi sin mangki lulkbia apia, baku sin witin ai mapara, ai lama prâka aiklabaia dukia kan kahbaika wal sin sip balbia apia, ba purkara sin ai yukuwaika sip sâkbia apia.

Jirimaya 16:4

Siknis saura witin nani ra alkbia, prui banhbia bara upla kumi sin bal pura mata inbia apia, bikbia sin apia; daiwan kânka nani baku tasba ra prawi kabia. War aiklabi ba mita, sanglang mita sin witin nani ba âpu daukbia; daiwan tnawira nani bal, daiwan wail nani sin bal pruan nani ba pibia.”

Jirimaya 20:5

Naha tawanka ba sin waihla nani mihta ra swimna diara nani bri ba sut, diara mana tara nani dukia bâra ba, Juda kingka kukanka nani ba sin, baha sut Babilon ra brih waia.

Jirimaya 24:10

Witin nani ra war blikamna, sanglang, siknis sin, witin nani ra yabri tasbaya ai damika nani ra sin yabri kan ba tasbaya ra witin nani kumi sin âpu takbia ba kat.”

Jirimaya 29:17

‘Yang, Dawan, karnika sut brisna ba, aisisna: War witin nani ra blikaisna, sanglang, siknis sin. Kwah mâ sukwan saura pali, piaia sip apia kata ba baku daukaisna.

Jirimaya 29:18

War ni, sanglang ni, siknis ni yang bui witin nani ra blikaisna. Yang daukamna nisan nani sut ba mita witin nani ra diara saura kaikan wan daukras dukia baku daukamna, lahtuban swira daukan patrangka kum kaia daukamni, diara kum sirang wan iki sibrin wan dingki ba baku daukamni, nisan nani bani kaikbia witin nani ra yakabamna ba.

Jirimaya 32:25

Ban sakuna, Dawan, man adar aikram yang baha tasbaya ba atkaia mana aibapaia witnis nani mawanra tasbaya ba naika Caldea uplika nani bal briaia sa sakuna.’ ”

Jirimaya 32:28

Baku bamna, yang mai wisni: Yang daukaisna tasbaya ba king Nabucodonosor karnika munhtara kauhaia, witinka Babilon kingka ba, bara Caldea uplika nani mihta ra sin.

Jirimaya 32:3

Sedequías kingka mita blikan wan silak mangkaia, kan Jirimaya naku aisin kan: “Dawan bila: ‘Yang daukamni naha tawanka na Babilon ai karnika bri ba mihta ra kauhbia,

Jirimaya 32:36

“Yang, Dawan, Israel Gâdka, man aisisma ba tawanka ba dukiara aisisni, war aiklabi ba, plun wahwi ba, siknis nani alki ba tâka mita Babilon kingka karnika ra kauhbia:

Jirimaya 32:5

Nabucodonosor mita Sedequías ba alki Babilon ra brih wabia, witin bâra kabia, yang mita kli witin ra wark yabamna ba kat. Ban kra man nani Caldea uplika nani mapara aiklama, sakuna diara yamni takbia apia. Yang, Dawan, kasak aisisna.’ ”

Jirimaya 33:4

Yang, Dawan, Israel Gâdka, maisa pakaia sturka kum brisna Jerusalem watla nani ba dukiara, Juda kingka watla nani ba slingban kabia ba wiaia. Caldea uplika nani balan witin nani wal aiklabaia kutbi bri ba mapara aiklabaia ai sordka nani bri taki wabia, sakuna sut, pruaia baman wabia. Yang kupi baiwan pali ra witin nani ba pruaia daukamni, kan maiwan witin nani ra kaikras kamna baha tawanka watawika ailal pali daukan bamna.

Jirimaya 34:17

Baku bamna, yang Dawan sna ba, naku wisni: Man nani ba yang bîli wali daukras, Ju tahkia alba nani ba pri swiras sma; baha ba mita, yang sin war ba pri swiaia sna, siknis nani ba, plun wahwaia ba sin man nani ra balbia king lâka tasbaya aiska ra sibrin tara kabia man nani ra. Yang, Dawan, kasak aisisna.

Jirimaya 52:4

Sedequías pat 9 mani king aimaki kan, baha manka ra kati matawalsip, yua matawalsip ra, Nabucodonosor aiklaklabra nani sut aikuki Jerusalem mapara balan, bara tawan ba kutban. Jerusalem lama kat aiklabaia watla nani ba mâkan baha wina aiklabaia.

Jirimaya 52:6

Baha manka ra kati walhwal, yua 9 aimakan ba kat tawan ba plun âpu takan, upla nani plun piaia âpu kan.

Jirimaya 6:6

Karnika sut bri Dawanka ba win naku daukaia: “¡Man nani dus nani ba klaki baps, kainam kahbaika dauks Jerusalem mapara aiklabaia! Tawanka ba pât ra lakan sa klala yabia taiban lâka ni banhwan bamna.

Isikiel 14:21

“Yang Dawan sna ba, naku wisni: Kau saura kabia Jerusalem mapara klala saurakira walhwal blikamna piua ra: war, plun wahwan, daiwan wail nani bara siknis saura nani, bara ikri upla bara daiwan nani sut ba.

Isikiel 21:22

Mihta aihkika wina trisba ba takan, Jerusalem tani ra marikisa, bara baha tânka, dahra wal kutbi alkaia dukia ni dimi iki tikaia sa, war aiklabia pura wini kira, durka nani ba yuski munbia, uli aiklabaika kum daukbia, bara aiska pali kutbia.

Isikiel 21:27

Aiska pali sauhki tikanka tara ra swimna, sauhki tikan, kau sauhki tikanka ra. Kuna naha na takan kabia, baha yang mita daukaia blikuna ba balbia, bara kasak lâka daukbia.

Isikiel 26:8

Sord malika napa ra sauhki tikbia, upla kwâra tasba ra iwi nani ra; kutbanka tara kum dauki ba kainam kir, kaina kahbaika daukbia, baha wina mai yûkbia bara suldiar ai kaina kahbaika bri nani ba mampara blîkbia.

Isikiel 4:2

Baha ningkara aiklaklabra daknika tara aiklabaia dukia bri ba dauks, bara baha nani kaina kir ba tawan kutbanka ba dauks, upla nani uli iwaika ba sin, bara baku witin nani kaikbia tawan kum ra kutbi bri ba.

Abakuk 1:10

King nani bara upla tara kulkanka bri nani ra lawaska kikisa. Kan kahbaika pliska nani bri ba dukiara sin kikisa, tawan tnaya kutbanka pura bâk dimaia dusa nani mangki bara baha nani sut ba kutbi alkisa.

Sakaraya 1:6

Ban sakuna, yang bîli nani, lâika nani sin naipakan prapit nani ra aisi smalkri ba, damikam nani baha ba pain wali banhwan kata. Bara witin nani ba yang ra tawi balan, ai dara sin walan, yang, karnika sut alki brisna Dawanka, witin nani ra munri ba, witin nani dîa ai daukanka bri ba praiska kat mana briaia kan ba.’ ”

Matiu 24:35

Kasbrika tasba wal lui wabia, sakuna bîli nani lika aimakan kabia.

Kli Smalkanka 4:26

Yang naiwa kasbrika purara bara tasba ra sin witniski brisni, Jordan baila wala kuntrika ra dimma ba ra man nani pat pali pruma. Baha tasbaya ra piua wihka raya kama apia, sakuna âpu pali mai daukbia.