Jirimaya 32:2 - DAWAN BÎLA AISKA

² Baha piua ra Babilon kingka suldiarka nani Jerusalem mapara aiklabi kata, bara Jirimaya ra priski swin kan suldiar mita king watla ra ba latka ra.

Jirimaya 32:2 ပူးပေါင်းရင်းမြစ်များ

2 King Nani 25:1

Sedequías king aimakan pat 9 mani bara kati matawalsip piua ra, ai aiklaklabrika daknika tara pali ba aikuki Jerusalem mapara aiklabaia bal, tawanka aiska ba kutban, bara ai tnaya kir ba laih wina kaiki aiklabaia watla nani paski bri kan.

Nihimaya 3:25

Witin wina Palal, Uzai luhpia waitna ba bal, baha un rayka bulwi tawan ba wina paski, ban king watla purara tawer kum ba kat brih wan, silak watla lama ba kat. Baha wina kli Pedaías, Parós luhpia waitna ba bal, baha tâka ba paskan,

Lawana Nani 88:8

Upliki nani ba ai lulki swiaia daukram sa; witin nani dukiara sip kupi alki takaskras. ¡Yang na silak watla ra ai mangkan, sip taki plapras ba baku sna!

Jirimaya 32:3

Sedequías kingka mita blikan wan silak mangkaia, kan Jirimaya naku aisin kan: “Dawan bila: ‘Yang daukamni naha tawanka na Babilon ai karnika bri ba mihta ra kauhbia,

Jirimaya 32:8

Dawan bui yang ra ai win ba baku, tahtiki luhpia waitna Hanamel, silak watla latka ba kat yang wal aisaia balan, yang ra makaban witin Anatot, Betlehem tasbaya ra insla daukaia tasbaya kum bri ba yang atki brimna, kan yang raitki brisna tasbaya ba atki yang briaia, yang lika witin ai taya kau ai lamara sna bamna. Witin aisin ba yang tânka briri, baha sika Dawan adarka baku daukaia win.

Jirimaya 33:1

Jirimaya ba kau ban silak ra bri kan lâ uplika nani king watla latka ra aihwawakra nani ba mihta ra, bara Dawan kli aima wala ra witin ra aisin, bara win:

Jirimaya 34:1

Nabucodonosor, Babilon kingka kan ba piua ra, aiklaklabra nani witin bri kan ba, bara nisan wala nani ai kingka lâka ra kan ba aiklaklabrika nani ba sin sut asla brin, bara Jerusalem mapara aiklabi kan, tawan nani baha lamara ba mapara sin, baha piua Dawan Jirimaya ra aisin, bara win:

Jirimaya 36:5

Bara Jirimaya Baruc ra naku smalki win: “Wals, yang Dawan tempelka ra waia ai takaskisa ba mita sip wamna apia.

Jirimaya 37:15

Bara baha nani Jirimaya ra kasak lawan, blikan bri si wipaia bara silak watla ra mangkaia Janatan sturi âiulbra ba watla ra, baha watla ba silak watla kan.

Jirimaya 37:21

Bara king Sedequías win Jirimaya ba king dimi watla latka ra aihwawakra bâra ba ra swibia, bara yabal ra brit angki ba wina yu bani brit kum bri si yabi kabia. Witin nani win baku dauki kabia yabal ra brit nani angki ba piua ra. Bara baku Jirimaya king watla latka ra bâra kan.

Jirimaya 37:4

Jirimaya ba kau silak ra mangkras kan ba mita upla tila tauki kaia sip kan.

Jirimaya 38:13

Bara waitna nani kialira ba lulkan bara Jirimaya baha wina sakan. Baha ningkara, Jirimaya aihwawakra latka ba ra takaskan.

Jirimaya 38:6

Bara witin nani Jirimaya ba alki wihta tara Malquías laya watla ra mangki swin, aihwawakra latka ra bâra ba. Lî watla ba lî âpu drapapa baman kan, bara witin kialira ni witin ba wilki bâra lahban, bamna Jirimaya drapapa ra rungwan.

Matiu 5:12

Liliam pali bas, man nani âmyapah sin bas, kan kasbrika purara mamna tara kum bâra sa bamna, kan baku sin upla saura nani mita prapit nani ra rausauhkan baha nani kainamra bâra kan nani ba ra.